ကျောက်ဖြူစီမံကိန်း ၂၀၁၉ ခုနှစ်မှာ စတင် အကောင်အထည်ဖော်မည်

ကျောက်ဖြူ ရေနက်ဆိပ်ကမ်းစီမံကိန်း အကောင်အထည်ဖော်ရေး သဘောတူညီမှုစာချုပ် လက်မှတ်ရေးထိုးပွဲ အခမ်းအနားကို ၂၀၁၈ နိုဝင်ဘာလ ၈ ရက်နေ့က နေပြည်တော်မှာကျင်းပစဉ်
ရခိုင်ပြည်နယ် ကျောက်ဖြူ ရေနက်ဆိပ်ကမ်းစီမံကိန်းနဲ့ ပတ်သက်လို့ မြန်မာအတွက် ၀န်ထုပ်ဝန်ပိုးမဖြစ်စေဖို့နဲ့ ရေရှည်တည်တန့်တဲ့ စီမံကိန်းတခုဖြစ်ဖို့ ညှိနှိုင်းမှုတွေ အများကြီး ပြုလုပ်ခဲ့ရတယ်လို့ စီမံကိန်းအကောင်အထည်ဖော်ရေးကော်မတီ ဥက္ကဋ္ဌ ဦးဆက်အောင်က ပြောကြားလိုက်ပါတယ်။

နေပြည်တော်က စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနမှာ ဒီနေ့ကျင်းပတဲ့ စီမံကိန်း အကောင်အထည်ဖော်ရေး သဘောတူညီမှုစာချုပ် လက်မှတ်ရေးထိုးပွဲ အခမ်းအနားမှာ ပြောကြားခဲ့တာဖြစ်ပါတယ်။

အပိုင်း ၄ ပိုင်းနဲ့ ဆောင်ရွက်မယ့် အဲဒီစီမံကိန်းကို လာမယ့် ၂၀၁၉ ခုနှစ် မှာ စတင်နိုင်မယ်လို့ ရည်မှန်းထားပြီး ကုန်ကျစရိတ်အားလုံးကို Third Party က အသေးစိတ်လေ့လာမှုတွေ ထပ်လုပ်မယ်လို့လည်း သိရပါတယ်။

ဒီကနေ့လက်မှတ်ရေးထိုးတဲ့ တရုတ် CITIC ကုမ္ပဏီဟာ အရင်အစိုးရလက်ထက်ကတည်းက တင်ဒါအောင်မြင်ခဲ့ပေမယ့် ဝေဖန်မှုတွေရှိနေလို့ ကြန့်ကြာခဲ့တာဖြစ်ပါတယ်။

စီမံကိန်းအတွက် တရုတ်နိုင်ငံက မူလက ၈၅ ရာခိုင်နှုန်းပါဝင်ဖို့ ဖြစ်ပေမဲ့ ပြန်လည်ညှိနှိုင်းမှုတွေအရ ၇၀ ရာခိုင်နှုန်းသာ ပါဝင်တော့မှာဖြစ်သလို ပထမအဆင့်အနေနဲ့ အမေရိကန်ဒေါ်လာ ၁ ဒသမ ၃ ဘီလီယံနဲ့ စတင်မှာဖြစ်ပါတယ်။

ဒီနေ့လက်မှတ်ရေးထိုးပွဲကို စီးပွားရေးနဲ့ ကူးသန်းရောင်းဝယ်ရေးဝန်ကြီး၊ မြန်မာနိုင်ငံဆိုင်ရာ တရုတ်သံအမတ်ကြီး ဟုန်လျန်၊ CITIC ကုမ္ပဏီတာဝန်ရှိသူတွေ တက်ရောက်ကြပါတယ်။

ဒီသတင်းကို RFA သတင်းထောက် ကိုဝင်းကိုကိုလတ် ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ