ၾသဇာႀကီးတဲ့ ထိုင္း၀န္ႀကီးခ်ဳပ္ေဟာင္း Prem Tinsulanonda ကြယ္လြန္



Share/Bookmark

ထုိင္းႏုိင္ငံေရးမွာ ၾသဇာႀကီးမားၿပီး၊ ဘုရင့္အတုိင္ပင္ခံေကာင္စီ၀င္တဦးလည္းျဖစ္တဲ့ ၀န္ႀကီးခ်ဳပ္ေဟာင္း Prem Tinsulanonda ဟာ ဒီကေန႔မွာ ကြယ္လြန္သြားခဲ့ၿပီျဖစ္ပါတယ္။ ဘန္ေကာက္ေဆး႐ုံမွာ ကြယ္လြန္သြားခဲ့တာျဖစ္ၿပီး၊ ကြယ္လြန္ခ်ိန္မွာေတာ့ အသက္ ၉၈ ႏွစ္ ရွိၿပီျဖစ္တယ္လို႔ ထုိင္းအစိုးရ လူထုဆက္ဆံေရးဌာနက ေၾကျငာလုိက္ပါတယ္။

သူဟာထုိင္းစစ္တပ္ရဲ႕အႀကီးအကဲတဦးျဖစ္ခဲ့ၿပီး ထုိင္းႏုိင္ငံရဲ႕ ဘုရင္စနစ္အေပၚမွာ ႏွစ္ေပါင္းမ်ားစြာသစၥာခံသူတဦးျဖစ္ပါတယ္။ အထူးသျဖင့္ေတာ့ သူဟာ ကြယ္လြန္သြားၿပီျဖစ္တဲ့ ထုိင္းဘုရင္ေဟာင္း ဘူမိေဘာအဒူလာဒက္နဲ႔ နီးစပ္သူတဦးျဖစ္ပါတယ္။ သူဟာ ၁၉၈၀ ကေန ၈၈ ခုႏွစ္အထိ ထုိ္င္း၀န္ႀကီးခ်ဳပ္အျဖစ္နဲ႔ တာ၀န္ထမ္းေဆာင္ခဲ့ပါတယ္။ ထုိင္းစစ္ေခါင္း အေတာ္မ်ားမ်ားဟာ အာဏာသိမ္းၿပီး ၀န္ႀကီးခ်ဳပ္ျဖစ္လာၾကေပမယ့္ ၊ သူကိုေတာ့ ထုိင္းပါလီမန္က ၀န္ႀကီးခ်ဳပ္အျဖစ္နဲ႔ ေရြးခ်ယ္တင္ေျမွာက္ခဲ့တာျဖစ္ပါတယ္။

၁၉၈၈ မွာ ၀န္ႀကီးခ်ဳပ္ရာထူးကေန ဆင္းၿပီးတဲ့ေနာက္မွာေတာ့ သူကို ထုိင္းဘုရင္ ဘူမိေဘာက ဘုရင္ရဲ႕ အတုိင္ပင္ခံေကာင္စီ၀င္အျဖစ္ နဲ႔ ခန္႔အပ္ခဲ့တာျဖစ္ပါတယ္။ သူနဲ႔ ဘုရင္ႀကီး ဘူမိေဘာတုိ႔ၾကား နီးစပ္တဲ့ဆက္ဆံေရးေၾကာင့္ ထုိင္းေတာ္၀င္မိသားစု နဲ႔ စစ္တပ္ၾကား ဆက္ဆံေရးဟာ ပိုၿပီးေတာ့ ခုိင္မာလာခဲ့တာျဖစ္ပါတယ္။ ၂၀၀၆ ခုႏွစ္က စစ္တပ္က အာဏာသိမ္းၿပီး ၀န္ႀကီးခ်ဳပ္သက္ဆင္အစိုးရကို ျဖဳတ္ခ်တာကို သူ႔အေနနဲ႔ အာေပးခဲ့တယ္လို႔ ေ၀ဖန္သူေတြက စြပ္စဲြပါတယ္။

Prem ဟာ ထုိင္းႏုိင္ငံေရးမွာသာမက၊ ထုိင္းဘုရင္စနစ္ နဲ႔ ေတာ္၀င္မိသားစုအတြင္းမွာပဲ ဆယ္စုႏွစ္ေပါင္းမ်ားစြာ ၾသဇာႀကီးမားသူတစ္ေယာက္ ျဖစ္ပါတယ္။

ဗြီအိုေအ (ျမန္မာပုိင္း)
https://burmese.voanews.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ