အမေရိကန်ပြည်ဝင်ခွင့် ပိုလွယ်ကူမယ့်အစီအစဉ် သံရုံးကြေညာ


အမေရိကန်ပြည်ထောင်စုကို လာရောက်လိုတဲ့ မြန်မာနိုင်ငံသားတွေ ခရီးသွားလာရေး လွယ်ကူစေမယ့် ပြည်ဝင်ခွင့် ဗီဇာ အစီအစဉ်ကို စတင်လိုက်ကြောင်း ရန်ကုန်မြို့မှာရှိတဲ့ အမေရိကန်သံရုံးက ဒီကနေ့ ကြေညာချက် ထုတ်ပြန်လိုက်ပါတယ်။

အမေရိကန်ကို လုပ်ငန်းကိစ္စနဲ့ဖြစ်စေ၊ အလည်အပတ်ခရီးအတွက်ဖြစ်စေ သွားရောက် လိုသူတွေအတွက် ထုတ်ပေးတဲ့ ပြည်ဝင်ခွင့်ဗီဇာ B1 နဲ့ B2 နှစ်ခုစလုံးကို တပေါင်းတည်း လျှောက်ထားနိုင်တဲ့ အစီအစဉ်ကို စတင်လိုက်တာဖြစ်ပါတယ်။ ဒီအစီအစဉ်သစ်အရ ပြည်ဝင်ခွင့်ဗီဇာ တကြိမ်ကို ၃ လ သက်တမ်းရှိမှာဖြစ်ပြီး အာမခံကြေးလည်း ပေးစရာမလိုတော့ဘူးလို့ ဆိုပါတယ်။

နှစ်နိုင်ငံအကြား ခရီးသွားလာမှုပိုများစေရေးအတွက်ရည်ရွယ်တဲ့အနေနဲ့ အခုလို ပြည်ဝင်ခွင့် ဗီဇာလျှောက်ထားလို့ လွယ်ကူစေမယ့် အစီအစဉ်ကို စတင်လိုက်ခြင်းဖြစ်တယ်လို့ မြန်မာနိုင်ငံဆိုင်ရာ အမေရိကန်သံအမတ်ကြီး Scot Marciel က ပြောပါတယ်။

၂၀၁၈ ခုနှစ်အတွင်းက အမေရိကန်ကိုသွားကြမယ့် မြန်မာနိုင်ငံသားတွေအတွက် ပြည်ဝင်ခွင့်ဗီဇာ ၁၄,၀၀၀ နီးပါး ထုတ်ပေးခဲ့ပြီး ဒါဟာ ၂၀၁၅ ခုနှစ်ကထက်စာရင် ၄၀% တိုးလာတယ်လို့ သံရုံးထုတ်ပြန်ချက်ထဲမှာ ဖော်ပြထားပါတယ်။

၂၀၁၇-၁၀၁၈ ပညာသင်နှစ်အတွင်းမှာ မြန်မာနိုင်ငံက ကျောင်းသူ၊ ကျောင်းသား စုစုပေါင်း ၁,၅၀၀ ကျော် အမေရိကန်မှာ ပညာသင်ခဲ့ကြတယ်လို့ ပြောပါတယ်။ ဒါဟာ အဲဒီနှစ်မတိုင်ခင် ပညာသင်နှစ်နဲ့ နှိုင်းယှဉ်လိုက်ရင် ၁၆% တိုးလာတာလည်း ဖြစ်ပါတယ်။

တဘက်မှာလည်း အမေရိကန်ကနေ မြန်မာနိုင်ငံကိုလာတဲ့ ခရီးသွားအရေအတွက် တိုးလာနေပြီး အခုနှစ် ပထမ နှစ်ဝက်အတွင်း မှာတင် အမေရိကန်နိုင်ငံသား ၃၅,၀၀၀ ရောက်လာခဲ့ပြီးတော့ အရင်နှစ်ကထက် ၃% တိုးလာတယ်လို့ ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ