Wimbledon အမ်ဳိးသမီး တင္းနစ္ ႐ုိေမနီးယားက Simona Halep ဗုိလ္စဲြ



Share/Bookmark
Simona Halep (ဇူလိုင္၊ ၁၃၊ ၂၀၁၉)
၀င္ဘယ္လ္ဒန္အမ်ိဳးသမီး တဦးခ်င္း ဖုိင္နယ္ကိုေတာ့ ဒီကေန႔မွာ ကစားခဲ့ၾကတာမွာ ႐ုိေမနီးယားက Simona Halep က အေမရိကန္က နာမည္ႀကီး Serena Williams ကို အႏုိင္ရၿပီး ခ်န္ပီယံ ျဖစ္သြားပါတယ္။

ပထမပဲြမွာေတာ့ Halep က ဆရီနာကို ၆-၂ နဲ႔ ႏုိင္ပါတယ္။ ဒီပဲြမွာ Serena က Halep ကို ဘယ္ညာေမာင္းၿပီး ပဲြကို ထိန္းခ်ဳပ္ႏုိင္ဖို႔ ႀကိဳးပမ္းခဲ့ေပမဲ့ Halep ရဲ႕ တန္ျပန္႐ုိက္ခ်က္ေတြနဲ႔ ခံစစ္ကစားပုံေတြက ေကာင္းခဲ့ၿပီး Serena ရဲ႕ ႐ုိ္က္ခ်က္ေတြက အမွားမ်ားခဲ့ပါတယ္။

ဒုတိယပဲြမွာလည္း သူတုိ႔ ႏွစ္ ေယာက္ အႀကိတ္အနယ္ကစားခဲ့ၾကၿပီး ဆရီနာက အႏုိင္ရဖို႔ အစြမ္းကုန္ႀကိဳးစားခဲ့ေပမဲ့ ေနာက္ဆုံးမွာေတာ့ ပထမပဲြမွာလိုပဲ Halep ၆-၂ နဲ႔ ႏုိင္ၿပီး ခ်န္ပီယံျဖစ္သြားပါတယ္။

ဆရီနာကေတာ့ သူ႔အေနနဲ႔ အႏုိင္ရဖို႔အတြက္ အစြမ္းကုန္ကစားခဲ့ေၾကာင့္ ဒါေပမဲ့ Halep က အေကာင္းဆုံး ကစားသြားႏုိင္ခဲ့တယ္လို႔ ပဲြအၿပီးမွာ ခ်ီးက်ဴးသြားပါတယ္။ Halep ကလည္း ဒီပဲြဟာ သူတင္းနစ္ကစားခဲ့တဲ့ သက္တမ္းတေလွ်ာက္မွာ အေကာင္းဆုံးကစားႏုိင္ခဲ့တာျဖစ္တယ္လို႔ ပဲြအၿပီး ဆုယူစဥ္မွာ ေျပာၾကားလိုက္ပါတယ္။

Halep ဟာ ဒီပဲြႏုိင္လိုက္တဲ့အတြက္ေတာ့ ဒါဟာ ၀င္ဘယ္လ္ဒန္ၿပိဳင္ပဲြကို ပထမဆုံးအႏုိင္ရတာျဖစ္ၿပီး သူမအတြက္ ဒုတိယေျမာက္ ဂရန္းစလမ္း ဆုဖလားျဖစ္ပါတယ္။

ဆရီနာ၀ီလီယံအတြက္ေတာ့ ဒီပဲြကို႐ံႈးသြားတဲ့အတြက္ Margaret Court တင္ထားတဲ့ ဂရန္းစလမ္းဆုဖလား ၂၄ ခုေျမာက္ စံခ်ိန္ကိုမီဖို႔ အခြင့္အေရး တခု လက္လြတ္လိုက္ရပါတယ္။

ဒီပဲြကိုေတာ့ ၿဗိတိန္ေတာ္ဝင္ မင္းသမီး ႏွစ္ ေယာက္ျဖစ္တဲ့ Catherine Middleton နဲ႔ Meghan Markle တုိ႔ လာၾကည့္ခဲ့သလို ၿဗိတိန္ဝန္ႀကီးခ်ဳပ္ Teresa May နဲ႔ တျခား နာမည္ႀကီး ပုဂၢိဳလ္ေတြ အေတာ္မ်ားမ်ား လာေရာက္ ၾကည့္ရႈခဲ့ၾကပါတယ္။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ