တပ္မေတာ္နည္းပညာတကၠသိုလ္နဲ႔ ေနာင္ခ်ိဳစစ္ေဆးေရးဂိတ္ တိုက္ခိုက္ခံရ



Share/Bookmark
 ျပင္ဦးလြင္မွာရွိတဲ့ တပ္မေတာ္နည္းပညာတကၠသိုလ္ (DSTA)
ျပင္ဦးလြင္မွာရွိတဲ့ တပ္မေတာ္နည္းပညာတကၠသိုလ္ (DSTA)ကို ၾသဂုတ္လ ၁၅ ရက္ေန႔ မနက္ ၅ နာရီခြဲေလာက္မွာ လက္နက္ကိုင္အဖြဲ႕တစ္ဖြဲ႕ကေန အေဝးကေနၿပီးေတာ့ လက္နက္ႀကီးနဲ႔ ပစ္ခတ္သြားလို႔ တပ္မေတာ္တပ္ဖြဲ႕ဝင္ ၁ ဦး ေသဆုံးခဲ့ၿပီး တပ္ဖြဲ႕မွာ အလုပ္လုပ္ေနတဲ့ အရပ္သားဝန္ထမ္း ၁ ဦး ထိခိုက္ဒဏ္ရာရခဲ့တယ္လို႔ တပ္မေတာ္သတင္းမွန္ျပန္ၾကားေရးအဖြဲ႕ အတြင္းေရးမႉး ဗိုလ္မႉးခ်ဳပ္ေဇာ္မင္းထြန္းက ဘီဘီစီကို အတည္ျပဳ ေျပာပါတယ္။

တၿပိဳင္တည္းမွာပဲ ျပင္ဦးလြင္ၿမိဳ႕အဝင္မွာရွိတဲ့ မူးယစ္ေဆးဝါးေတြ ပါမပါဆိုတာကို အိတ္စေရးစက္နဲ႔ ျဖတ္ၿပီး စစ္ေဆးတဲ့ စစ္ေဆးေရးဂိတ္လည္း ပစ္ခတ္ခံခဲ့ရပါတယ္။

မနက္ ၇ နာရီေက်ာ္ေလာက္မွာလည္း ေနာင္ခ်ိဳမွာရွိတဲ့ မူးယစ္ေဆးဝါးပူးေပါင္းစစ္ေဆးေရးဂိတ္ကို ပစ္ခတ္မႈေတြရွိခဲ့ၿပီး တပ္မေတာ္စစ္ေၾကာင္းေတြက လိုက္လံရွင္းလင္းေနရပါတယ္။

တိုက္ခိုက္ခံရမႈ ၂ ခုလုံးကို ဘယ္လက္နက္ကိုင္ အဖြဲ႕က တိုက္ခိုက္ခဲ့လဲ ဆိုတာေတာ့ စိစစ္ဆဲ ျဖစ္ၿပီး မူးယစ္ေဆးဝါး ႏွိမ္နင္းေရးလုပ္တဲ့ ကိစၥေတြနဲ႔ ဆက္စပ္ေနႏိုင္တယ္လို႔လည္း ဗိုလ္မႉးခ်ဳပ္ ေဇာ္မင္းထြန္းက ေျပာပါတယ္။

BBC Burmese
https://www.bbc.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ