မင္းျပားၿမိဳ႕နယ္ ကုလားမေတာင္ေက်းရြားအနီး တုိက္ပြဲျဖစ္ၿပီး ေဒသခံေတြ ထြက္ေျပး


 ရခိုင္ျပည္နယ္ မင္းျပားၿမိဳ႕နယ္ ကုလားမေတာင္ေက်းရြာအနီးမွာ တပ္မေတာ္နဲ႔ AA တို႔ ဒီကေန႔ မနက္ပိုင္းက တိုက္ပြဲျဖစ္ပြားခဲ့လို႔ ေဒသခံေတြ ထြက္ေျပးေနၾကရပါတယ္။

ဒီကေန႔မနက္ ၉ နာရီခြဲအခ်ိန္ေလာက္ ကုလားမေတာင္ေက်းရြာ အေရွ႕ဘက္ မီတာတစ္ေထာင္ အကြာေလာက္မွာ တုိက္ပြဲစတင္ျဖစ္ပြားတာျဖစ္ၿပီး နာရီဝက္ေလာက္ ပစ္ခတ္ခဲ့ၾကတယ္လို႔ အေနာက္ပိုင္းတိုင္းစစ္ဌာနခ်ဳပ္ တိုင္းဦးစီး ဗိုလ္မွဴးႀကီး ဝင္းေဇာ္ဦး က ေျပာပါတယ္။

အဲဒီေနရာအနီးတဝိုက္မွာ AA တပ္ဖြဲ႔ဝင္ေတြ တပ္စြဲထားတဲ့ေနရာျဖစ္လို႔ တပ္မေတာ္က နယ္ေျမရွင္းလင္းတဲ့အေနနဲ႔ တိုက္ခိုက္ခဲ့တာလို႔ ေျပာပါတယ္။

ကုလားမေတာင္ေက်းရြာက AA တပ္ဖဲြ႔ဝင္ေတြ တပ္စြဲေနတာကို လက္ခံထားတဲ့ အေနအထားရွိတဲ့အတြက္ ေဒသခံ ေက်းရြာသားေတြလည္း တျခားေက်းရြာေတြကုိ ထြက္ေျပးသြားၾကတာျဖစ္မယ္လို႔လည္း ဗုိလ္မွဴးႀကီး ဝင္းေဇာ္ဦးက ေျပာပါတယ္။

တုိက္ပြဲအေျခအေနအပါအဝင္ တပ္မေတာ္ဘက္က ေျပာဆုိခ်က္နဲ႔ ပတ္သက္ၿပီး AA ေျပာခြင့္ရသူနဲ႔ ေဒသခံေတြကို RFA က ဆက္သြယ္ေမးျမန္းဖို႔ ႀကိဳးစားေနဆဲျဖစ္ပါတယ္။

RFA Burmese
https://www.facebook.com/rfaburmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ