ဆန္တန္ခ်ိန္တစ္သိန္းတင္ပုိ႔ေရး ဒီလအတြင္း ျမန္မာနဲ႔ တရုတ္ သေဘာတူလက္မွတ္ေရးထုိးမည္

တရုတ္နုိင္ငံကုိ ဆန္တင္ပုိ႔နိုင္ေရး ဆန္ကုန္သည္ေတြ၊ အစုိးရတာဝန္ရွိသူေတြ ၂၀၁၉၊ ဇြန္ ၁၀ ရက္ေန႔က ေနျပည္ေတာ္ ေတြ႕ဆုံေဆြးေႏြးစဥ္
တရုတ္ႏုိင္ငံကုိ ပင္လယ္ေရေၾကာင္းက တစ္ဆင့္ ဆန္တန္ခ်ိန္ တစ္သိန္းကုိ ဒီႏွစ္ ေအာက္တုိဘာလ မတုိင္ခင္ တင္ပုိ႔ႏုိင္ဖုိ႔ ဒီလထဲမွာ ျမန္မာနုိင္ငံနဲ႔ တရုတ္နုိင္ငံ သေဘာတူလက္မွတ္ေရးထုိးမယ္လုိ႔ သိရပါတယ္။

ဆန္ေတြ အခ်ိန္မွီတင္ပုိ႔နုိင္ဖုိ႔အတြက္ ဆန္စက္ ၉၉ စက္ကုိ အရည္အေသြးစစ္ေဆးၿပီးျဖစ္ေၾကာင္း စီးပြားေရးနဲ႔ ကူးသန္းေရာင္း၀ယ္ေရး၀န္ႀကီးဌာန၊ ဒုတိယ၀န္ႀကီး ဦးေအာင္ထူးက ေျပာပါတယ္။

ႏုိင္ငံေတာ္ အတုိင္ပင္ခံပုဂၢိဳလ္ ေဒၚေအာင္ဆန္စုၾကည္ရဲ႕ ၿပီးခဲ့တ့ဲ ဧၿပီလကုန္က တရုတ္ႏုိင္ငံခရီးစဥ္အတြင္းမွာ တရုတ္နုိင္ငံကုိ ဆန္တန္ခ်ိန္တစ္သိန္း တင္ပုိ႔ႏိုင္ဖုိ႔ ႏွစ္နုိင္ငံ ေခါင္းေဆာင္ေတြ ညွိႏႈိင္းခဲ့တာျဖစ္ပါတယ္။

ဆန္တန္ခ်ိန္တစ္သိန္းကုိ ဇူလုိင္လကေန စက္တင္ဘာအတြင္း တင္ပုိ႔ၿပီးေနာက္ပုိင္း မုိးစပါးေပၚခ်ိန္ ေစ်းႏႈန္းက်ဆင္းမႈ မျဖစ္ေပၚေအာင္ တျခားႏုိင္ငံေတြကုိ တင္ပုိ႔နုိင္ေအာင္ ႀကိဳးစားမယ္လို႔လည္း ဆန္စပါးအသင္း ဥကၠ႒ ဦးရဲမင္းေအာင္က ေျပာပါတယ္။

ျမန္မာႏုိင္ငံဟာ ၂၀၁၇- ၂၀၁၈ ဘ႑ာႏွစ္က ဆန္တန္ခ်ိန္ သုံးသန္းခြဲ စံခ်ိန္တင္ပုိ႔ၿပီး ေဒၚလာ တစ္ဘီလီယံေက်ာ္ ရရွိခဲ့ေပမယ့္ ဒီႏွစ္မွာေတာ့ ဆန္တန္ခ်ိန္ တစ္သန္းခြဲေက်ာ္ တင္ပုိ႔ထားၿပီး ကန္ေဒၚလာ သန္း ၄၇၀ ေက်ာ္ ရရွိထားပါတယ္။

တင္ပုိ႔မႈရဲ႕ ၆၀ ရာခုိင္ႏႈန္းေက်ာ္ကုိ ပင္လယ္ေရေၾကာင္းက တစ္ဆင့္တင္ပုိ႔ၿပီး ၃၀ ရာခုိင္ႏႈန္းေက်ာ္ကေတာ့ နယ္စပ္ကတစ္ဆင့္ တရုတ္ႏုိင္ငံကုိ တင္ပုိ႔ေနတာျဖစ္ပါတယ္။

ဒီသတင္းကုိ RFA သတင္းေထာက္ ကုိဝင္းကုိကုိလတ္ ေပးပုိ႔တာပါ။

RFA Burmese
https://www.rfa.org/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ