စတုတ္ထတန်းကျောင်းသူ ချောက်အတွင်း အရိုးစုသာ တွေ့ရသည့် လူသတ်မှုအား မိထွေးကို ဖမ်းဆီးစစ်ဆေးနေ


မုနိမြီ၊ နိုဝင်ဘာ ၅

"ရှမ်းပြည်နယ်(တောင်ပိုင်း)၊ကလောမြို့နယ်တွင် လွယ်အံ​ကျေးရွာအနီး ​ချောက်အတွင်း၌ အရိုးစုသာကျန်တော့သည့် စတုတ္ထတန်းကျောင်းသူ မိန်းကလေးအလောင်း ​တွေ့ရှိမှုနှင့် ဆက်စပ်၍ အဆိုပါမိန်းကလေး၏ အသက်(၅၀)ကျော် အရွယ် မိထွေးဖြစ်သူကို လူသတ်မှုသံသယဖြင့် ရဲတပ်ဖွဲ့က နိုဝင်ဘာ ၁ ရက်တွင် စစ်ဆေးလျက်ရှိကြောင်း" ကလောမြို့မရဲစခန်းမှ စခန်းမှူး ဒုရဲမှူးကျော်ကျော်မှ Munimary News Agencyသို့ ပြောကြားသည်။

"ပထမက လူသေမှု၊ လူပျောက်မှုတွေနဲ့ အမှုဖွင့်ထားပြီး မသင်္ကာလို့ စုံစမ်းနေတုန်းမှာ သံသယရှိသူအမျိုးသမီးကို သူ့ရဲ့ လင်ပါသမီးအား သတ်မှုနဲ့ စစ်ဆေးနေတယ်။ မူလက အောင်ပန်းမှာဖွင့်ထားတဲ့ လူပျောက်မှု၊ သေမှု​သေခင်းအမှုတွေကို တရားရုံးစွဲတင်ပြီးရင်တော့ အမှုထင်ရှားရင် လူသတ်မှုပုဒ်မ ​ပြောင်းလဲနိုင်မှာပါ။

၂၀၁၈ မတ် ၂၀ ရက်၊ အောင်ပန်းမြို့ အမှတ်(၃)ရပ်ကွက် အေးမြင့်သာယာနယ်မြေ (၂)နေ ဦးကျော်ဝင်း(ခ) ဦးမောင်တူးတွင် တောထဲသို့ ထင်းခုတ်သွားပြီး ပြန်ရောက်ချိန်၌ ၎င်း၏ဇနီးဖြစ်သူ ဒေါ်သန်းကြည်နှင့် ပထမအိမ်ထောင်ဖြင့်ရရှိသည့် သမီးဖြစ်သူ (၁၂)နှစ်အရွယ် စတုတ္ထတန်းကျောင်းသူ မဆန်းအေး တို့ကို နေအိမ်၌မတွေ့ရှိသဖြင့် လိုက်လံရှာဖွေရာ တွေ့ရှိခြင်းမရှိသောကြောင့် အောင်ပန်းနယ်မြေရဲစခန်းတွင် လူပျောက်အမှတ်စဉ် ၂/၂၀၁၈ ဖြင့် အမှုဖွင့်လှစ်ခဲ့သည်"ဟု ဟု ကလောမြို့မရဲစခန်းမှ စခန်းမှူး ဒုရဲမှူးကျော်ကျော်မှ Munimary News Agencyသို့ ပြောသည်။

ဇနီးဒေါ်သန်းကြည်အား ကလောမြို့ နှီးဘုရား အတက်လမ်းတွင် ပြန်လည်တွေ့ရှိခဲ့ပြီး၊ သမီးဖြစ်သူရောက်ရှိနေသည့် ​နေရာကို မေးမြန်းရာ မန္တလေးတိုင်းဒေသကြီး သာစည်မြို့သို့ ခေါ်ဆောင်သွားရာမှ ခင်ပွန်းဖြစ်သူ ဦးကျော်ဝင်းကို မကျေနပ်၍ 'မဆန်းအေး'အား အခြား ရထားတစ်စင်းပေါ်သို့ တင်ဆောင်ပေးလိုက်​ကြောင်း ​ပြောဆိုခဲ့၍ ဦးကျော်ဝင်းက ၎င်း၏သမီးအား ခွင့်ပြုချက် တစ်စုံတစ်ရာမရရှိဘဲ ခေါ်ဆောင်သွားသည့် ​ဒေါ်သန်းကြည်ကို ဥပဒေအရ အရေးယူပေးရန်တိုင်ကြားခဲ့ရာ အောင်ပန်းနယ်မြေရဲစခန်းက (ပ)၈၃/၂၀၁၈၊ ရာဇသတ်ကြီးပုဒ်မ ၃၆၃ ဖြင့် အမှုဖွင့်ဖမ်းဆီးကာ စိတ်ကျန်းမာရေးအခြေအနေအရ ဒေါ်သန်းကြည်အား အာမခံဖြင့် ပြန်လည်လွှတ်ထားခဲ့သည်။

၂၀၁၈ မတ် ၃၁ ရက်တွင် လွယ်အံ​ကျေးရွာအနီး အနက် ၁၀ ပေခန့်ရှိ ချောက်အတွင်း၌ အရိုးစုသာကျန်ရှိသော အလောင်း​တွေ့ရှိမှုအရ ပျောက်ဆုံးနေသည့် မဆန်းအေး ၏ အဝတ်အစားများနှင့် တိုက်ဆိုင်စစ်ဆေးကာ သေမှုသေခင်း ၃/၂၀၁၈ ဖြင့် ဖွင့်လှစ်၍ အာမခံဖြင့်လွှတ်ထားသူ ဒေါ်သန်းကြည်ကို စစ်ဆေးနိုင်ရေး ရှာဖွေရာ တိမ်းရှောင်သွားခဲ့သဖြင့် စုံစမ်းမှုများပြုလုပ်ခဲ့ရာ၊နိုဝင်ဘာ ၁ ရက်တွင် ကလောမြို့ အမှတ်(၅)ရပ်ကွက် ညောင်ပင်မီးပွိုင့်အနီး၌ တာဝန်သိပြည်သူနှစ်ဦးက တိမ်းရှောင်နေသူ ဒေါ်သန်းကြည်ကို တွေ့ရှိကာ လက်ရဖမ်းဆီးနေစဉ် နယ်ထိန်းအဖွဲ့ရောက်ရှိ၍ ဖမ်းဆီးရမိခဲ့နိုင်ပြီး အမှုမှန်ပေါ်​ပေါက်စေရန် စစ်ဆေးနေကြောင်း စုံစမ်းသိရှိရပါသည်။

သုတ(မုနိမြီ)
Munimary News Agency
https://www.facebook.com/munimarynews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ