ကျောက်တော်မှာ တိုက်ပွဲဖြစ်

Photo - ​မောင်​ကြီးရှင်
ရခိုင်ပြည်နယ် ကျောက်တော်မြို့နယ် မဟာမြတ်မုနိဘုရားနဲ့ တစ်မိုင်ကျော်လောက်သာဝေးတဲ့ ရွာမပြင် ကျေးရွာအနီးမှာ တပ်မတော်နဲ့ AA အဖွဲ့တို့ ဒီနေ့မနက်က တိုက်ပွဲဖြစ်ပွားခဲ့ပြီး ဒေသခံကျေးရွာသားတွေ ရာနဲ့ချီပြီး နေရပ်စွန့်ခွာထွက်ပြေးသွားကြောင်း ဒုက္ခသည်တွေကို ကူညီဆောင်ရွက်ပေးနေသူတွေက ပြောပါတယ်။

ဒီနေ့မနက် ၅ နာရီလောက်ကစတင်ကာ တိုက်ပွဲဖြစ်ပွားနေတာဖြစ်ပြီး ညောင်ချောင်းကျေးရွာအတွင်းကို လက်နက်ကြီး ကျရောက်တာကြောင့် ရွာသားတွေဟာ ရွာမပြင်ကျေးရွာနဲ့ သရက်တပင်ကျေးရွာကို ဒေသခံတွေ ရာနဲ့ချီပြီး ထွက်ပြေးတိမ်းရှောင်လာတာလို့ အမည်မဖော်လိုတဲ့ ရွာမပြင်ကျေးရွာသားတစ်ဦးက RFA ကို ပြောပါတယ်။

ရွာမပြင်ကျေးရွာမှာ ဒုက္ခသည် ၁၀၀ လောက် ရောက်ရှိနေပြီး သရက်တပင်ကျေးရွာမှာ ဒုက္ခသည် ၃၀၀ လောက် ရောက်ရှိနေတယ်လို့လည်း ပြောပါတယ်။

တိုက်ပွဲဖြစ်ပွားတဲ့နေရာအနီးမှာ တပ်မတော်စစ်ကြောင်းက ပြီးခဲ့တဲ့ ရက်ပိုင်းတွေမှာ လှုပ်ရှားသွားလာနေပြီး ဒေသခံတွေကို ဖမ်းဆီးနှိပ်စက်တာတွေရှိနေတာကြောင့် AA အဖွဲ့က ဒီနေ့မနက်မှာ ဝင်ရောက် တိုက်ခိုက်ခဲ့တာဖြစ်ကြောင်း၊ တပ်မတော်ဘက်က ထိခိုက်ကျဆုံးမှုတွေရှိကြောင်း ရက္ခိုင့်တပ်တော် AA ပြောရေးဆိုခွင့်ရှိသူ ခိုင်သုခက RFA ကို ပြောပါတယ်။

AA အဖွဲ့ဘက်ကတော့ ကျဆုံးသူမရှိဘဲ ဒဏ်ရာရသူတွေသာရှိတယ်လို့လည်း ပြောပါတယ်။
တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းကတော့ ဒီနေ့တိုက်ပွဲဖြစ်ပွားတဲ့ အကြောင်းကို မသိရသေးကြောင်း RFA ကို ပြောပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ