ပမာဏများတဲ့ မူးယစ်ထုတ်လုပ်ဖြန့်ဖြူးမှုတွေ သတင်းပေးဖို့ သမ္မတ တိုက်တွန်း

နိုင်ငံတော် သမ္မတ ဦးဝင်းမြင့် ၂၀၁၉၊ ဇွန် ၂၆ ရက်နေ့က နေပြည်တော်မှာ ကျင်းပတဲ့ အပြည်ပြည်ဆိုင်ရာ မူးယစ်ဆေးဝါးတိုက်ဖျက်ရေးနေ့ အခမ်းအနားမှာ မိန့်ခွန်း ပြောကြားစဉ် / Photo: Thiha Tun/ RFA
လက်ကြီးသမားလို့ခေါ်တဲ့ ပမာဏများတဲ့ မူးယစ်ဆေးဝါး ထုတ်လုပ်ဖြန့်ဖြူး ရောင်းဝယ်ဖောက်ကားမှုတွေနဲ့ပတ်သက်လို့ သတင်းပေးတိုင်ကြားကြဖို့ နိုင်ငံတော် သမ္မတ ဦးဝင်းမြင့် က ဒီကနေ့ တိုက်တွန်းလိုက်ပါတယ်။

နေပြည်တော်မှာ ကျင်းပတဲ့ အပြည်ပြည်ဆိုင်ရာ မူးယစ်ဆေးဝါးတိုက်ဖျက်ရေးနေ့ အခမ်းအနားမှာ သမ္မတ ဦးဝင်းမြင့် က မူးယစ်ဆေးဝါးအန္တရာယ်ကို မတိုက်ဖျက်နိုင်ဘူးဆိုရင် နောင်လာမယ့် ဆယ်စုနှစ်အတွင်းမှာ မြန်မာနိုင်ငံရဲ့ အနေအထားဟာ မတွေးဝံ့စရာအခြေအနေကို ဆိုက်ရောက်လာနိုင်တယ်လို့ ပြောလိုက်ပါတယ်။

နိုင်ငံတော် သမ္မတ ဦးဝင်းမြင့် က မူးယစ်ဆေးဝါးသတင်းတွေပေးကြဖို့လည်း တိုက်တွန်းခဲ့တာပါ။

နိုင်ငံတော် သမ္မတရုံးမှာ ဖွင့်လှစ်ထားတဲ့ မူးယစ်ဆေးဝါး အထူးသတင်းတိုင်ကြားရေးဌာနကို ၂၀၁၈ ခုနှစ်၊ ဇွန်လမှာ စတင်ဖွဲ့စည်းပြီး မူးယစ်ဆေးဝါးအမှုတွေကို သမ္မတက တိုက်ရိုက်ကွပ်ကဲနေတာဖြစ်ပါတယ်။

မြန်မာနိုင်ငံ ရဲတပ်ဖွဲ့၊ မူးယစ်ဆေးဝါးတားဆီးနှိမ်နင်းရေးဌာန၊ ဒုတိယဌာနမှူး ဒုတိယ ရဲမှူးကြီး ရဲနိုင် က ဖမ်းမိတဲ့ မူးယစ်မှုတွေမှာ အဖမ်းခံရသူတွေဟာ နောက်ကွယ်က လက်ကြီးသမားတွေကို ထုတ်ဖော်ပြောဆိုတာမရှိကြောင်း၊ ပြည်သူတွေရဲ့ သတင်းပေးတိုင်ကြားမှု အားနည်းကြောင်း ပြောပါတယ်။

မူးယစ်မှောင်ခိုဂိုဏ်းတွေ တစ်ခုနဲ့တစ်ခု ချိတ်ဆက်မှုတွေ ရှိနေတာ၊ ဓာတုဗေဒပစ္စည်းတွေတင်မကပဲ မူးယစ်ထုတ်လုပ်တဲ့ ကျွမ်းကျင်သူတွေပါ ပြည်တွင်းကို တရားမ၀င် ၀င်ရောက်နေတာ၊ ပြည်ပနိုင်ငံတွေရဲ့ ၀ယ်လိုအားတွေကြောင့် မူးယစ်ဆေးဝါးထုတ်လုပ်မှုတွေ မြင့်တက်နေတာလို့လည်း ဒုတိယ ရဲမှူးကြီး ရဲနိုင် က ပြောပါတယ်။ ဒါ့အပြင် ၂၀၁၈ ခုနှစ် ၂၀၁၉ ဇွန်လ ၂၂ ရက်နေ့အထိ မူးယစ်မှုနဲ့ ဖမ်းဆီးရမိသူ ၂၇၀၀၀ ကျော် ရှိတယ်လို့ ဆက်ပြောပါတယ်။

၂၀၁၈ - ၂၀၁၉ ခုနှစ်အတွင်း တစ်နိုင်ငံလုံးမှာ မူးယစ်ဆေးဝါး အမေရိကန်ဒေါ်လာ သန်း ၃၀၀ ကျော်ဖိုး ဖမ်းဆီးရမိခဲ့ပြီး၊ အဲဒီမူးယစ်ဆေးဝါးတွေကို ရန်ကုန်၊ မန္တလေးနဲ့ တောင်ကြီးမြို့တွေမှာ မီးရှို့ဖျက်ဆီးခဲ့ပါတယ်။ မနှစ်က တစ်နိုင်ငံလုံးမှာ အမေရိကန်ဒေါ်လာ ၁၈၇ သန်းကျော်ဖိုး ဖမ်းဆီးရမိခဲ့တာဖြစ်ပါတယ်။

အဲဒီထဲက အမေရိကန်ဒေါ်လာ ၁၀၈ သန်း တန်ဖိုးရှိတဲ့ မူးယစ်ဆေးဝါးတွေကို ရန်ကုန်မြို့မှာ မီးရှို့ဖျက်ဆီးခဲ့တာပါ။

ရန်ကုန်-မြောက်ပိုင်းခရိုင် ရဲတပ်ဖွဲ့မှူး ဒုတိယ ရဲမှူးကြီး လှဝေ က - ရခိုင်ပြည်နယ်ဟာ စိတ်ကြွဆေးပြားတွေကို ကမ္ဘာ့နိုင်ငံအသီးသီးကို ဖြန့်ဝေတဲ့ မူးယစ်ဆေးဝါးလမ်းကြောင်း ထွက်ပေါက်ဖြစ်နေကြောင်း ရန်ကုန်မြို့ လှိုင်သာယာမြို့နယ်မှာ ပြုလုပ်တဲ့ မူးယစ်ဆေးဝါး မီးရှို့ဖျက်ဆီးတဲ့အခမ်းအနားအပြီးမှာ သတင်းထောက်တွေကို ပြောခဲ့ပါတယ်။

ဒီနှစ်မှာ ရခိုင်ပြည်နယ်ဟာ စိတ်ကြွဆေးပြား ဖမ်းဆီးရရှိမှု အများဆုံးဖြစ်တဲ့ ပြည်နယ်လည်းဖြစ်တယ်လို့လည်း ဆိုပါတယ်။

ကျန်းမာရေးနဲ့ အားကစားဝန်ကြီးဌာနရဲ့ ၂၀၁၈ ခုနှစ် စာရင်းတွေအရ မြန်မာနိုင်ငံမှာ မူးယစ်ဆေးဝါး အကြောတွင်းထိုးသွင်းသူ ၉၃၀၀၀ ခန့် ရှိတယ်လို့ ဖော်ပြထားပါတယ်။

(RFA သတင်းထောက် ကိုဝင်းကိုကိုလတ်၊ ကိုသီဟထွန်း နဲ့ ကိုထက်အာကာ တို့ ပေးပို့သည်)

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ