Facebook ကုမ္ပဏီ ၂ ခြမ်းကွဲတော့မလား


ကမ္ဘာ့ အကြီးဆုံးလူမှုကွန်ယက် Facebook ကိုတည်ထောင်သူ Mark Zuckerberg ရဲ့ အခန်းဖော်ဖြစ်ခဲ့ဖူးသူ Facebook ကုမ္မဏီ တွဲဖက် တည်ထောင်သူ Chris Hughes က ကုမ္မဏီ ခွဲထွက်လိုကြောင်း ကို မနေ့ ကြာသပတေးနေ့ထုတ် New York Times သတင်းစာ အတွေးအမြင် ဆောင်းပါးတပုဒ် မှာ ရေးသား ဖော်ပြပါတယ်။

ကုမ္မဏီ တခုထဲက လက်ဝါးကြီးအုပ် ချုပ်ကိုင်တာကို ဆန့်ကျင်ပြီး နည်းပညာ ကုမ္မဏီ ကြီးတွေကို ခွဲထုတ်ဖို့ တိုက်တွန်းနေကြတဲ့ လွှတ်တော်အမတ်တွေ အကြိုက် Hughes ကဒီလို ပြောတာပါ။ ဘယ်လောက်ပဲ ရည်ရွယ်ချက်ကောင်းတဲ့ လုပ်ငန်းရှင်ဖြစ်နေပါစေ၊ တဦးတည်း က ချုပ်ကိုင်တဲ့ ၀န်ဆောင်မှု ဒါမှမဟုတ်လုပ်ငန်းတွေကို လုပ်ပိုင်ခွင့် ကန့်သတ်ထားတဲ့ ကျွန်တော် တို့ နိုင်ငံအတွက်က Zuckerberg ရဲ့ အင်အားက မကြုံစဖူးကြီးမားနေတဲ့ အတွက် အမေရိကန်စံနဲ့ မညီဘူးလို့ Hughes က New York Times မှာ ရေးပါတယ်။

Facebook မှာ အချက်အလက်တွေ ဖြန့်ဝေနေတဲ့ စနစ်တွေ၊ အမုန်းစကားပြန့်ပွားမှုတွေ နဲ့ သတင်းမှားတွေ ဖြန့်ဝေနေခြင်း ရှိ၊မရှိကိုလည်း တရားဝင်အဖွဲ့ အစည်းတွေက တကမ္ဘာလုံး အတိုင်းအတာနဲ့ စောင့်ကြည့် နေကြတာပါ။ ကမ္ဘာတ၀ှမ်း Facebook လူမှုကွန်ယက် အသုံးပြုသူ ၂ ဘီလီယံကျော်ရှိသလို Facebook ပိုင် What’s app ၊ Messenger နဲ့ Instagram အသုံးပြုသူတွေကလည်း ၁ ဘီလီယံကျော်ရှိပါတယ်။ Facebook က Instagram ကို ၂၀၁၂ က ၀ယ်ယူလိုက်ပြီး What’s app ကို ၂၀၁၄ က၀ယ်လိုက်တာပါ။

သမ္မတအဖြစ်အရွေးခံရရင် စီးပွားရေး ဈေးကွက်ကို လက်ဝါးကြီး အုပ်ထားတဲ့ Facebook ၊ Amazon နဲ့ Alphabet Inc’s Google တို့လို ကုမ္မဏီ ကြီးတွေကို ခွဲထုတ်ပြီး အပြိုင်အဆိုင်ဈေးကွက် ကို မြှင့်တင်ပေးမယ်လို့ ဒီမိုကရက်တစ် သမ္မတလောင်း အထက်လွှတ်တော် အမတ် Elizabeth Warren က ကတိပြုပြောကြားထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ