အောက်တိုဘာ ၁၆
မန္တလေးမြို့ခရိုင် ပုသိမ်ကြီးမြို့နယ်အတွင်းရှိ ရန်ကင်းတောင်ခြေရှိ ဘုန်းတော်ကြီးကျောင်းတိုက်တစ်ခုတွင် ဘုန်းကြီးတစ်ပါး သီတင်းသုံးရာ ကျောင်းအတွင်းမှ အောက်တိုဘာလ ၁၅ ရက်နေ့က ဘိန်းဖြူများ ဖမ်းဆီးရမိခဲ့ကြောင်း မန္တလေးတိုင်းဒေသကြီး ရဲတပ်ဖွဲ့ က သိရသည် ။
ရန်ကင်းတောင်ပတ်လမ်း သတိပဌာန်ကျောင်းတိုက်ဝန်း သီရိရတနာရန်အောင်မြေကျောင်းဆောင် တောင်ဘက်အစွန်ဆုံးခန်းတွင် သီတင်းသုံးနေထိုင်သည့် ဦးစန္ဒောဘာသ (ခ) ဦးစိုးမိုး (၄၉) နှစ် ၏ ကျောင်းဆောင်အတွင်း မူးယစ်ဆေးဝါးသုံးစွဲရောင်းချကြောင်း သတင်းပေးတိုင်တန်းမှုကြောင့် သက်ဆိုင်ရာက ရှာဖွေခဲ့သည် ။
ထိုသို့ရှာဖွေရာ ဦးစန္ဒောဘာသ (ခ) ဦးစိုးမိုး ၊ အားချန် (ခ) မျိုးမြင့် (၄၉) နှစ် နှင့် အောင်လတ် (၂၈) နှစ် တို့အား တွေ့ရှိပြီး ပန်းရောင်စိတ်ကြွဆေးပြား ၂၉၈ ပြား ၊ ဘိမ်းဖြူ (၇၃.၈) ဂရန် စုစုပေါင်း ကျပ်သိန်း ၆၀ ကျော် တန်ဖိုးရှိ မူးယစ်ဆေးဝါးများဖမ်းဆီးရမိခဲ့သည် ။
ထို့အပြင် မူးယစ်ဆေးဝါးရောင်းရငွေ ၂၄၆၅၀၀ ကျပ်အား တွေ့ရှိရပြီး ကွင်းဆက်တရားခံအား ဖမ်းဆီးရမိရေးဆောင်ရွက်လျှက်ရှိကြောင်း သိရသည် ။
ယင်းဖြစ်စဉ်နှင့် ပတ်သက်၍ ဦးစန္ဒောဘာသ (ခ) ဦးစိုးမိုး ၊ အားချန် (ခ) မျိုးမြင့် နှင့် အောင်လတ် တို့အား ပုသိမ်ကြီးမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများဆိုင်ရာ ဥပဒေပုဒ်မ ၁၉(က)/၂၀(က)/၂၁ အမှုဖွင့်ဖမ်းဆီးထားကြောင်း သိရသည် ။
ထို့အပြင် အောက်တိုဘာလ ၁၃ ရက်နေ့ကလည်း မန္တလေးမြို့ ပြည်ကြီးတံခွန်မြို့နယ် ချမ်းမြသာယာရပ်ကွက် ချမ်းမြအောင်စည်ရိပ်သာဝန်းအတွင်း သတင်းသုံးသည့် အရှင်အာစိဏ္ဏ (ခ) ဦးအေးကျော် ထံမှ စိတ်ကြွရူးသွပ်ဆေးပြား ၈၀၀၀ ကျော် ဖမ်းဆီးရမိခဲ့သည် ။
နိုင်လင်းဦး
The Fifth Wave News
https://www.facebook.com/fifthwavenews/
ဘုန်းကြီးတစ်ပါး သီတင်းသုံးရာ ကျောင်းအတွင်းမှ ဘိန်းဖြူများ ဖမ်းမိ
Reviewed by THITHTOOLWIN
on
21:09
Rating: