ရခိုင္စစ္ဆင္ေရးကြပ္ကဲသူ ကစထမႉး ေျပာင္းလဲ

လိုအပ္ခ်က္အရ ေျပာင္းတာပါ လို႔ေျပာခြင့္ရသူက ေျပာပါတယ္။
ရခိုင္တပ္မေတာ္နဲ႔ ျမန္မာတပ္မေတာ္တို႔ၾကား တိုက္ပြဲေတြျဖစ္ပြားတဲ့ အခ်ိန္ကစလို႔ ရခိုင္ျပည္နယ္မွာ ႐ုံးထိုင္ၿပီးစစ္ဆင္ေရးကိုကြပ္ကဲေနသူ ကစထမႉး ဒုတိယဗိုလ္ခ်ဳပ္ႀကီးေအးဝင္း ေနရာကို ေျပာင္းလဲလိုက္ တယ္လို႔ အေနာက္ပိုင္းတိုင္းစစ္ဌာနခ်ဳပ္ရဲ႕ ေျပာေရးဆိုခြင့္ရွိသူ ဗိုလ္မႉးႀကီးဝင္းေဇာ္ဦးက ဘီဘီစီကို အတည္ျပဳပါတယ္။

ဒုတိယဗိုလ္ခ်ဳပ္ႀကီးေအးဝင္း မတိုင္ခင္က အမွတ္ ၃ စစ္ဆင္ေရးအထူးအဖြဲ႕မႉး (ကစထ- ၃) တာဝန္ကို ဒုတိယဗိုလ္ခ်ဳပ္ႀကီး ေအာင္ေက်ာ္ေဇာက တာဝန္ယူခဲ့ၿပီး ၂၀၁၈ ခုႏွစ္ ႏွစ္လယ္ေလာက္ကစလို႔ ဒုတိယဗိုလ္ခ်ဳပ္ႀကီး ေအးဝင္းက ကစထ-၃ ကစထမႉး တာဝန္ကို လႊဲေျပာင္းရယူခဲ့တာပါ။

အဲဒီလိုတာဝန္လႊဲေျပာင္းယူၿပီးတစ္ႏွစ္ေက်ာ္အၾကာမွာပဲ ဒုတိယဗိုလ္ခ်ဳပ္ႀကီးေအးဝင္းကို တပ္မေတာ္ စစ္ေဆးေရးႏွင့္ စာရင္းစစ္ခ်ဳပ္ ဌာနမႉး အျဖစ္ ေျပာင္းလဲ လိုက္တာလို႔လဲ ျမန္မာတပ္မေတာ္နဲ႔နီးစပ္သူေတြက ေျပာပါတယ္။

ကထစ ၃ ဆိုတာ ရခိုင္ျပည္နယ္အေျခစိုက္ အေနာက္ပိုင္းတိုင္းစစ္ဌာနခ်ဳပ္၊ အေနာက္ေတာင္တိုင္းစစ္ဌာနခ်ဳပ္နဲ႔ ေတာင္ပိုင္းတိုင္းစစ္ဌာနခ်ဳပ္စတဲ့ စစ္တိုင္းႀကီး ၃ တိုင္းကို တာဝန္ယူႀကီးၾကပ္ရတာျဖစ္ပါတယ္ ။

ၿပီးခဲ့တဲ့ ေမလလယ္က ရခိုင္ျပည္နယ္အေျခစိုက္ အေနာက္ပိုင္းတိုင္း စစ္ဌာနခ်ဳပ္တိုင္းမႉးကိုလည္း အေျပာင္းအလဲလုပ္ခဲ့ပါတယ္။

ရခိုင္စစ္တိုင္းတိုင္းမႉး ေျပာင္းလဲ

ဒုတိယဗိုလ္ခ်ဳပ္ႀကီးေအးဝင္းဟာ OTS ေက်ာင္းဆင္းတစ္ဦးျဖစ္ၿပီး အေရွ႕ပိုင္းတိုင္းစစ္ဌာနခ်ဳပ္တိုင္းမႉး တာဝန္ယူခဲ့သူလဲျဖစ္ပါတယ္။

ဒုတိယဗိုလ္ခ်ဳပ္ႀကီးေအးဝင္း ရာထူးေျပာင္းလဲသြားတာနဲ႔ ပတ္သက္လို႔ အေနာက္ပိုင္းတိုင္းစစ္ဌာနခ်ဳပ္ ရဲ႕ ေျပာေရးဆိုခြင့္ရွိသူဗိုလ္မႉးႀကီးဝင္းေဇာ္ဦးက

"ဟုတ္ပါတယ္ လိုအပ္ ခ်က္ အရ ေျပာင္းတာပါ" လို႔လည္း ဘီဘီစီ ကိုေျပာပါတယ္။

ၿပီးခဲ့တဲ့ ၂ ႏွစ္တာ ကာလတြင္း တပ္မေတာ္က ရခိုင္ျပည္နယ္ကို တာဝန္ယူရတဲ့ စစ္တိုင္းမႉး ၂ ဦးနဲ႔ ကစထမ မႉး ၂ ဦးထိ အေျပာင္းအလဲလုပ္ခဲ့တာလည္းျဖစ္ပါတယ္။

BBC Burmese
https://www.bbc.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ