ထိုင်းရောက် ရွှေ့ပြောင်းအလုပ်သမားများ နေရပ်ပြန်စရာမလိုဘဲ အလုပ်သမားကဒ် သက်တမ်း ၂ နှစ် ဆက်တိုးပေးမည်


ဇူလိုင်လ ၁၁ ရက် ၂၀၁၉

ထိုင်းနိုင်ငံရောက် မြန်မာရွှေ့ပြောင်းအလုပ်သမားများ နေရပ်ပြန်စရာမလိုဘဲ အလုပ်သမားကဒ် သက်တမ်း ၂ နှစ်တိုး ပေးမည် ဟု ထိုင်းအလုပ်သမား ဝန်ကြီး ဌာန က ကြေညာလိုက်သည်။

ဇူလိုင် ၈ ရက်နေ့က ထိုင်းအစိုးရက ထိုသို့ထပ်မံကြေငြာလိုက်ခြင်းဖြစ်ပါသည်။

ယခင်က နှစ်နိုင်ငံ သဘာတူညီချက် MOU ဖြင့်သာ အလုပ်ခွင့်ပြုမည် ဟု ထိုင်း အလုပ်သမားဝန်ကြီးဌာန က ကြေညာခဲ့ပြီး မြန်မာရွှေ့ပြောင်းအလုပ်သမားများအနေဖြင့် မြန်မာပြည်ပြန် ကာ MOU စာချုပ်ချုပ်ရမည် ထိုင်း အစိုးရ က ဥပဒေ ထုတ်ခဲ့သည်။

သို့သော် လက်ရှိမှာ ရွှေ့ပြောင်းအလုပ်သမားများ နေရပ်ပြန်စရာမလို့ဘဲ ထိုင်းနိုင်ငံတွင် One stop Service ဖြင့် ဆောင်ရွက်ပေးသွားမည် ဟု လည်း အလုပ်သမား အရေး ဆောင်ရွက်နေသည့် HRDF မှ စိုင်းပိန်း က သျှမ်းသံတော်ဆင့် ကို ပြောသည်။

“ ရွှေ့ပြောင်းအလုပ်သမား ကဒ် ကို ထိုင်းနိုင်ငံမှာပဲ သက်တမ်း တိုးပေးမယ်။ One stop service နဲ့ ပြုလုပ်ပေးမယ်လို့ ကြားရပါတယ်” ဟု စိုင်းပိန်း ကဆိုသည်။

ရွှေ့ပြောင်းအလုပ်သမား ကဒ် သက်တမ်း ကုန်ဆုံးမည့် ၃၀ စက်တင်ဘာ ၂၀၁၉ ၊ ၁ နိုဝင်ဘာလ ၂၀၁၉ နှင့် ၃၁ ရက် မတ် ၂၀၂၀ အတွက် ရွှေပြောင်းအလုပ်သမားကဒ် များကို ထိုင်း နိုင်ငံတွင် သက်တမ်း ၂ နှစ် ထပ်မံတိုးပေး သွားမည် ဟု ထိုင်း အလုပ်သမား ဝန်ကြီးဌာန က ကြေညာထားသည်။

ရွှေ့ပြောင်းအလုပ်သမား ကဒ် ပြုလုပ်ခြင်း နှင့် ပတ်သတ်ပြီး ရှင်းလင်းစွာ မသိရှိသေးကြောင်း၊ ကဒ်ပြုလုပ်သည့် အခါ ငွေကြေး ကုန်ကျမှုမှာလည်း သေချာမှု မသိရသေးကြောင်း စိုင်းပိန်း ပြောသည်။

“ ဘယ်လောက်ကုန်မယ်။ ဘယ်လို လုပ်ရမလဲ ဆိုတာကတော့ စောင့်ရမယ်။ အစိုးရ အနေက ပြောတာတော့ အွန်လိုင်းပေါ်ကနေ တိုကင် ယူတဲ့ စနစ် လုပ်မယ်လို့ပြောတယ်။ ဒါပေမယ့် ကျနော်တို့ အလုပ်သမားတွေ က ဒါကို နားမလည်ကြဘူး။ ဒါကြောင့် စောင့်ကြည့်ရမယ်” ဟုလည်း စိုင်းပိန်း က ထပ်လောင်းပြောသည်။

ရွှေ့ပြောင်းအလုပ်သမားများအနေဖြင့် အလုပ်သမားကဒ် ပြုလုပ်မည့် ကိစ္စ နှင့် ပတ်သတ်ပြီး သတင်း အချက်အလက် သေချာ နားထောင် ထားရန် အလုပ်သမားအရေး ဆောင်ရွက်သူများက ပြောသည်။

ထိုင်းနိုင်ငံ ရောက် မြန်မာရွှေ့ပြောင်းအလုပ်သမားအရေအတွက် ၃ သန်း ခန့်ရှိကြောင်း အလုပ်သမားအရေးဆောင်ရွက်နေသူများ၏စာရင်းအရသိရသည်။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ