အငြိမ်းစား ဗိုလ်ချုပ်ဟောင်းတွေ ပါတီက ဖွဲ့စည်းပုံ ပြင်ဆင်ရေးကို ဥပဒေဘောင်အတွင်းက ဆောင်ရွက်ဖို့ပြော

 အငြိမ်းစား ဗိုလ်ချုပ်ဟောင်းတွေ ဦးဆောင်မယ့် အမျိုးသား နိုင်ငံရေးဒီမိုကရက်တစ်ပါတီ DNP အနေနဲ့ အမျိုးသားရေးကို အဓိကဦးတည်ဆောင်ရွက်သွားမှာဖြစ်ကြောင်းနဲ့ လာမယ့် ၂၀၂၀ ရွေးကောက်ပွဲမှာ တစ်နိုင်ငံလုံးအတိုင်းအတာနဲ့ ဝင်ရောက်ယှဉ်ပြိုင်သွားမယ်လို့ ပါတီခေါင်းဆောင်တွေက ပြောလိုက်ပါတယ်။

အမျိုးသားရေးလို့ဆိုရာမှာ တိုင်းရင်းသား ၁၃၅ မျိုးလုံးရဲ့ အကျိုးအတွက် ဆောင်ရွက်သွားမှာဖြစ်ကြောင်း အမျိုးသား နိုင်ငံရေးဒီမိုကရက်တစ်ပါတီ ခေါင်းဆောင်တစ်ဦးဖြစ်တဲ့ အငြိမ်းစား ဗိုလ်ချုပ်ဟောင်း ဦးစိုးမောင်က ရန်ကုန်မြို့ ဗိုလ်တထောင်မြို့နယ်က Orchid ဟိုတယ်မှာ ဒီနေ့ကျင်းပတဲ့ သတင်းစာရှင်းလင်းပွဲမှာ ပြောကြားလိုက်တာဖြစ်ပါတယ်။

၂၀၀၈ ဖွဲ့စည်းပုံ အခြေခံ ဥပဒေပြင်ဆင်ရေးကို လက်ခံပေမယ့် ဥပဒေဘောင်အတွင်းက ဖြစ်ရမယ်လို့လည်း DNP ခေါင်းဆောင်တွေက ပြောပါတယ်။

DNP ပါတီကို အငြိမ်းစားဗိုလ်ချုပ်ဟောင်း ဦးစိုးမောင်နဲ့ ဗိုလ်ချုပ်ဟောင်း ဦးလွန်းမောင်တို့က ဦးဆောင်မှာဖြစ်ပြီး ပြည်ထောင်စု ရွေးကောက်ပွဲကော်မရှင်က မေလ ၁၇ ရက်နေ့မှာ နိုင်ငံရေးပါတီအဖြစ် မှတ်ပုံတင်ခွင့်ပြုထားတာဖြစ်ပါတယ်။

ဗိုလ်ချုပ်ဟောင်း ဦးစိုးမောင်ဟာ သမ္မတ ဦးသိန်းစိန် လက်ထက်က သမ္မတရုံးဝန်ကြီးအဖြစ် တာဝန်ထမ်းဆောင်ခဲ့သူဖြစ်ပြီး ဗိုလ်ချုပ်ဟောင်း ဦးလွန်းမောင်ကတော့ ပြည်ထောင်စု စာရင်းစစ်ချုပ်အဖြစ် တာဝန်ထမ်းဆောင်ခဲ့သူဖြစ်ကာ သမ္မတ ဦးသိန်းစိန် လက်ထက်က ရာထူးကနေ ဖယ်ရှားခံခဲ့ရသူဖြစ်ပါတယ်။

လက်ရှိ မွန်ပြည်နယ် ဘီးလင်းမြို့မှာ အောင်ပြည့်စုံဆိုတဲ့ ဆိုင်နာမည်နဲ့ ထမင်းဆိုင် ဖွင့်လှစ်ရောင်းချနေသူ ဖြစ်ပါတယ်။

RFA Burmese
https://www.facebook.com/rfaburmese