မုံရွာ၊အောက်တိုဘာ-၁၀
မုံရွာမြို့ အထက ၃ သို့ ကျောင်းတက်သည့် ခြောက်တန်းကျောင်းသား နှစ်ဦး ကျောင်းသွားရင်း နေအိမ်သို့ ပြန်မရောက်သည်မှာ သုံးရက်ကြာနေပြီဖြစ်သည်ဟု မိသားစုထံမှ စုံစမ်းသိရှိရသည်။
အောက်တိုဘာ ၇ရက်နံနက်ခင်းကတည်းက ကျောင်းသွားရန်အိမ်မှထွက်သွားရာ အောက်တိုဘာ ၁၀ရက် ညနေအထိ အိမ်ပြန်မရောက်ခြင်းဖြစ်သည်။
ညီအစ်ကို သုံးဦးနှင့် အခြားကျောင်းသားတစ်ဦး စုစုပေါင်း ကျောင်းသားလေးဦး ကျောင်းတူတူသွားရာ ကျောင်းနောက်ကျသဖြင့် ကျောင်းဝင်းအတွင်း မဝင်ဘဲ ကျောင်းကားပေါ်တွင်အိပ်နေရာမှ ညီအစ်ကို သုံးဦးထဲမှ တစ်ဦးနှင့် ကျန်တစ်ဦး ပျောက်ဆုံးသွားခြင်းဖြစ်သည်ဟု သိရသည်။
"နေ့ကျောင်းမှ တက်မယ်ဆိုပြီး ကျောင်းကားပေါ်မှာ အိပ်နေကြတာ။နိုးလာတော့ သူတို့နှစ်ယောက်က မရှိတော့ဘူး။ဘုရားထဲများ သွားသလားဆိုပြီး ရှာကြည့်သေးတယ်။မတွေ့တာနဲ့ အ်မ်ပြန်သွားတာဖြစ်မယ်ဆိုပြီး ကျွန်တော်တို့လည်း ပြန်လာလိုက်တာ"ဟု ပျောက်ဆုံးသွားသည့်ကလေးနှင့်အတူတူ ကျောင်းသွားခဲ့သည့် မောင်ဘုန်းသစ်နေက ပြောသည်။
ပျောက်ဆုံးသွားသည့် ကလေးနှစ်ဦးမှာ မြို့သစ်ရပ်ကွက်မှ ဖြစ်ပြီး အဆိုပါနေ့က ကျောင်းသို့ မရောက်ခဲ့ကြောင်း အထက ၃မှ စုံစမ်းသိရှိရသည်။
"လောလောဆယ်တော့ လူပျောက်နဲ့အမှုဖွင့်ပြီး စုံစမ်းနေပါတယ်။ပျောက်သွားတဲ့ကလေးနှစ်ယောက်က အတန်းတူတယ် အခန်းတော့ မတူဘူး"ဟု ယင်းအမှုကို စစ်ဆေးနေသည့် မုံရွာမြိုမ ရဲစခန်းမှ ဒုရဲအုပ် နေဇော်က ပြောသည်။
အိအိမွန်
Monywa Gazette
https://www.facebook.com/monywagazette
ကျောင်းသွားရင်းပျောက်နေသော ၆တန်းကျောင်းသားနှစ်ဦး သုံးရက်ကြာသည်ထိ မိသားစုမှ ရှာမတွေ့သေး
Reviewed by THITHTOOLWIN
on
13:07
Rating: