ဆင်သီရွာသားများအား စစ်ဆေးပြီးနောက် စစ်ကြောင်းပြန်လည်ထွက်ခွာသွား


နိရဉ္စရာ၊ ဇွန်လ ၁ / ၂၀၁၉

ရခိုင်ပြည်နယ်၊ ပုဏ္ဏားကျွန်းမြို့နယ်၊ ဆင်သီကျေးရွာမှ ယောင်္ကျား တစ်ချို့ကို စစ်ဆေးပြီးနောက် တပ်မ(၂၂) စစ်ကြောင်းသည် ယနေ့ ညနေ ၄ နာရီမထိုးခင်က ရွာကနေ ထွက်ခွာသွားပြီဟု ကျေးရွာသားများက ပြောသည်။

“ ရွာသားတွေကိုတော့ တစ်စုံတစ်ရာ အနှောင့်အယှက်ပေးတာ မရှိခဲ့ပါဘူး။ အထက်က အမိန့်အရ စစ်ဆေးရတာလို့ ပြောပါတယ်။ အိမ်တစ်ချို့ကိုလည်း ရှာဖွေ စစ်ဆေးခဲ့ပါတယ်” ဟု ကျေးရွာ လူကြီး တစ်ဦးက ပြောသည်။

ခေါ်ယူစစ်ဆေးရာတွင် ကျေးရွာသားများကို နှစ်သုတ်ခွဲ စစ်ဆေးခဲ့ကြောင်း၊ အသက် ၄၀ အောက်အမျိုးသားများကို စစ်တပ် တစ်ဖွဲ့က စစ်ဆေးပြီး အသက် ၄၀ အထက်ကို တစ်ဖွဲ့စစ်ဆေးကြောင်း ၎င်းက ပြောကြားသည်။

“ အဓိကတော့ အိမ်ထောင်စု စာရင်းနဲ့ လူနဲ့ တိုက်ပြီး စစ်ဆေးတာပါ။ အိမ်ထောင်ဦးစီးက ဘယ်သူလဲ၊ အမျိုးသမီးက ဘယ်သူလဲ၊ သားသမီးစသဖြင့် စစ်တာပါ။ လူပေါင်း ၄၀ နဲ့ ၅၀ ကြားလောက် စစ်ဆေးခဲ့ပါတယ်။ တစ်ရွာလုံးကို စစ်ဆေးခဲ့တာတော့ မဟုတ်ပါ။ ထမင်းတော့ တစ်နပ်မစားခဲ့ရပါဘူး” ဟု ဆိုသည်။

တပ်မ ၂၂ မှ စစ်ကြောင်းသည် ယမန်နေ့ညဥ့်အချိန်က ဆင်သီကျေးရွာ အနီးသို့ ရောက်ရှိ နေရာယူခဲ့ပြီး ယနေ့ နံနက်မှ ရွာထဲသို့ ၀င်လာပြီး ရွာဆော်မှ တစ်ဆင့် ရွာသားများအားလုံးကို စာသင်ကျောင်းတွင် စုခိုင်းပြီး စစ်ဆေးခဲ့ခြင်း ဖြစ်ကြောင်း သိရှိရသည်။

နောက်ဆုံး ရရှိသောသတင်းအရ ရာအိမ်မှူး နှစ်ဦးဖြစ်ကြသည့် ဦးအောင်သာနီနဲ့ ဦးစံသိန်းလှကို ၎င်းစစ်ကြောင်းမှ ခေါ်ယူသွားကြောင်း မိသားစုများက ပြောကြားသည်။

Narinjara
https://www.facebook.com/narinjaranews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ