မုံရွာ ဇွန် ၁၃
မုံရွာစီးပွားရေးတက္ကသိုလ်မှ လက်ထောက်ကထိကဆရာတစ်ဦးသည် ညပိုင်းမီးပျက်၍ လေအဝင်အထွက်ရသော အဆောင်ဝရံတာတွင် ထွက်အိပ်စဉ် ပြုတ်ကျသေဆုံးခဲ့ကြောင်း ၎င်း၏ မိတ်ဆွေ ဆရာဦးစိုးနိုင် ကပြောသည်။
တက္ကသိုလ် ကျောင်းသားများအဆောင်ဖြစ်သော ဗန္ဓုလဆောင်၏ အပေါ်ထပ်တွင် ကျောင်းသားအချို့နှင့် ဆရာဖြစ်သူတို့ အခန်းရှေ့ ဝရံတာတွင် ထွက်အိပ်ရာ ဇွန် ၁၂ရက် မနက်၁နာရီခွဲအချိန်ခန့်တွင် မီးလာ၍ အခန်းအတွင်း ပြန်ဝင်အိပ်ရန် ရွှေ့ပြောင်းစဉ်ပြုတ်ကျခဲ့ခြင်းဖြစ်သည်ဟု သတင်းရရှိသည်။
"အရင်ကလည်း မီးမလာရင် အပြင်ထွက်အိပ်တတ်တယ်။မီးလာလို့ အထဲပြောင်းကြတဲ့အချိန် ပြုတ်ကျတဲ့အသံ ကြားလိုက်တာပဲ။သူ့မှာ သွေးတိုးရှိတယ်။သွေးကျဆေးသောက်နေရတယ်။သွေးတိုးတယ်လို့ ယူဆရတာပဲ"ဟု အဆိုပါ အဆောင်၏ အဆောင်နည်းပြဖြစ်သူ ဦးစိုးနိုင်က ပြောသည်။
သေဆုံးသွားသည့်ဆရာမှာ မုံရွာစီးပွားရေး တက္ကသိုလ် အသုံးချ ဘောဂဗေဒဌာန၏ လက်ထောက်ကထိက ဖြစ်ပြီး အသက် ၃ဝခန့် ဖြစ်သည်။
" သွေးဆောင့်တိုးပြီး သုံးပေလောက်ရှိတဲ့ လက်ရန်းဝရန်တာကနေ ပြုတ်ကျတာ၊ ဦးခေါင်းနောက် မှာဒဏ်ရာရပြီးသေဆုးံတာ၊အခု သေမှုသေခင်းဖွင့်ပြီး စစ်ဆေးနေပါတယ်" ဟု နယ်မြေ ရဲစခန်းမှူး ရဲအုပ် ဆန်းလင်း ကပြောသည်။
သေဆုးံသူသည်ပခုက္ကူဇာတိဖြစ်ပြီး မုံရွာစီးပွားရေး တက္ကသိုလ်တွင် ဆရာအဖြစ် ဝင်ရောက်လုပ်ကိုင်နေသည်မှာ ၅နှစ်ခန့်ရှိပြီဖြစ်ကြောင်း သိရသည်။
ကိုမင်း(အင်းတော်)
Myanmaalinn
https://www.facebook.com/MYANMAALINNNEWS
မီးပျက်၍ ဝရံတာ ထွက်အိပ်သော တက္ကသိုလ်ဆရာတစ်ဦး ပြုတ်ကျသေဆုံး
Reviewed by THITHTOOLWIN
on
00:52
Rating: