မိုးသည္းထန္စြာ႐ြာသြန္းမႈေၾကာင့္ ဝိုင္းေမာ္-ဆဒုံး-ကန္ပိုက္တည္ လမ္းပိုင္းရွိ တံတားႏွစ္စင္း ပ်က္စီး



Share/Bookmark

ဝိုင္းေမာ္ ဇြန္ ၂၈

မိုးသည္းထန္စြာ႐ြာသြန္းမႈေၾကာင့္ ကခ်င္ျပည္နယ္ ဝိုင္းေမာ္ၿမိဳ႕နယ္အတြင္း ဝိုင္းေမာ္-ဆဒုံး-ကန္ပိုက္တည္ လမ္းပိုင္းရွိ ႀကိဳးတံတားတစ္စင္း ေခ်ာင္းေရတိုက္စားေမ်ာပါၿပီး ေဘလီတံတားတစ္စင္း ကမ္းကပ္ခုံနိမ့္က်မႈျဖစ္ခဲ့ေၾကာင္း ထိန္ခ်ဳံး- ျမစ္ႀကီးနား လမ္းေဖာက္လုပ္ေရးကုမၸဏီမွ သိရသည္။

ျဖစ္စဥ္မွာ ဇြန္ ၂၇ ရက္ နံနက္ ၁၁ နာရီက ဝိုင္းေမာ္ၿမိဳ႕နယ္၊ ကန္ပိုက္တည္ၿမိဳ႕၊ ဆိုင္ေလာ္ေက်း႐ြာအနီးတဝိုက္တြင္ မိုးသည္းထန္စြာ ႐ြာသြန္းမႈေၾကာင့္ ေတာင္က်ေခ်ာင္းေရမ်ား စီးဆင္းခဲ့၍ နမ့္မလိေခ်ာင္းေရ ျမင့္တက္ခဲ့ၿပီး ဆိုင္ေလာ္ေက်း႐ြာႏွင့္ ဂ်န္မိုင္ေက်း႐ြာသို႔ ဆက္သြယ္ထားသည့္ အလ်ား(၃၀၆)ေပ၊ အက်ယ္(၆)ေပရွိ ကိုယ္ထူကိုယ္ထ ႀကိဳးတံတားမွာ ေရစီးႏွင့္အတူေမ်ာပါသြားခဲ့ကာ ဝိုင္းေမာ္-ဆဒုံး-ကန္ပိုက္တည္ လမ္းပိုင္းရွိ အရွည္(၅၀)ေပ၊ အက်ယ္(၁၅)ေပခန႔္ရွိ ႐ႊန္းေဝတံတား(ယာယီေဘလီ)မွာ ခ်ဥ္းကပ္လမ္းအပိုင္း(၃)ေပခန႔္ နိမ့္က်သြားခဲ့သည္။

အဆိုပါ ျဖစ္စဥ္ေၾကာင့္ ဝိုင္းေမာ္-ဆဒုံး-ကန္ပိုက္တည္လမ္းအပိုင္းအား ေခတၱပိတ္ထားရၿပီး ယာဥ္ႀကီးႏွင့္ ယာဥ္မ်ားသြားလာမႈ ျပတ္ေတာက္သြားခဲ့ကာ လမ္းပန္းဆက္သြယ္မႈ အခ်ိန္မီျပန္လည္ေကာင္းမြန္ေစေရး လမ္းဦးစီးဌာနႏွင့္ ထိန္ခ်ဳံး-ျမစ္ႀကီးနား လမ္းေဖာက္လုပ္ေရး ကုမၸဏီတို႔ပူးေပါင္းကာ ျပန္လည္ျပင္ဆင္မႈမ်ား ေဆာင္႐ြက္သြားမည္ျဖစ္ေၾကာင္း သိရသည္။

ဝင္းႏိုင္(ကခ်င္ေျမ)
Myanmaalinn
https://www.facebook.com/MYANMAALINNNEWS

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ