မြန်မာ့ဒီမိုကရေစီရေး ကန်ဆက်လက်ကူညီသွားမည်

အမေရိကန်နိုင်ငံခြားရေးဝန်ကြီးဌာန နိုင်ငံရေးရာဌာနကြီး အမြဲတန်း အတွင်းဝန် David Hale နဲ့ နိုင်ငံတော် အတိုင်ပင်ခံ ဒေါ်အောင်ဆန်းစုကြည် တို့ တွေ့ဆုံစဉ် (သတင်းဓါတ်ပုံ - Myanmar State Counsellor Office)
မြန်မာနိုင်ငံရဲ့ဒီမိုကရေစီ ကူးအသွင်ပြောင်းရေး၊ စစ်မှန်တဲ့ အရပ်သားအစိုးရပေါ်ပေါက်ရေးစတဲ့ကိစ္စတွေကို အမေရိကန် ပြည်ထောင်စုကဆက်ပြီး ကူညီပံ့ပိုးသွားမယ်လို့ မြန်မာနိုင်ငံကို ၃ ရက်ကြာခရီးစဉ်နဲ့ ရောက်နေတဲ့ အမေရိကန်နိုင်ငံခြားရေးဝန်ကြီးဌာန နိုင်ငံရေးရာဌာနကြီး အမြဲတန်း အတွင်းဝန် David Haleက ပြောလိုက်ပါတယ်။

အတွင်းဝန် David Hale ဟာ နိုင်ငံတော်အတိုင်ပင်ခံ ဒေါ်အောင်ဆန်းစုကြည် ကာကွယ်ရေးဝန်ကြီး၊ နိုင်ငံတကာဆက်ဆံရေးဝန်ကြီးတို့နဲ့ မနေ့တုန်းက နေပြည်တော်မှာ သီးခြားဆီတွေ့ဆုံခဲ့ပါတယ်။

မြန်မာနိုင်ငံလက်ရှိရင်ဆိုင်နေရတဲ့ ဒီမိုကရေစီ အသွင်ကူးပြောင်းရေးဆိုင်ရာအခက်အခဲတွေ၊ အမျိုးသားပြန်လည် သင့်မြတ်ရေးကြိုးပမ်းမှုအောင်မြင်ရေး၊ ရခိုင်နဲ့တခြား တိုင်းရင်းသားဒေသတွေက လူသားချင်းစာနာမှုနဲ့ လူ့အခွင့်အရေးဆိုင်ရာ အကြပ်အတည်းတွေကို ကူညီဖြေရှင်းရေးစတာတွေကို အမေရိကန်အမြဲတန်းဝန် David Haleနဲ့ မြန်မာခေါင်းဆောင်တွေ ဆွေးနွေးခဲ့ကြပါတယ်။

ရိုဟင်ဂျာမူဆလင်ဒုက္ခသည်တွေ ကိုယ့်သဘောနဲ့ ကိုယ်နေရပ်ကို ဂုဏ်သိက္ခာရှိရှိနဲ့ ပြန်လာနိုင်ရေး မြန်မာအစိုးရဘက်က ဖန်တီးပေးဖို့လိုတဲ့ အကြောင်း၊ လက်ရှိရခိုင်ပြည်နယ်အတွင်းက မတည်ငြိမ်တဲ့ လုံခြုံရေးအခြေအနေတွေကြောင့် ဒုက္ခသည်တွေပြန်လာဖို့ အရေးကို အမေရိကန်ဘက်က စိုးရိမ်နေတဲ့အကြောင်း၊ ရခိုင်ပဋိပက္ခမှာ တာဝန်ရှိသူတွေကို ဖေါ်ထုတ်အရေးယူနိုင်ဖို့ လွတ်လပ်တဲ့ စုံစမ်းစစ်ဆေးမှုတွေလုပ်ဖို့ကိုလည်း အမေရိကန်ဘက်က တောင်းဆိုတယ်လို့လည်း အမြဲတန်းအတွင်းဝန် David Haleက တယ်လီဖုန်းကတဆင့်လုပ်တဲ့ သတင်းစာရှင်းလင်းပွဲမှာ မနေ့ကပြောခဲ့ပါတယ်။

ရိုဟင်ဂျာဆိုတဲ့ အသုံးအနှုန်းက မြန်မာအစိုးရက အသိအမှတ်မပြုပါဘူး။ ရိုဟင်ဂျာဒုက္ခသည်အရေးနဲ့ ပတ်သက်ပြီး အမေရိကန်ဘက်က ဒေါ်လာသန်း ၅၀၀ လောက် ကူညီထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ