ထောင်အတွင်း ကိုယ်ထိလက်ရောက် ကျူးလွန်တာတွေရှိတယ်လို့ ရှေ့နေ ဦးဇော်ဝင်း ပြော

နိုင်ငံတော် အကြည်ညိုပျက်စေမှုနဲ့ ဖမ်းဆီးခံထားရတဲ့ တရားလွှတ်တော် ရှေ့နေ ဦးဇော်ဝင်းကို ၂ဝ၁၈ ခုနှစ် အောက်တိုဘာလ ၁ဝ ရက်နေ့က တွေ့ရစဉ် / Photo: Khaymani Win/RFA
မန္တလေးမြို့၊ အိုးဘိုအကျဉ်းထောင်တွင်းက အကျဉ်းသားတွေကို ရဲအရာရှိတွေက ကိုယ်ထိလက်ရောက် ပြုမူတာတွေ ရှိနေပြီး ဒီကိစ္စကို အမှုဖွင့်ဖို့အတွက် ထောင်အာဏာပိုင်တွေက လက်ခံဆောင်ရွက်ပေးတာ မရှိကြောင်း နိုင်ငံတော် အကြည်ညိုပျက်စေမှုနဲ့ ဖမ်းဆီးခံထားရတဲ့ တရားလွှတ်တော် ရှေ့နေ ဦးဇော်ဝင်းက ပြောပါတယ်။

ပြည်ကြီးတံခွန်မြို့နယ် တရားရုံးမှာ တရားစွဲဆိုခံထားရတဲ့ အမှုကို အိုးဘိုအကျဉ်းထောင်ကနေ ဒီနေ့ လာရောက် တရားရင်ဆိုင်ချိန်မှာ ရှေ့နေ ဦးဇော်ဝင်းက အခုလို ပြောခဲ့တာဖြစ်ပါတယ်။

"အမှန်အတိုင်းပဲ သွားချင်တာ။ ထောင်မှာ စီစီတီဗွီရိုက်ထားတာရှိတယ်။ ပေးလိုက်ပေါ့။ မတရားခံရတယ်။ တစ်ယောက်တည်းလားဆိုတော့ မဟုတ်ဘူး။ အများကြီးပဲ၊ လာပြီးစစ်ပါ"

ရဲအရာရှိတွေက အကျဉ်းသားတွေကို ကိုယ်ထိလက်ရောက် ကျူးလွန်တာတွေရှိနေတယ်ဆိုတဲ့ ပြောဆိုချက်တွေနဲ့ ပတ်သက်ပြီး ပြည်ကြီးတံခွန်မြို့နယ် ရဲစခန်းကို RFA က သွားရောက်မေးမြန်းခဲ့ပေမယ့် တစ်စုံတစ်ရာ ပြန်လည်ပြော ဆိုလို့ မရသေးကြောင်းသာ ပြောပါတယ်။

တိုင်းဝန်ကြီးချုပ်နဲ့ အစိုးရအဖွဲ့တို့ရဲ့ ဆောင်ရွက်ချက်တွေနဲ့ပတ်သက်ပြီး ရှေ့နေ ဦးဇော်ဝင်းက ပြီးခဲ့တဲ့မတ်လအတွင်း သတင်းမီဒီယာတွေကို ဖြေကြားရာမှာ နိုင်ငံတော်အစိုးရနဲ့ ငြိမ်ဝပ်ရေးကို ထိခိုက်စေတဲ့အသုံးအနှုန်းတွေ ပြောဆိုခဲ့ တယ်ဆိုပြီး ပုဒ်မ ၅၀၅(ခ)နဲ့ တရားစွဲဆိုခံထားရတာဖြစ်ပါတယ်။

အဲဒီအမှုကို ရင်ဆိုင်နေရချိန်မှာပဲ ဦးဇော်ဝင်းဟာ ပြည်ကြီးတံခွန်မြို့နယ်တရားရုံးကို ဖိနပ်နဲ့ပစ်ပေါက်ခဲ့တာဖြစ် ပါတယ်။

အဲဒီအတွက် ဆဲဆိုမှု၊ ဝတ္တရားနှောင့်ယှက်မှု၊ တရားစီရင်ရေး ရပ်ဆိုင်းစေမှု၊ နိုင်ငံတော် အကြည်ညိုပျက်စေမှုတွေနဲ့ ပြည်ကြီးတံခွန်တရားရုံမှာ ထပ်မံအမှုရင်ဆိုင်နေရတာလည်းဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ