H1N1 ကြောင့် သေဆုံးသူ ၄၁ ဦးအထိ ရှိလာ

( မွန်ပြည်နယ် မော်လမြိုင်မြို့မှာ H1N1 ရောဂါကြိုတင်ကာကွယ်နိုင်ရန် နှာခေါင်းစည်းတွေကို လိုက်လံဝေငှနေတာကို ၂၀၁၇ ခုနှစ်ကတွေ့ရစဉ် )
 ရာသီတုပ်ကွေးရောဂါ H1N1 ကြောင့် ဇူလိုင် ၁၁ ရက် ဒီနေ့အထိ သေဆုံးသူ ၄၁ ဦးရှိသွားပြီလို့ ကျန်းမာရေးနှင့် အားကစားဝန်ကြီးဌာနက ထုတ်ပြန်လိုက်ပါတယ်။

ရောဂါပိုးသံသယရှိလို့ ဓာတ်ခွဲစစ်ဆေးသူ ၅၅၅ ဦးမှာ ပိုးတွေ့ရှိသူ ၂၀၇ ဦးဖြစ်ပြီး အဲဒီထဲက ၄၁ ဦး သေဆုံးတာဖြစ်ပါတယ်။

သေဆုံးသူတွေထဲမှာ ရန်ကုန်တိုင်းက ၃၃ ဦး၊ ဧရာဝတီတိုင်းက ၃ ဦး၊ ပဲခူးတိုင်းနှင့် စစ်ကိုင်းတိုင်းက ၂ ဦးစီနဲ့ မွန်ပြည်နယ်က ၁ ဦးတို့ဖြစ်ပါတယ်။

H1N1 ကြောင့် သေဆုံးသူသည် ဆက်တိုက်မြင့်တက်နေပြီး ဇူလိုင်လ ၁၁ ရက် ဒီတစ်နေ့တည်းမှာပင် ၄ ဦး ရှိနေတာပါ။

ရန်ကုန်တိုင်းမှာဆို ဒဂုံမြို့သစ်တောင်ပိုင်းနဲ့ လှိုင်သာယာမြို့နယ်တွေမှာ ၄ ဦးစီ၊ သာကေတ၊ မှော်ဘီမြို့နယ်မှာ ၃ဦးစီ၊ မြောက်ဥက္ကလာပ၊ မင်္ဂလာဒုံ၊ ရန်ကင်းနဲ့ စမ်းချောင်းမြို့နယ်တွေမှာ ၂ဦးစီတို့ဖြစ်ပြီး ကွမ်းခြံကုန်း၊ ကော့မှူး၊ အလုံ၊ သုံးဂွ၊ လှိုင်၊ ကြည့်မြင်တိုင်၊ မရမ်းကုန်း၊ဆိတ်ကြီးခနောင်တို၊ ဒဂုံဆိပ်ကမ်း၊ ဒဂုံမြို့သစ်မြောက်ပိုင်းနဲ့ သင်္ကန်းကျွန်းမြို့နယ်တွေမှာ ၁ ဦးစီ သေဆုံးခဲ့တာ ဖြစ်ပါတယ်။

H1N1 ရောဂါအဖြစ်အများဆုံးကတော့ အသက် ၁၅ နှစ်ကနေ ၆၅ နှစ်အထိ အဖြစ်များတယ်လို့ ကျန်းမာရေးနှင့် အားကစားဝန်ကြီးဌာနထံနေ သိရပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ