ဧရာဝတီဘဏ် အပ်ငွေစာရင်းမှ ငွေအလွဲသုံးစားပြုလုပ်သူ ဘဏ်ဝန်ထမ်းနှင့် ပူးပေါင်းပါဝင်သူများအား ဖမ်းဆီးရမိ


ရန်ကုန် ဩဂုတ် ၁၇

မရမ်းကုန်းမြို့နယ်ရှိ ဧရာဝတီဘဏ်ခွဲ (၄၅၊ ရန်ကုန်)တွင် ဇူလိုင် ၁၅ ရက် နံနက် ၁၀ နာရီခွဲက ဘဏ်အငယ်တန်းစာရေး ဖြစ်သူ မနှင်းဦးဝေသည် ဘဏ်တွင် ငွေအပ်၊ ငွေထုတ် ပြုလုပ်နေသူတစ်ဦး၏ အပ်ငွေစာရင်း လျှို့ဝှက်နံပါတ်ကို ခိုးယူရိုက်နှိပ်ကာ ငွေကျပ်ကျပ်သိန်း ၂၁၀၀ အား ၎င်း၏ရည်းစားဖြစ်သူ ဖြိုးဝေစိုး အကောင့်သို့ စာရင်းလွှဲပြောင်းပေးခဲ့ ကြောင်း၊ ဖြိုးဝေစိုးက လွှဲငွေကျပ်သိန်း ၂၁၀၀ အနက် ငွေကျပ်သိန်း ၁၇၀၀ ကို လှိုင်သာယာမြို့နယ်ရှိ ဧရာဝတီဘဏ်ခွဲ (၂)မှ ထုတ်ယူသွားသောကြောင့် မနှင်းဦး ဝေနှင့် ဖြိုးဝေစိုးတို့ကို တာဝန်ခံတရားလို မ---- က ဥပဒေအရ အရေးယူပေးပါရန် ဘုရင့်နောင်နယ်မြေရဲစခန်းတွင် အမှုဖွင့် တိုင်တန်းခဲ့သည်။

ဖြစ်စဉ်နှင့်ပတ်သက်၍ တိုင်းဒေသ ကြီး ရဲတပ်ဖွဲ့မှူး၏ ညွှန်ကြားမှုအရ ရန်ကုန်တိုင်းဒေသကြီး ရဲတပ်ဖွဲ့မှူးရုံး၊ အုပ်ချုပ်မှုဌာနခွဲမှ တပ်ဖွဲ့ဝင်များသည် ပြစ်မှုကျူးလွန်သူများကို ဖမ်းဆီးရမိ ရေးအတွက် စုံစမ်းဆောင်ရွက်ခဲ့ရာ ဖြိုးဝေ စိုး၏သူငယ်ချင်းဖြစ်သူ ကျော်စွာထွန်း (ခ)ကိုဇူက ပြစ်မှုကျူးလွန်သူနှစ်ဦးအား ဧရာဝတီတိုင်းဒေသကြီး ဝါးခယ်မမြို့နယ် ကျုံပတုတ်ကျေးရွာသို့ ခေါ်ဆောင်သွား ကြောင်း စုံစမ်းသိရှိရသဖြင့် သွားရောက် အတည်ပြုဖမ်းဆီးရာ ဩဂုတ် ၁၅ရက် တွင် ပြစ်မှုကျူးလွန်သူ ဖြိုးဝေစိုး၊ မနှင်းဦး ဝေ၊ ကျော်စွာထွန်း(ခ)ကိုဇူနှင့် မြင့်မြင့်စိုး တို့ကို ဖမ်းဆီးရမိခဲ့သည်။

အမှုမှ ပါဆုံးသက်သေခံပစ္စည်းများအားသိမ်းဆည်းနိုင်ခဲ့ပြီး ပြစ်မှုကျူးလွန်သူ ဖြိုးဝေစိုး၊ မနှင်းဦးဝေ၊ ကျော်စွာထွန်း(ခ)ကိုဇူနှင့် မြင့်မြင့်စိုးတို့အား ဥပဒေနှင့်အညီ အမြန်ဆုံးတရားစွဲတင်ပို့နိုင်ရေး ဆောင်ရွက် လျက်ရှိကြောင်း သိရသည်။

ရဲပြန်ကြား
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ