ကရသူရိၿမိဳ႕၊ ႀကိမ္မဲေတာင္ေက်း႐ြာ၊ ကမ္းသာယာလမ္းေပၚသို႔ ေတာင္ၿပိဳက်မႈျဖစ္ပြား


ကရသူရိ ဩဂုတ္ ၁၁

တနသၤာရီတိုင္းေဒသႀကီး၊ ဘုတ္ျပင္းၿမိဳ႕နယ္၊ ကရသူရိၿမိဳ႕၊ ဟန္ကျပဳေက်း႐ြာအုပ္စု၊ ႀကိမ္မဲေတာင္ေက်း႐ြာ၌ ယေန႔ နံနက္ (၂)နာရီခန႔္က မိုးသည္းထန္စြာ႐ြာသြန္းၿပီး ေလျပင္းတိုက္ခတ္ မႈေၾကာင့္ ေတာင္ၿပိဳက်ကာ ကမ္းသာယာလမ္းေပၚတြင္ ေျမသားႏွင့္သစ္ကိုင္း/ သစ္ပင္မ်ားပိတ္ဆို႔မႈ အနည္းငယ္ျဖစ္ပြားခဲ့ေၾကာင္းသိရ သည္။


လမ္းပိတ္ဆို႔မႈေၾကာင့္ ႐ြာသူ/႐ြာသားမ်ား သြား/လာေရးအခက္အခဲ မရွိေစရန္အတြက္ ဟန္ကျပဳေက်း႐ြာအုပ္ခ်ဳပ္ေရးမႉးႏွင့္ရပ္စာေရးတို႔က ႀကီးၾကပ္၍ ရပ္မိ/ရပ္ဖမ်ား၊ အရန္မီးသတ္တပ္ဖြဲ႕ မ်ားစုစုေပါင္းအင္အား(၂၀)ျဖင့္ ပိတ္ဆို႔ေျမမ်ားႏွင့္သစ္ကိုင္းသစ္ခတ္မ်ားကို တက္ညီလက္ညီဝိုင္းဝန္း ရွင္းလင္းခဲ့ၿပီး လူေနအိမ္မ်ား၊ လူ၊ တိရစာၦန္မ်ားထိခိုက္ပ်က္စီးမႈ မရွိခဲ့ေၾကာင္းသိရသည္။


အဆိုပါျဖစ္ပြားမႈသည္ ယခုရက္ပိုင္းအတြင္း တနသၤာရီတိုင္းေဒသႀကီးတြင္ ေနရာအသီးသီး၌ မိုးအဆက္မျပတ္႐ြာသြန္းလွ်က္ရွိၿပီး ေလျပင္းမ်ား တိုက္ခတ္ကာ ေရႀကီး/ေရလွ်ံမႈမ်ားျဖစ္ပြားလွ်က္ရွိ ေၾကာင္း၊ ဆက္လက္၍လည္း မိုးအဆက္မျပတ္႐ြာသြန္းလွ်က္ရွိၿပီး သက္ဆိုင္ရာမွ သတိေပးစာေစာင္ မ်ားႏွင့္ ေစာင့္ၾကည့္မႈမ်ားကိုေဆာင္႐ြက္လ်က္ရွိေၾကာင္းသတင္းရရွိသည္။

စိုးဝင္း(ျပန္/ဆက္)
Myanmaalinn
https://www.facebook.com/MYANMAALINNNEWS

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ