ကွတ်ခိုင်မှာ တပ်မတော်နဲ့ TNLA တို့တိုက်ပွဲတွေကြောင့် ရွာသား နှစ်ရာကျော် ထွက်ပြေးနေရ

ကွတ်ခိုင်မှာ တပ်မတော်နဲ့ TNLA တို့တိုက်ပွဲတွေကြောင့် ရွာသား နှစ်ရာကျော် ထွက်ပြေးနေရ
ရှမ်းပြည်မြောက်ပိုင်း ကွတ်ခိုင်မြို့နယ် မရူဖတ်ကာကျေးနဲ့ နမ့်ဟွေကျေးရွာတစ်ဝိုက် တပ်မတော်နဲ့  တအာင်းအမျိုးသားလွတ်မြောက်ရေးအဖွဲ့ TNLA တို့ တိုက်ပွဲကြောင့် ကျေးရွာလေးရွာက ရွာသား နှစ်ရာလောက် နေရပ်စွန့်ခွာထွက်ပြေးနေရပါတယ်။

ကွတ်ခိုင်မြို့နယ် မော်ဟန်ကျေးရွာအုပ်စုအတွင်းက မရူဖတ်ကာကျေးရွာနဲ့ နမ့်ဟွေကျေးရွာတွေ အနီးမှာ ဇွန်လ ၁၆ရက်နေ့ မနေ့မနက်ပိုင်းက တပ်မတော်နဲ့ တအာင်းအမျိုးသားလွတ်မြောက်ရေးအဖွဲ့ TNLA တပ်တွေ တိုက်ပွဲဖြစ်ပွားခဲ့တာဖြစ်ပါတယ်။

TNLAတပ်ဖွဲ့တွေဟာ မရူဖတ်ကာတောင်မှာ တပ်စွဲထားတာ ခုနှစ်လလောက်ရှိနေပြီဖြစ်ပြီး မနေ့က ဇွန်လ ၁၆ ရက်မှာ တပ်မတော်စစ်ကြောင်းတွေနဲ့ ထိပ်တိုက်တွေ့တာကနေ တိုက်ပွဲဖြစ်တာလို့ ဒေသခံတွေက ပြောပါတယ်။

တိုက်ပွဲဖြစ်တဲ့နေရာဟာ ကွတ်ခိုင်-တာမိုညှဲသွားတဲ့လမ်းပိုင်းမှာဖြစ်ပြီး တိုက်ပွဲဖြစ်ချိန်မှာ တာမိုညှဲ ဗျူဟာကနေ လက်နက်ကြီးတွေနဲ့ ပစ်ခတ်မှုရှိခဲ့တယ်လို့ ဒေသခံက ပြောပါတယ်။

TNLA ပြောခွင့်ရသူ ဗိုလ်မှူး မိုင်းအိုက်ကျော်က ကွတ်ခိုင်မြို့နယ်အတွင်းမှာ ဇွန်လ ၁၆ ရက်နေ့က တပ်မတော်ဘက်က တပ်မ ၉၉ လက်အောက်ခံတပ်တွေနဲ့  တိုက်ပွဲနှစ်နေရာမှာ ဖြစ်ပွားခဲ့တယ်လို့ ပြောပါတယ်။

တပ်မတော်ဘက်က အရှေ့မြောက်တိုင်းစစ်ဌာနချုပ် စစ်တိုင်းဦးစီး ဗိုလ်မှူးကြီး ၀င်းထွဋ်လေးကို ဆက်သွယ်မေးမြန်းရာမှာ ဖုန်းပြန်လည်ဖြေဆိုတာမရှ်ိပါဘူးခင်ဗျာ။

ဒီသတင်းကို RFA သတင်းထောက် ကိုကံသာ ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ