မန်ပြိန်းရွာတိုက်ပွဲအတွင်း ပျောက်ဆုံးခဲ့တဲ့ ရွာသားရဲ့ ရုပ်အလောင်း ပြန်တွေ့

SSPP နဲ့ RCSS တိုက်ပွဲအတွင်း ပျောက်ဆုံးနေတဲ့ စံမွန် (ခေါ်) မာဂမ်ရဲ့ အလောင်းကို ကျေးရွာ အပေါ်ဘက် ကုန်မီးတိုက်အနီးမှာ ၂ဝ၁၈ ခုနှစ် နိုဝင်ဘာလ ၇ ရက်နေ့က တွေ့ရစဉ်
ရှမ်းပြည်နယ် မြောက်ပိုင်း မန်ပြိန်းရွာမှာ အောက်တိုဘာလ ၂၆ ရက်နေ့ကဖြစ်ပွားတဲ့ SSPP နဲ့ RCSS တိုက်ပွဲအတွင်း ပျောက်ဆုံးနေတဲ့ စံမွန် (ခေါ်) မာဂမ်ရဲ့ အလောင်းကို ကျေးရွာ အပေါ်ဘက် ကုန်မီးတိုက်အနီးမှာ ဒီနေ့ညနေက ရွာသားတွေ ရှာဖွေတွေ့ရှိခဲ့ပါတယ်။

အလောင်းရှာဖွေတွေ့ရှိတဲ့ နေရာအနီးမှာ ဓားအိမ်နဲ့ တွဲထားတဲ့ စစ်သုံး ဘက်နက်ဓား တစ်လက်၊ ဓားအိမ်မပါတဲ့ ဓားတစ်လက်ကိုလည်း တွေ့ရတယ်လို့ ရွာသားတွေက RFA ကို ပြောပါတယ်။

သေဆုံးသွားတဲ့ စံမွန်ဟာ မိသားစုကို ခေါ်ဖို့ မန်ပြိန်းအောက်ရွာကနေ အပေါ်ရွာကို တက်လာချိန်မှာ ပျောက်ကျားဝတ်ထားတဲ့ လက်နက်ကိုင်အဖွဲ့က စစ်ဆေးမေးမြန်းမယ်ဆိုပြီး ခေါ်သွားတာလို့ မိသားစုဝင်တွေနဲ့ ရွာသားတွေက ပြောပါတယ်။

ဒါ့အပြင် မန်ပြိန်ရွာကားလမ်းဘေ ဦးတူးလွန် အိမ်ခြံအနောက်မှာ အရိုးခေါင်းတစ်ခုကိုလည်း တွေ့ရပါတယ်။

အဲဒီအရိုးခေါင်းကို အခြေခံပြီး အလောင်းကိုလိုက်ရှာရာကနေ စံမွန် ခေါ် မာဂမ်ရဲ့ အလောင်းကို တွေ့ရှိခဲ့တာပါ။

ကျေးရွာသားတွေကတော့ ရွာသုသာန်ဟာ ရွာနဲ့ နှစ်မိုင်လောက်ဝေးပြီး နာရေးတွေမှာ ရွာအနီးအနားမြှုပ်နှံတာ မရှိတဲ့အတွက် ဦးတူးလွန် အိမ်အနောက်ခြံမှာတွေ့တဲ့ အရိုးခေါင်းဟာ တိုက်ပွဲအတွင်း သေဆုံးခဲ့သူ တစ်ယောက်ရဲ့အလောင်းက ဦးခေါင်းခွံဖြစ်နိုင်တယ်လို့ ကျေးရွာသူကြီးက ပြောပါတယ်။

မန်ပြိန်းကျေးရွာအတွင်း တိုက်ပွဲတွေကြောင့် သွေထွက်သံယိုမှုတွေရှိခဲ့တဲ့အတွက် ရွာသန့်တဲ့အနေနဲ့ ဒီနေ့ ဆုတောင်းပွဲ ပြုလုပ်ခဲ့ပါတယ်။

ဒီသတင်းကို RFA သတင်းထောက် ကိုကံသာ ပေးပို့ထားတာဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ