ကျောင်းဆောက်တဲ့ ကုမ္ပဏီ ၄၀ ကျော်ကို အရည်သွေးမမီလို့ အစိုးရသတိပေး

ဧရာဝတီတိုင်း အတွင်း ကုမ္ပဏီ ၁၀၀ ကျော် က အခြေခံပညာကျောင်းပေါင်း ၆၀၀ ကျော်ကို ပြည်တောင်စု အစိုးရဘက်ဂျက် နဲ့ဆောက်လုပ်နေတာ ဖြစ်ပါတယ် ။
ဧရာဝတီတိုင်းအတွင်းအခြေခံ ပညာကျောင်းတွေ ဆောက်လုပ်နေတဲ့ ကုမ္ပဏီ ၄ဝ ကျော်ကိုသတ်မှတ်အရည်သွေးမမီတဲ့အတွက် ဇွန်လ ၅ ရက်နေ့က ခေါ်ယူသတိပေးလိုက်တယ်လို့ ဧရာဝတီတိုင်း အခြေခံပညာဦးစီးဌာန ညွှန်ကြားရေးမှူးဦးဆန်းမင်းဝင်း က ဘီဘီစီကို ပြောပါတယ်။

အရည်သွေးစစ်ဆေးတဲ့ ကုမ္ပဏီက ဓနုဖြူနဲ့ ဇလွန်မြို့နယ်တွေ ကကျောင်း၁၀ ကျောင်းကို စစ်ရာမှာ ကျောင်း ၁၀ ကျောင်းမှာ ၇ ကျောင်းလောက်က သတ်မှတ်စံချိန်စံညွှန်းနဲ့ မကိုက်ညီတာကို တွေ့နေရတာ ဖြစ်ပါတယ်။

ဒီဇိုင်းနဲ့ မကိုက်တာတွေ အရည်သွေးမမီတာတွေ အသုံးပြုတဲ့ပစ္စည်း အမျိုးအစား မမှန်တာ အရည်သွေး စစ်ဆေးတဲ့ ကုမ္ပဏီကတွေ့ခဲ့တာ ဖြစ် ပြီး စာချုပ်ပါ စည်းကမ်းအတိုင်း လုပ်မပေးရင်တော့ တရားစွဲသွားမယ်လို့ လည်း ဦးဆန်းမင်းဝင်း ကပြောပါတယ်။

ဧရာဝတီတိုင်း အတွင်း ကုမ္ပဏီ ၁ဝဝ ကျော် က အခြေခံပညာကျောင်းပေါင်း ၆၀၀ ကျော်ကို ပြည်တောင်စု အစိုးရဘက်ဂျက် နဲ့ဆောက်လုပ်နေတာ ဖြစ်ပါတယ် ။

 ပြည်ထောင်စု အစိုးရက ဧရာဝတီမှာ ကျောင်းဆောက်ဖို့ ကျပ်၂၈ ဘီလီယံ ချ ပေးပါတယ်။
ဓနုဖြူနဲ့ ဇလွန်မြို့နယ်တွေက ကျောင်း ၁ဝ ကျောင်းကိုဆောက်လုပ်ခဲ့တာကတော့ ကုမ္ပဏီတစ်ခုထဲကဖြစ်ပြီးတော့ ဒီကုမ္ပဏီက ပြန်လုပ်မပေးဘူးဆိုရင်တော့ အခြားကုမ္ပဏီနဲ့ အစားထိုး လုပ်သွားမယ် လို့လည်းသူကပြောပါတယ် ။

"ပြန်ပြင်ပြီး လုပ်မပေးတဲ့ ကုမ္ပဏီတွေကိုတော့ အရေးယူမှာပါ စာချုပ်ပါ စည်းကမ်းအတိုင်းလုပ်မှာပါ"လို့ လည်း ဦးဆန်းမင်းဝင်း ကပြောပါတယ်။

စာချုပ်ပါ အရည်သွေးနဲ့ မကိုက်ဘူး၊ ပြန်လုပ်မပေးဘူးဆိုရင်တော့ နာမည်ပျက် စာရင်းသွင်းမယ်၊ လုပ်ကိုင်ခွင့်ရုပ်သိမ်းမယ်၊ ကျောင်းဆောက်တဲ့ ကုမ္ပဏီ ၄၀ ကျော် အဲဒါတွေ ပါတဲ့ ခံဝန်ကို ထိုးခိုင်းခဲ့တယ်လို့ ဧရာဝတီတိုင်း အခြေခံပညာဦးစီးဌာနကပြောပါတယ် ။

ဧရာဝတီတိုင်း တတိုင်းလုံးကို အရည်သွေးစစ်တဲ့ ၉ ဖွဲ့စစ်ဆေးနေပြီးတော့ အခြားကျောင်းဆောက်တဲ့ ကုမ္ပဏီတွေကို အခုလို မျိုး မဖြစ်အောင်ခေါ်သတိပေးခဲ့တာဖြစ်တယ် လို့လည်း အစိုးရ ဘက် ကရှင်းပြပါတယ်

"ဓနုဖြူနဲ့ ဇလွန်မြို့နယ်တွေက ကျောင်း ၁ဝ ကျောင်းကို စစ်ရာမှာ ကျောင်း ၁၀ ကျောင်းမှာ ၇ ကျောင်းလောက်က တော်တော့် ကို အခြေနေဆိုးတဲ့အတွက် အခုလို ခေါ်ယူသတိပေးရတာ ဖြစ်ပါတယ် "လို့လည်း ဦးဆန်းမင်းဝင်းက ရှင်းပြပါတယ် ။

မနစ်က ဘတ်ဂျက်တုန်းကလည်း ဒီလိုအရေအသွေးမမီလို့ ကုမ္ပဏီ ၅ ခုကို နာမည်ပျက်စာရင်းသွင်းခဲ့ရဖူးတယ်လို့ ဧရာဝတီတိုင်း အခြေခံပညာဦးစီးဌာနကတဆင့် သိရပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ