အင္အားျပင္း အပူပုိင္းမုန္တုိင္း Barry အေမရိကန္ ကမ္း႐ုိးတန္းအနီးေရာက္ရွိ


အပူပိုင္းမုန္တိုင္း ဘယ္ရီဟာ ဒီကေန႔မွာ အေမရိကန္ျပည္ေထာင္စု လူ၀ီစီယားနားျပည္နယ္ ကမ္း႐ိုးတန္းေဒသဆီ ေရြ႕လ်ားလာေနတာနဲ႔အမွ် ပိုၿပီး အားေကာင္း လာေနတယ္လုိ႔ မုိးေလ၀သပညာရွင္ေတြက ေျပာပါတယ္။

ဘယ္ရီ မုန္တိုင္းေၾကာင့္ ေလျပင္းမုန္တိုင္း တိုက္ခတ္ၿပီး မိုးအႀကီးအက်ယ္ ရြာသြန္းႏိုင္သလို၊ အႏၱရာယ္ရွိတဲ့ မုန္တိုင္းတခု ျဖစ္လာႏုိင္ေၾကာင္းနဲ႔ ကမ္း႐ိုးတန္းေဒသတခ်ိဳ႕ေနရာေတြနဲ႔ Mississippi ျမစ္၀ွမ္းေအာက္ပိုင္းေဒသေတြမွာ အသက္အႏၱရာယ္ ရွိႏိုင္တဲ့ ေရႀကီးေရလွ်ံမႈေတြ ျဖစ္လာႏိုင္တယ္လို႔ အမ်ိဳးသား ဟာရီကိန္းစင္တာက သတိေပးထားတာပါတယ္။

အျမင့္ဆံုး ေလတိုက္ႏႈန္း တနာရီကို ၁၁၅ ကီလိုမီတာေလာက္အထိ ရွိႏုိင္ၿပီး ကမ္း႐ိုးတန္းေဒသကို တနာရီ ၇ ကီလိုမီတာႏႈန္းနဲ႔ ေရြ႕လ်ားလာေနတာပါ။

မကၠဆီကိုပင္လယ္ေကြ႔ကေန ဘယ္ရီမုန္တုိင္း တျဖည္းျဖည္း ဝင္ေရာက္လာေနတာနဲ႔အမွ် လူ၀ီစီယားနားျပည္နယ္ New Orleans ၿမိဳ႕က ၿမိဳ႕ခံေတြကေတာ့ သူတို႔ရဲ႕ ေနအိမ္ေတြကို မုန္တိုင္းဒဏ္ခံႏုိင္ေအာင္ ျပင္ဆင္ေနၾကျပီး ရိကၡာၾကိဳတင္ စုေဆာင္းတာေတြလည္း လုပ္ေနၾကပါတယ္။

ၿမိဳ႕ေတာင္ဘက္က ကမ္း႐ိုးတန္းေဒသႏွစ္ခုမွာ ေနထိုင္ေနၾကသူေတြကိုေတာ့ ေနရာကေန မျဖစ္မေန ေရႊ႕ေျပာင္းဖို႔ ညြန္ၾကားထားျပီး New Orleans ၿမိဳ႕တြင္းက ေဒသခံေတြကိုေတာ့ အိမ္ထဲကေန အျပင္မထြက္ၾကဖို႔ သတိေပးထားပါတယ္။

ဒီေဒသကိုလာၾကတဲ့ ခရီးသြားဧည့္သည္ေတြလည္း ေသာၾကာေန႔ကတည္းက ေနရာကေန ထြက္ခြာသြားခဲ့ၾကတာပါ။ ဒီကေန႔ စေနေန႔မွာေတာ့ ေလယာဥ္ခရီးစဥ္တခ်ိဳ႕ ဖ်က္သိမ္းထားပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ