မိုးနဲ နိုဝင်ဘာ ၁၀
ရှမ်းပြည်နယ်(တောင်ပိုင်း) လင်းခေးခရိုင် မိုးနဲမြို့နယ် မိုးနဲ-မောက်မယ်လမ်းပိုင်း မိုင်တိုင်အမှတ် (၈)ကီလိုမီတာ နှင့်(၉)ကီလိုမီတာအကြား ကုန်းပေါင်းကျေးရွာအနီးတွင် ကားနှင့်မော်တော်ဆိုင်ကယ် မျက်နှာချင်းဆိုင်တိုက်မှု ယနေ့ မွန်းလွဲ ၁၂ နာရီ ၂၀ ခန့်က ဖြစ်ပွားခဲ့ကြောင်း မြို့မရဲစခန်းမှ သိရသည်။
ဖြစ်စဉ်မှာ မောက်မယ်မြို့မှပြောင်းစံအိတ်များတင်ဆောင်၍ ယာဉ်မောင်း စိုင်းဝင်းလှိုင် (၃၄)နှစ် မောင်းနှင်လာသော ယာဉ်အမှတ် SHN/5F-----HILUX Tiger ခဲရောင်ကားနှင့် စံစိုင်း(၂၃)နှစ် မောင်းနှင်ပြီး နန်းစံ(၂၉)နှစ် နှင့် နန်းစံ၏ သမီး ယိင်းကော်ခမ်း(၅)နှစ်တို့ လိုက်ပါစီးနင်လာသော မော်တော်ဆိုင်ကယ်အမှတ် ၅၃ယ/ ---- KKNBO 125 အနက်ရောင် တို့မျက်နှာချင်းဆိုင်တိုက်မိရာ ဆိုင်ကယ်မောင်းနှင်သူ စံစိုင်း (၂၃)မှာ အခင်းဖြစ်ရာနေရာတွင် သေဆုံးခဲ့ပြီး နန်းစံ(၂၉)နှစ် မှာ အောက်သွားများလှုပ်နဲ့ ဒဏ်ရာ ၊ခါးရိုးဖုရောင် နာကျင်ဒဏ်ရာ ၊ဝဲ/ယာဒူး ပွန်းပဲဒဏ်ရာ ၊ဝဲခြေသလုံး ပေါက်ပြဲ ဒဏ်ရာ များနှင့်ဆေးရုံတွင်သေဆုံးပြီး၊ယိင်းကော်ခမ်း (၅)နှစ်မှာ ယာချိုစောင်း ပေါက်ပြဲဒဏ်ရာ ၊ဝဲ/ယာ လက်ချောင်းများ ပေါက်ပြဲဒဏ်ရာ၊ယာပါးပွန်းပဲ့ ဒဏ်ရာ (မစိုးရိမ်ရ) ဒဏ်ရာများရရှိခဲ့သဖြင့် မော်တော်ယာဉ်အားပေါ့ဆစွာမောင်းနှင်သူ စိုင်းဝင်လှိုင် (၃၄)နှစ်အား မြို့မရဲစခန်းက ဥပဒေအရအရေး ယူဆောင်ရွက်လျက်ရှိကြောင်း မြို့မရဲစခန်း တာဝန်မှူး ဒုရဲအုပ်မင်းပိုင်ဝင်း၏ ပြောကြားချက် အရသိရသည်။
မြို့နယ်(ပြန်/ဆက်)
Myanmaalinn
https://www.facebook.com/MYANMAALINNNEWS/
မိုးနဲမြို့၌ ကားနှင့်မော်တော်ဆိုင်ကယ် မျက်နှာချင်းဆိုင်တိုက်မိ နှစ်ဦးသေဆုံး
Reviewed by THITHTOOLWIN
on
22:00
Rating:
Reviewed by THITHTOOLWIN
on
22:00
Rating:
