တရုတ်နိုင်ငံ အနောက်မြောက်ဘက်က ထိန်းသိမ်းရေးစခန်းတွေမှာ ထောင်နဲ့ချီတဲ့မွတ်စလင်တွေကို ထိန်းသိမ်းထားတဲ့အပေါ် စိုးရိမ်တဲ့အကြောင်း နိုင်ငံတကာသံအမတ်ကြီး ၁၅ ယောက်က တရုတ်နိုင်ငံ ကို ပေးစာတစောင်ပို့ပြီး ပြောကြားခဲ့တယ်လို့ တရုတ်အာဏာပိုင်တွေက မနေ့ကပြောပါတယ်။
အကယ်၍ နိုင်ငံခြားသံတမန်တွေက အဲဒီမွတ်စလင်တွေကို ထိန်းသိမ်းထားတဲ့ တရုတ်နိုင်ငံမြောက်ပိုင်း ရှင်ဂျန်း Xinjiang ပြည်နယ်က အာဏာပိုင်တွေကို ဖိအားပေးမယ်ဆိုရင် သူတို့အတွက် အခက်အခဲတွေဖြစ်လာလိမ့်မယ်လို့ တရုတ်နိုင်ငံခြားရေးဌာနပြောခွင့်ရသူ ဟွာချောင်ယင် က ဘေကျင်းမှာ နေ့စဉ်ပြုလုပ်တဲ့ သတင်းစာရှင်းလင်းပွဲမှာ သတင်းထောက်တွေကို ပြောပါတယ်။
အဲဒီသံအမတ်တွေရဲ့စာဟာ ဗီယင်နာကွန်ဗန်းရှင်းမှာ ပြဌာန်းထားတဲ့ သံတမန်တွေဟာ နိုင်ငံတခုရဲ့ပြည်တွင်းရေးကို ဝင်ရောက်မစွက်ဖက်ရဘူးဆိုတဲ့အချက်ကို ချိုးဖောက်တာဖြစ်တယ်လို့ မစ္စဟွာက ပြောပါတယ်။
စင်္ကာပူနိုင်ငံမှာ ကျင်းပနေတဲ့ အာဆီယံခေါင်းဆောင်များ ထိပ်သီးဆွေးနွေးပွဲမှာ အမေရိကန်ဒုတိယသမ္မတ မိုက်ပန့်စ်က အင်ဒို-ပစိဖိတ်ဒေသမှာ ဧကရာဇ်လက်အောက်ခံအင်ပါယာတွေ၊ အဓမ္မမတရားဖိနှိပ်မှုတွေအတွက် နေရာမရှိပါဘူးလို့ ပြောခဲ့ပါတယ်။ အဲဒါဟာ တရုတ်နိုင်ငံမှာ မွတ်စလင်တွေကို ထိန်းသိမ်းရေးစခန်းတွေမှာ ချုပ်နှောင်ထားတဲ့အပေါ် ရည်ရွယ်ပြောတာလို့ မှတ်ချက်ပြုကြပါတယ်။
RFA Burmese
https://www.facebook.com/rfaburmese/
မွတ်စလင်တွေ ထိန်းသိမ်းထားမှု စိုးရိမ်ကြောင်း တရုတ်ကို ပြောကြ
Reviewed by THITHTOOLWIN
on
12:21
Rating: