တပ်က ညှဉ်းပန်းနှိပ်စက်တယ်လို့ ဖမ်းဆီးခံရသူတွေ တရားရုံးမှာ ထွက်ဆို

ရခိုင်ပြည်နယ် မြောက်ဦးမြို့နယ် တင်းထိန်ကန်ကျေးရွာက ကိုမျိုးဟိန်းဆွေကို ကျောက်တော်မြို့နယ်တရားရုံးမှာ ၂၀၁၉၊ ဇွန် ၂၅ ရက်နေ့က ရုံးထုတ်စဉ် - ဓါတ်ပုံ - ဦးမြတ်ထွန်
AA အဖွဲ့ဝင်ဆိုတဲ့ သံသယနဲ့ ဖမ်းဆီးခံထားရတဲ့ ရခိုင်ပြည်နယ် မြောက်ဦးမြို့နယ် တင်းထိန်ကန်ကျေးရွာက လူငယ် နှစ်ဦးဟာ တပ်မတော်က စစ်ဆေးစဉ်မှာ ညှဉ်းပန်းနှိပ်စက်ခဲ့ကြောင်း မနေ့က ကျောက်တော်မြို့နယ် တရားရုံးမှာ ထွက်ဆိုခဲ့တယ်လို့ တရားရုံး တက်ရောက်ခဲ့တဲ့ မိသားစုဝင်တွေနဲ့ ရခိုင်လူ့အခွင့်အရေး ကာကွယ်မြှင့်တင်သူများအဖွဲ့က RFA ကို ပြောပါတယ်။

ရခိုင်ပြည်နယ် မြောက်ဦးမြို့နယ် တင်းထိန်ကန်ကျေးရွာက ကိုမျိုးဟိန်းဆွေနဲ့ ကိုစိုးမောင်သန်း တို့နှစ်ဦးဟာ ဇွန်လ ၂၂ ရက်နေ့က ဝေသာလီကျေးရွာအနီးမှာ ဖမ်းဆီးခံခဲ့ရတာပါ။

အဲဒီနေ့က ဝေသာလီကျေးရွာအနီး ကားလမ်းမပေါ်မှာ AA အဖွဲ့က လုံခြုံရေးတပ်ဖွဲ့ဝင်တွေကို အဝေးထိန်းမိုင်း နှစ်လုံးနဲ့ ဖောက်ခွဲတိုက်ခိုက်ခဲ့ပြီးနောက် သူတို့နှစ်ဦးကို AA အဖွဲ့ဝင်ဆိုပြီး မသင်္ကာတဲ့အတွက် ဖမ်းဆီးလိုက်တာ ဖြစ်တယ်လို့ တပ်မတော်က ဇွန်လ ၂၃ ရက်နေ့မှာ ထုတ်ပြန်ခဲ့ပါတယ်။

သူတို့နှစ်ဦးအပါအဝင် သံသယနဲ့ ဖမ်းဆီးထားတဲ့ လူ ကိုးဦးကို ကျောက်တော်မြို့နယ် တရားရုံးမှာ အကြမ်းဖက်မှုတိုက်ဖျက်ရေးဥပဒေနဲ့ မနေ့ကရုံးထုတ် ရမန်ယူခဲ့တာဖြစ်ပါတယ်။

တပ်မတော်က ဖမ်းဆီးစစ်ဆေးစဉ် ရိုက်နှက်နှိပ်စက်ခဲ့တယ်ဆိုပြီး ကျောက်တော်မြို့နယ်တရားရုံးမှာ မနေ့က ထွက်ဆိုခဲ့ကြတာနဲ့ပတ်သက်လို့ တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းကို RFA က ဆက်သွယ်ရာမှာ - တရားရုံးက စစ်ဆေးရင် အဖြေမှန်ထွက်မှာဖြစ်တယ်လို့ ဖြေပါတယ်။

ဖမ်းဆီးခံခဲ့ရတဲ့ ကိုမျိုးဟိန်းဆွေရဲ့ဖခင် ဦးမောင်သိန်းလှကတော့ သားဖြစ်သူရဲ့မျက်နှာမှာ ရိုက်နှက်နှိပ်စက်ခံထားရတဲ့ ဒဏ်ရာတွေကြောင့် မျက်နှာပြင်တစ်ခုလုံး ပျက်စီးရောင်ရမ်းနေပြီး သားဖြစ်သူကို ရုတ်တရက် မမှတ်မိတော့ဘူးလို့ ပြောပါတယ်။

ကိုမျိုးဟိန်းဆွေနဲ့ ကိုစိုးမောင်သန်းတို့နှစ်ဦးရဲ့ဒဏ်ရာဟာ ပြင်းထန်တဲ့အတွက် မနေ့က ရုံးထုတ်ရမန် ယူပြီးနောက် ကျောက်တော်ပြည်သူ့ဆေးရုံမှာ ဆေးကုသမှုခံယူနေရတယ်လို့လည်း ဆိုပါတယ်။

သူတို့နှစ်ဦးဟာ ရင်ဘတ်တွေအောင့်ပြီး ခန္ဓာကိုယ်တစ်ခုလုံး ကိုက်ခဲနာကျင်နေတယ်ဆိုတာကြောင့် လောလောဆယ် ဓာတ်မှန်ရိုက်ထားပြီး အဖြေကိုတော့ မသိရသေးဘူးလို့ မိသားစုကပြောပါတယ်။

သံသယနဲ့ဖမ်းဆီးစစ်ဆေးခံရတဲ့လူငယ်တွေ စစ်ကြောရေးမှာ နှိပ်စက်ခံရတာနဲ့ပတ်သက်လို့ မိသားစုတွေရဲ့ တောင်းဆိုချက်အရ မြန်မာနိုင်ငံ အမျိုးသားလူ့အခွင့်အရေးကော်မရှင်ကို ဓာတ်ပုံမှတ်တမ်းတွေနဲ့တကွ မကြာခင်ရက်ပိုင်းအတွင်းမှာ တင်ပြသွားမယ်လို့လည်း ဦးမြတ်ထွန်းက ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ