ဖားကန့်ဒေသခံတွေ အခွင့်အရေးဆုံးရှုံးနေရတာ ကာကွယ်ပေးဖို့ တောင်းဆို

ဖားကန့်မြို့ မှော်ဝမ်း ကျောက်တိုင်မှာ ၂ဝ၁၉ သြဂုတ် ၉ ရက်နေ့က ပြုလုပ်တဲ့ အပြည်ပြည်ဆိုင်ရာ ဌာနေတိုင်းရင်းသားများနေ့ အခမ်းအနားကို တွေ့ရစဉ်
ကချင်ပြည်နယ် ဖားကန့်ဒေသ မုန်းနောင်ခေါင် ဥရုဒေသမှာ အခြေချနေထိုင်သူတွေကြောင့် ဌာနေတိုင်းရင်းသားတွေ ရဲ့ အခွင့်အရေး နစ်နာဆုံးရူံးမှုတွေ ကာကွယ်ပေးနိုင်ဖို့ ဒီနေ့ ပြုလုပ်တဲ့ အပြည်ပြည်ဆိုင်ရာ ဌာနေတိုင်းရင်းသား များနေ့မှာ ဒေသခံတွေက တောင်းဆိုလိုက်ပါတယ်။

အဲဒီအခမ်းအနားကို ဒီကနေ့ ဖားကန့်မြို့ မှော်ဝမ်း ကျောက်တိုင်မှာ ဒို့မြေ၊ ဒို့အသက် ဆိုတဲ့ ဆောင်ပုဒ်နဲ့ ဒေသခံ ၇၀၀ ခန့် ပါဝင်ပြီး ပထမဆုံး ကျင်းပခဲ့တာပါ။

ဖားကန့်ဒေသမှာ ရွှေ့ပြောင်းအလုပ်သမားတွေ များလာတာကြောင့် ဒေသခံတွေအတွက် မြေနေရာ၊ အလုပ်အကိုင် အခွင့်အရေး ဆုံးရှုံးမှုတွေရှိနေတယ်လို့ ဒေသခံတွေက ပြောပါတယ်။

ဒါ့အပြင် သယံဇာတတူးဖော်မှုကြောင့် ထိခိုက်ပျက်စီးသွားတဲ့ သဘာဝအရင်းအမြစ်တွေ၊ ဂေဟစနစ်တွေ သစ်တောတွေ စိုက်ပျိုးမြေတွေကို သက်ဆိုင်ရာ အစိုးရတာဝန်ရှိသူတွေအနေနဲ့ ကွင်းဆင်းစစ်ဆေးပြီး ဥပဒေအတိုင်းဆောင်ရွက်ပေးဖ်ို့နဲ့ ရွှေ့ပြောင်းအလုပ်သမားတွေအနေနဲ့ မိမိနေရပ်ကို ပြန်သွားဖို့ လိုလားတယ်လို့ ဖားကန့်ဒေသခံ ဦးလမောင်လတောင် က ပြောပါတယ်။

ဖားကန့်ဒေသမှာ ဌာနေဒေသခံ လူဦးရေ ထောင်ဂဏန်းသာရှိပြီး ရခိုင်၊ ဗမာ၊ တရုတ် အစရှိတဲ့ ရွှေ့ပြောင်းအလုပ် သမားတွေက သိန်းဂဏန်းရှိနေတယ်လို့ ဒေသခံတွေက ပြောပါတယ်။

မုန်းနောင်ခေါင် ဥရုဒေသ ဌာနေသားတွေဟာ ဖားကန့်ဒေသမှာ ၁၃ ရာစု ၁၂၅၀ ခုနှစ်မှာ စတင်ရောက်ရှိလာ တာဖြစ်ပြီး အဲဒီတုန်းက ကျေးရွာပေါင်း ၅၈ ရွာ၊ လူဦးရေ ၂၀၀ ကျော်သာ နေထိုင်ခဲ့ကြတယ်လို့ သိရပါတယ်။

၁၉၉၅ ခုနှစ်နောက်ပိုင်း ဖက်စပ်အကျိုးတူကုမ္ပဏီဆိုပြီး လုပ်လာတဲ့နောက်ပိုင်းမှာတော့ ဖားကန့် ဒေသဟာ သဘာဝသယံဇာတနဲ့ တော၊ တောင်တွေ ပျက်စီးဆုံးရူံးလာရတာဖြစ်တယ်လို့ ဒေသခံတွေက ပြောပါတယ်။

အဲဒီထုတ်ပြန်ချက်ကိုလည်း ကချင်ပြည်နယ်အစိုးရဆီကို ပေးပို့သွားမယ်လို့လည်း ပြောကြပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ