NSCN-K အဖွဲ့နဲ့ တပ်မတော်တို့ တိုက်ပွဲဖြစ်ပွား

နာဂ အမျိုးသားဆိုရှယ်လစ်ကောင်စီ NSCN-K တပ်ဖွဲ့ဝင်များကို တွေ့ရစဉ်။
နာဂအမျိုးဆိုရှယ်လစ်ကောင်စီ NSCN-K နဲ့ အစိုးရတပ်မတော်တို့ မေလ ၁၇ ရက်နေ့က မြန်မာ-အိန္ဒိယ နယ်စပ် စစ်ကိုင်းတိုင်း လဟယ်မြို့ အနောက်ဖက်ခြမ်းမှာ တိုက်ပွဲဖြစ်ပွားခဲ့ပါတယ်။

အဲဒီဒေသဖက်မှာ တပ်မတော် စစ်ကြောင်းသွားလာရင်း ထိပ်တိုက်တွေ့ပြီး တိုက်ပွဲဖြစ်ပွားကြတာလို့ နာဂအမျိုးသားရေးရာကောင်စီရဲ့ ယာယီ ဥက္ကဋ္ဌ ဦးနော်ဆန်းအောင် က ပြောပါတယ်။

NSCN-K အဖွဲ့ဟာ အစိုးရနဲ့ တိုင်းဒေသကြီးအဆင့် အပစ်ရပ်စဲရေး လက်မှတ်ရေးထိုးထားတဲ့ အဖွဲ့ဖြစ်ပြီး အာသံကသဲသူပုန်တွေကို လက်နက်သင်တန်းတွေပေးတာ၊ လူတွေစုစည်းပေးတာ တွေလုပ်ဆောင်တာ တွေရှိခဲ့တယ်လို့ အစိုးရဖက်က စွပ်စွဲထားပါတယ်။

ဒါကြောင့် NSCN-K ခေါင်းဆောင် ငါးဦးနဲ့ အရာရှိ ခြောက်ဦးတို့ကိုလည်း မတရားအသင်းဆက်သွယ်မှု ပုဒ်မ ၁၇ (၁) နဲ့ ဖမ်းဆီးအမှုဖွင့်ထားသလို ကသည်းလူမျိုး ၂၄ ဦး တို့ကိုလည်း ၁၇ (၁) နဲ့ ထောင်ဒဏ် နှစ်နှစ်စီ ချမှတ်ခဲ့တယ်လို့လည်း သိရပါတယ်။

အနောက်မြောက်တိုင်းစစ်ဌာနချုပ် တိုင်းဦးစီး ဗိုလ်မှူးကြီး သန်းနိုင်ကို RFA က ဆက်သွယ်မေးမြန်းရာ တကားဒေသဖက် နယ်မြေရှင်းလင်းရင်း ထိတွေ့တိုက်ပွဲဖြစ်ပွားခဲ့ကြောင်း NSCN-K တပ်ဖွဲ့ဟာ တိုင်းဒေသကြီးအဆင့် ငြိမ်းချမ်းရေးဖြစ်စဉ်သဘောတူညီချက်တွေကို ဖောက်ဖျက်တာတွေကြောင့် NSCN-K ခေါင်းဆောင်တွေကို ဖမ်းဆီးခဲ့တာလို့ ပြောပါတယ်။

ဒီသတင်းကို RFA သတင်းထောက် ကိုကျော်သူ ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ