ဗီယက္နမ္ကုန္စည္ျပပြဲ ရန္ကုန္မွာ က်င္းပမည္


ျမန္မာႏိုင္ငံမွာ လာမယ့္ ဒီဇင္ဘာ ၁၉ ကေန ၂၂ ရက္ေန႔အထိ ဗီယက္နမ္ ကုန္စည္ျပပြဲႀကီး က်င္းပဖို႔႐ွိပါတယ္။ ဒီကုန္စည္ျပပြဲၾကီး ကို ဗီယက္ နမ္ ကုန္သြယ္ျမွင့္တင္ေရး ေအဂ်င္စီ VIETTRADE က ၂၀၀၉ ခုႏွစ္ကတည္းက စျပီး ျမန္မာႏိုင္ငံမွာ က်င္းပခဲ့တာျဖစ္ျပီး ဒီႏွစ္မွာေတာ့ ဆိုင္ခန္းေပါင္း ၁၀၀ ေက်ာ္ျပသသြားမွာ ျဖစ္ပါတယ္။

ဗီယက္နမ္က စီးပြားေရးလုပ္ငန္းေတြ လာေရာက္ျပသမယ့္ ဒၤီပြဲမွာ အသင့္စား အစားအေသာက္ေတြ၊ လူသံုးကုန္ပစၥည္း၊ ပစၥည္းကရိယာေတြ၊ စက္ပစၥည္း၊ လ်ွပ္စစ္ပစၥည္း၊ ေဆးနဲ႔ ေဆးပစၥည္း စတာေတြကို ထည့္သြင္းျပသသြားမွာ ျဖစ္ပါတယ္။

ျမန္မာႏိုင္ငံမွာ ဗီယက္နမ္ စီးပြားေရး ေစ်းကြက္ကို ခ်ဲ႕ထြင္ဖို႕၊ ဗီယက္နမ္ ျပည္တြင္းျဖစ္ ပစၥည္းေတြ ျပည္ပကို တင္ပို႔ႏိုင္ဖို႕နဲ႕ ျမန္မာနဲ႕ စီးပြါးေရး ကြန္ယက္ တည္ေဆာက္ႏိုင္ဖို႕ ရည္႐ြယ္ျပီး ဒီကုန္စည္ျပပြဲႀကီး က်င္းပရတာလို႕ ဗီယက္ နမ္ ကုန္သြယ္ျမွင့္တင္ေရး ေအဂ်င္စီ VIETTRADE က ေျပာပါတယ္။

ျမန္မာနဲ႕ ဗီယက္နမ္ၾကား ၂၀၁၈ ခုနွစ္အတြင္း ကုန္သြယ္မႈ အေမရိကန္ ေဒၚလာ သန္းေပါင္း ၈၆၀ တန္ဖိုးထိ ျမင့္တက္ခဲ့တဲ့အတြက္ ဗီယက္နမ္ဟာ ျမန္မာရဲ႕ ကုန္သြယ္ဘက္ အဆင့္ ၉ မွာ ရွိေနပါတယ္။ ျမန္္မာႏို္င္ငံတြင္း ရင္းႏွီးျမွဳပ္ႏွံမႈ အမ်ားဆံုးနိုင္ငံစာရင္းမွာေတာ့ ဗီယက္နမ္က စုစုေပါင္း ေဒၚလာ ၂.၂ သန္း နီးပါးတန္ဖိုး ရွိတဲ့ စီမံကိန္းလုပ္ငန္းေပါင္း ၁၈ ခုနဲ႕ အဆင့္ ၇ မွာ႐ွိေနတယ္လို႕ သိရပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ