ဦးဝီရသူ ဆက်လက်တိမ်းရှောင်နေ |
ထွက်ပြေး တိမ်းရှောင်နေသူ ဦးဝီရသူ လာရောက် စေခြင်းငှာ ရာဇဝတ်ကျင့်ထုံး ဥပဒေ ပုဒ်မ ၈၈ အရ အခုလို အမိန့် ထုတ်ဆင့်ရတာ ဖြစ်တယ် ဆိုပြီး ရန်ကုန် အနောက်ပိုင်း ခရိုင် တရားရုံးရဲ့ သတင်းနဲ့ ပြန်ကြားရေး အရာရှိ ဦးမင်းသန့်က သတင်းထောက်တွေကို ပြောပါတယ်။
ဒီဝရမ်းကို ဦးဝီရသူ နေထိုင်တဲ့ မန္တလေး ခရိုင်က ခရိုင်တရားသူကြီး ထံ ပေးပို့လိုက်တယ်လို့လည်း ဆိုပါတယ်။
မန္တလေးခရိုင်တရားသူကြီး အနေနဲ့ စက်တင်ဘာလ ၉ ရက်နေ့မှာ ဒီဝရမ်းကို ပြန်လည် တင်သွင်းရမှာ ဖြစ်ပါတယ်။
စာသင်သား ထောင်ပေါင်းများစွာ ရှိတဲ့ မစိုးရိမ်တိုက်သစ် |
ဝရမ်းကပ်တယ် ဆိုတာကို သာမန် အရပ်သူ အရပ်သားတွေ နားလည်အောင် ဦးဝီရသူ ပိုင်တဲ့ ပစ္စည်းတွေကို ချိတ်ပိတ်တာတွေ ချိတ်ပိတ်၊ သိမ်းလို့ရတာတွေ သိမ်း စတာတွေ ပြုလုပ်မှာလား ဆိုတဲ့ သတင်းထောက်တွေရဲ့ အမေးကိုတော့ ဦးမင်းသန့်က သူ့အနေနဲ့ တရားရုံး ဆုံးဖြတ်ချက်ပါ စာသား အတိအကျပဲ ဖတ်ပြနိုင်မယ်လို့ တုံ့ပြန်ပါတယ်။
အခုလို ရာဇဝတ်ကျင့်ထုံး ၈၇၊ ၈၈ အရ ဆောင်ရွက်ပေမယ့် ဦးဝီရသူ တရားရုံး ရှေ့မှောက် ရောက်မလာပဲ ရှိနေရင်တော့ ရာဇဝတ်ကျင့်ထုံး ဥပဒေ ၅၄ အရ ဆက်လက် ဆောင်ရွက်သွားလို့ ရတယ် ဆိုပြီး ဦးမင်းသန့်က ပြောပါတယ်။
ပိုင်ဆိုင်တဲ့ ပစ္စည်း ဝရမ်းကပ်တယ် ဆိုတာဘာလဲ
တရားရုံးက ဆင့်ခေါ်တာကို မလာရောက်ပဲ တိမ်းရှောင်နေသူတွေရဲ့ ပစ္စည်းတွေကို ဘယ်သူ တစ်ဦး တစ်ယောက်ကမှ ပေါင်နှံ၊ ရောင်းချ၊ မရွှေ့ပြောင်းနိုင်အောင် တားဆီးလိုက်တဲ့ အဓိပ္ပာယ်၊ ချိတ်ပိတ် လိုက်တဲ့ အဓိပ္ပာယ် ဖြစ်တယ် ဆိုပြီး ဝါရင့် တရားလွှတ်တော် ရှေ့နေကြီး ဦးကြီးမြင့်က ပြောပါတယ်။
ဒီနောက်မှာ တရားရုံးရှေ့ ရောက်လာဖို့ ဆက်ပြီး ပျက်ကွက် နေဦးမယ် ဆိုရင်တော့ တရားရုံးက နိုင်ငံပိုင် အနေနဲ့ သိမ်းဆည်းနိုင်ပါတယ်။ အခုကိစ္စမှာတော့ တိမ်းရှောင်နေသူဟာ သံဃာဖြစ်နေတဲ့ အတွက် သံဃာတော်အများကို ရည်စူးပြီး ဒကာ၊ ဒကာမတွေလှူထားတာကို ဦးဝီရသူက ယာယီတာဝန်ယူ သုံးစွဲထားတဲ့ ပစ္စည်းလား (ဥပမာ သီတင်းသုံးရာကျောင်း)၊ ဦးဝီရသူကို သီးသန့် လှူထားတဲ့ ပစ္စည်းတွေလား ခွဲခြားရမှာ ဖြစ်ပါတယ်။
ဦးဝီရသူအတွက် ဆုတောင်းပွဲတွေလည်း ထောက်ခံသူတွေ ပြုလုပ်ခဲ့ |
ဒီလိုပဲ ဝရမ်းပြေးဖြစ်ကြောင်း သေချာသွားတဲ့ သူကို အများပြည်သူ အနေနဲ့လည်း ဖမ်းဆီးပြီး နီးစပ်ရာ ရဲစခန်းကို ပို့ပေးနိုင်တယ်လို့ တရားလွှတ်တော် ရှေ့နေကြီး ဦးကြီးမြင့်က ပြောပါတယ်။
ပြဿနာရဲ့အစ
တနင်္သာရီတိုင်း၊ မြိတ်မြို့နဲ့ ရန်ကုန် ကျောက်တံတားမြို့နယ်တွေမှာ ပြုလုပ်ခဲ့တဲ့ ၂၀၀၈ ဖွဲ့စည်းပုံအခြေခံဥပဒေထောက်ခံပွဲတွေနဲ့ အမျိုးသားရေးလှုပ်ရှားမှု ဟောပြောပွဲတွေမှာ ဦးဝီရသူရဲ့ ပြောဆိုချက်တွေနဲ့ ပတ်သက်ပြီး အမှုဖွင့် ခံထားရတာ ဖြစ်ပါတယ်။
ဦးဝီရသူ ပြောခဲ့တာတွေထဲ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ပြင်းထန်ကြမ်းတမ်းစွာ ပုတ်ခတ် ဟောပြောတာတွေ ပါဝင်ခဲ့တာကြောင့်ဆိုပြီး နိုင်ငံတော် အကြည်ညိုပျက်စေမှုဆိုင်ရာ ရာဇသတ်ကြီးပုဒ်မ ၁၂၄ (က)နဲ့ အမှုဖွင့်ပြီး မေလ ၂၈ ရက်နေ့ကတည်းက ဖမ်းဝရမ်းထုတ်ထားခဲ့ပါတယ်။
ဒေါ်အောင်ဆန်းစုကြည်အပေါ် ဝေဖန်တဲ့ စကားတွေ ပြင်းထန်ကြမ်းထန်လို့ ဆိုပြီး အကြည်ညို ပျက်စေမှုနဲ့ တရားစွဲခံရ။ |
ဒီအမှုမှာ တရားလိုဟာ တရားလို အနောက်ပိုင်းခရိုင် ဒုအထွေထွေအုပ်ချုပ်ရေးမှူး ဦးစန်းမင်း ဖြစ်ပြီး၊ ဦးဝီရသူကို ဖမ်းဆီးတရားစွဲဖို့ အစိုးရက ညွှန်ကြားထားတာလို့ သမ္မတရုံး ပြောခွင့်ရသူက သတင်းစာရှင်းလင်းပွဲတစ်ခုမှာ ပြောထားဖူးပါတယ်။
တရားလိုပြ သက်သေတွေဖြစ်တဲ့ ရဲ၊ ရပ်ကွက်အုပ်ချုပ်ရေးမှူး၊ သာသနာရေးဦးစီးဌာန အရာရှိစတဲ့ ပုဂ္ဂိုလ် တွေကို ရန်ကုန်အနောက်ပိုင်းခရိုင်တရားရုံးက စစ်ဆေးပြီး ဖြစ်ပါတယ်။
BBC Burmese
https://www.bbc.com
ဦးဝီရသူ ပစ္စည်းတွေကို မန္တလေးခရိုင် တရားသူကြီးက ဝရမ်းစွဲကပ်ရမယ်
Reviewed by THITHTOOLWIN
on
02:02
Rating: