ကုလသမဂ္ဂအချက်အလက်ရှာဖွေရေး အဖွဲ့ရဲ့ ဥက္ကဌ Marzuki Darusman |
ကုလသမဂ္ဂကဖွဲ့စည်းထားတဲ့ မြန်မာနိုင်ငံဆိုင်ရာ သီးခြားလွတ်လပ်တဲ့အချက်အလက်ရှာဖွေရေးအဖွဲ့ဟာ ရခိုင်၊ ကချင်နဲ့ ရှမ်းပြည်နယ်တွေအတွင်း မြန်မာစစ်တပ်ရဲ့လူ့အခွင့်အရေးချိုးဖေါက်မှုတွေနဲ့ရက်စက်တဲ့လုပ်ရပ်တွေကို တနှစ်ပတ်လုံး တောက်ရှောက်စုံစမ်း စစ်ဆေးပြီး ပြီးခဲ့တဲ့စက်တင်ဘာလတုန်းက အစီရင်ခံစာထုတ်ပြန်ခဲ့ပါတယ်။ မနေ့တုန်းကတော့ နယူးယောက်မြို့က ကုလ သမဂ္ဂဌာနချုပ်မှာ မြန်မာနိုင်ငံဆိုင်ရာ ကုလသမဂ္ဂအချက်အလက်ရှာဖွေရေး အဖွဲ့ရဲ့ ဥက္ကဌ Marzuki Darusmanက သူတို့ ရဲ့အစီရင်ခံစာနဲ့ပတ်သက်ပြီး အထွေထွေညီလာခံရဲ့ တတိယကော်မီတီမှာ ရှင်းလင်းပြော ဆိုခဲ့တာပါ။
"မြန်မာ့တပ်မတော်လို့ခေါ်တဲ့ မြန်မာစစ်တပ်ဟာ လူ့ဘ၀၊ လူ့ဂုဏ်သိက္ခာနဲ့နိုင်ငံတကာဥပဒေတွေကို လုံးဝဂရုမစိုက်ပဲ လူ့အခွင့်အရေးတွေကို ဆိုးဆိုးဝါးဝါးချိုးဖေါက်နေတဲ့အကြောင်း ကျနော်တို့ရဲ့အစီရင်ခံစာမှာဖေါ်ပြထားပါတယ်။ ရိုဟင်ဂျာ တွေတင်မက၊ ရခိုင်တိုင်းရင်းသားတွေ၊ ကမန်မူဆလင်တွေ၊ ကချင်နဲ့ရှမ်းပြည်နယ်တွေမှာလည်း တပုံစံထဲလူ့အခွင့်အရေး ချိုးဖေါက်မှုတွေကိုလုပ်နေတာပါ။ ဗမာလူမျိုးလူ့အခွင့်အရေးကာကွယ်စောင့်ရှောက်သူတွေကိုလည်း မြန်မာစစ်တပ်က နှိပ် ကွပ်နေတာပါ။ ဒါပေမဲ့လည်း မြန်မာစစ်တပ်ရဲ့ပြစ်မှုကျူးလွန်မှုတွေဟာ အရေးယူမခံပဲဖြစ်နေပါတယ်လို့ မစ္စတာ ဒါရုစမန် က ပြောသွားခဲ့တာပါ။"
မြန်မာစစ်တပ်ကို နိုင်ငံတကာအလိုက်အဆက်အဆံမလုပ်ပဲ ဖယ်ကျင်ထားဖို့ကိုလည်း သူကတိုက်တွန်းပါတယ်။
"တာဝန်ယူမှုနဲ့တာဝန်ခံလိုစိတ်တွေရှိလာစေရေးနဲ့ ဆိုးရွားရက်စက်မှုတွေကို အကြိမ်ကြိမ်ထပ်လုပ်နေမှုတွေကနေ အကာ အကွယ်ပေးတဲ့အနေနဲ့ နိုင်ငံတွေအားလုံး စုပေါင်းပြီးတော့ရော တနိုင်ငံချင်းအရပါ မြန်မာ့တပ်မတော်နဲ့ဆက်ဆံမှုတွေအား လုံးမလုပ်ပဲ ပိတ်ပင်ထားဖို့ ကျနော်တို့တိုက်တွန်းပါတယ်။ လက်ရှိတပ်မတော်ပုံစံကနေ တိုင်းပြည်ကို အကာအကွယ်ပေး တဲ့ အဖွဲ့အစည်းတခုဖြစ်အောင်ပြောင်းလဲမှုတွေကိုမလုပ်မချင်း မြန်မာစစ်တပ်ကို အဆက်အဆံမလုပ်ဖို့တိုက်တွန်းပါ တယ်။ မြန်မာနိုင်ငံကိုလက်နက်ရောင်းချမှုတွေ ပိတ်ပင်တားဆီးတဲ့အရေးယူမှုလုပ်ဖို့လည်း လုံခြုံရေးကောင်စီကိုတိုက် တွန်းပါတယ်။ နိုင်ငံတကာဥပဒေတွေကို ထင်ထင်ရှားရှားချိုးဖေါက်ထားကြသူတဦးချင်းကိုလည်း လုံခြုံရေး ကောင်စီက ပြစ်ဒဏ်ခပ်အရေးယူဖို့လည်း တိုက်တွန်းပါတယ်။ ဗိုလ်ချုပ်မှုးကြီးမင်းအောင်လှိုင်အပါအ၀င် မြန်မာစစ်တပ်ထိပ်တန်းခေါင်း ဆောင်ခြောက်ဦးရဲ့အမည်ကိုလည်း ကျနော်တို့တင်ပြထားပါတယ်လို့ မစ္စတာ ဒါရုစမန်ကပြောခဲ့တာပါ"
ရိုဟင်ဂျာတွေကို မြန်မာစစ်တပ်က စံနစ်တကျနှိမ်နင်းခဲ့တဲ့အကြောင်း ကုလသမဂ္ဂအချက်အလက်ရှာဖွေရေး အဖွဲ့က စုံစမ်းတင်ပြထားတယ်လို့လည်း ဒီအဖွဲ့ရဲ့ဥက္ကဌမစ္စတာ ဒါရုစမန်ကဆက်ပြောပါတယ်။
"အစီရင်ခံစာထဲမှာ လူတွေအစုလိုက်အပြုံလိုက်သတ်ဖြတ်မှု၊ အုပ်စုဖွဲ့မုဒိန်းကျင့်မှု၊ အမျိုးသမီးနဲ့ကလေးငယ်တွေကို သတ်ဖြတ်ရက်စက်မှု၊ မီးရှို့မှုနဲ့လုယက်မှုတွေအကြီးအကျယ်လုပ်ခံခဲ့ရတဲ့ ရွာခြောက်ရွာက မြန်မာလုံခြုံရေးတပ်ဖွဲ့ တွေရဲ့ ရှင်းလင်းမှုဖြစ်စဉ်တွေကို အသေးစိတ်ဖေါ်ပြထားပါတယ်။ ရခိုင်ပြည်နယ်မြောက်ပိုင်းမှာ ဒီလိုစစ်ဆင်ရေးမျိုး ၅၄နေရာဖြစ် ပွါးခဲ့တာကို တွေ့ရပါတယ်။ ရိုဟင်ဂျာ ၇သိန်း နှစ်သောင်း ငါးထောင်ကျော်ထွက်ပြေးခဲ့ကြရပြီး ရွာပေါင်းအနည်းဆုံး၃၉၂ရွာ ဟာ ဖျက်ဆီးခံခဲ့ရပါတယ်။ ရိုဟင်ဂျာ တသောင်းလောက်သေဆုံးခဲ့ရတယ်လို့ခန့်မှန်းရပါတယ်။ ဒီလိုလုပ်ရပ်တွေက ကျယ် ကျယ်ပြန့်ပြန့်နဲ့ စံနစ်တကျလုပ်ခဲ့တာပါလို့ပြောခဲ့တာပါ။"
ကုလသမဂ္ဂအချက်အလက်ရှာဖွေရေး အဖွဲ့ရဲ့ ဥက္ကဌ Marzuki Darusmanက မြန်မာစစ်တပ်ကိုအရေးယူဒဏ်ခတ်ဖို့ ဖိအားပေးပြောဆိုခဲ့ပြီးတဲ့နောက် သူ့ရဲ့တင်ပြမှုကို ဝေဖန်ကန့်ကွက်သူကတော့ ကုလသမဂ္ဂဆိုင်ရာ မြန်မာသံအမတ် ဟောက်ဒိုစွမ်းပဲဖြစ်ပါတယ်။
လူ့အခွင့်အရေးအကြောင်းကို ကျနော်တို့ပြောကြတဲ့အခါ ဟိုဘက်ဒီဘက် ၂ဘက်လူ့အဖွဲ့အစည်းတွေကိုကြည့်ပြီး ပြော သင့်ပါတယ်။ နိုင်ငံတကာကယုံကြည်စိတ်ချရတဲ့ စုံစမ်းလေ့လာမှုတွေအရ ARSA ရိုဟင်ဂျာလက်နက်ကိုင်အဖွဲ့ဟာ အလ် ခိုက်ဒါးနဲ့ ဂျီဟတ်တို့လို နိုင်ငံခြားကအကြမ်းဘက်အဖွဲ့အစည်းတွေတော်တော်များများရဲ့ ညွှန်ကြားမှုတွေနဲ့ ထောက်ပံ့မှု တွေရှိတဲ့အဖွဲ့လို့ဆိုပါတယ်။ မစ္စတာ ဒါရုစမန်တို့အဖွဲ့က စုံစမ်းစစ်ဆေးတယ်ဆိုတာက ရိုဟင်ဂျာမူဆလင်တွေကိုပဲ ကွက် ပြီးမေးမြန်းတာမျိုးတွေဖြစ်နေပါတယ်။ ခိုင်မာတဲ့အထောက်အထားအချက်အလက်တွေအပေါ်မှာအခြေခံတာမျိုးမဟုတ် ပါဘူး။ ကော့ဆက်ဘဇားဒေသကိုထွက်သွားကြသူတွေထဲက အုပ်စုတချို့ကို မေးမြန်းထားတာဖြစ်ပြီး လူ့အခွင့်အရေး အဖွဲ့အစည်းတွေကြိုတင်စီစဉ်ဇတ်တိုက်ပြီး တဘက်သတ်တင်ပြထားတဲ့အစီရင်ခံစာဖြစ်တာကြောင့် ကျနော်တို့အနေနဲ့ ကန့်ကွက်ပါတယ်လို့ မြန်မာသံအမတ်ဟောက်ဒိုစွမ်းပြောခဲ့တာပါ။
"ခိုင်မာတဲ့သက်သေအထောက်အထားတွေရှိတယ်ဆိုရင် ပြစ်မှုကျူးလွန်သူမှန်သမျှ ကျနော်တို့ကအရေးယူသွားမှာပါ။ ဥပဒေချိုးဖေါက်သူတွေအတွက် အရေးမယူပဲနေတာမျိုးမရှိပါဘူး။ မစ္စတာ Marzuki Darusmanပြောသွားတဲ့ အထဲမှာ မြန်မာနိုင်ငံဒီမိုကရေစီအပြောင်းအလဲမှာ စိတ်ရှည်သီးခံမှုက အလုပ်မဖြစ်ဘူးလို့ပြောပါတယ်။ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က အမျိုးသားပြန်လည်သင့်မြတ်ရေးအတွက် ငြိမ်းချမ်းတဲ့လမ်းကြောင်းကိုရွေးချယ်ပြီး စိတ်ရှည်ရှည်ထားလုပ်ဆောင်နေတာပါ။မကြာခင်ကပဲ မြန်မာနိုင်ငံကပြန်လာတဲ့ ကုလသမဂ္ဂအတွင်းရေးမှုးချုပ်ရဲ့ မြန် မာနိုင်ငံဆိုင်ရာ အထူးကိုယ်စားလှယ် မစ္စခရစ်တင်း ဘူဂါနာကလည်း မြန်မာပြည်ရင်ဆိုင်နေရတဲ့ ပြဿနာတွေကို ဖြေရှင်းနိုင်ဖို့ စိတ်ရှည်ရှည်နဲ့ယုံကြည်မှုတွေကိုပိုတည်ဆောက်ဖို့လိုတယ်လို့ပြောထားပါတယ်လို့ ကုလသမဂ္ဂဆိုင်ရာ မြန်မာ သံအမတ် ဟောက်ဒိုစွမ်းကပြောခဲ့တာပါ။"
မြန်မာစစ်တပ်ဟာ လူမျိုးတုံးသတ်ဖြတ်မှုကျူးလွန်တယ်ဆိုတဲ့ မစ္စတာ ဒါရုစမန်ရဲ့ စွပ်စွဲချက်ကိုလည်း မြန်မာသံအမတ် ဟောက်ဒိုစွမ်းက ကန့်ကွက်ခဲ့ပါတယ်။မစ္စတာ Marzuki Darusmanဟာ ကုလသမဂ္ဂလုံခြုံရေးကောင်စီအဖွဲ့ ၀င်ကိုး နိုင်ငံလုံးရဲ့တောင်းဆိုချက် အရ ဒီကနေ့ မှာလည်း သူ့တို့အဖွဲ့ရဲ့မြန်မာနိုင်ငံဆိုင်ရာ အစီရင်ခံစာနဲ့ပတ်သက်ပြီး လုံခြုံရေး ကောင်စီမှာ တင်ပြသွားဖို့ရှိပါတယ်။
ကျော်အောင်လွင်/ ဗွီအိုအေ (မြန်မာပိုင်း)
https://burmese.voanews.com
မြန်မာစစ်ခေါင်းဆောင်တွေအပေါ်အရေးယူဖို့ FFM ဥက္ကဌ ကုလမှာ တိုက်တွန်း
Reviewed by THITHTOOLWIN
on
08:46
Rating: