မြန်မာ-အိန္ဒိယ နှစ်နိုင်ငံနယ်စပ်အနီးတွင် ကျပ်သိန်း ၂ဝဝဝ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ


နေပြည်တော်။ အောက်တိုဘာ ၁၁

အောက်တိုဘာလ ၁ဝ ရက်နေ့ ၁ဝ၃ဝ အချိန်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(၇)တမူး(မိုးရေးလှုပ်ရှား အဖွဲ့)မှ တပ်ဖွဲ့ဝင်များသည် တမူးခရိုင်ရဲတပ်ဖွဲ့မှူးရုံးမှ တပ်ဖွဲ့ဝင်များနှင့်ပူးပေါင်း၍ မူးယစ်ဆေးဝါးသယ်ဆောင်လာ ကြောင်းသတင်းရရှိသဖြင့် သက်သေများနှင့်အတူ မြန်မာ-အိန္ဒိယ နှစ်နိုင်ငံနယ်စပ် ဟိန္ဒူဘုရားကျောင်းပေါက်အနီးတွင် စောင့်ဆိုင်းနေစဉ် တမူးမြို့ဘက်မှ အိန္ဒိယနိုင်ငံ၊ မိုးရေးဘက်သို့ အောင်ဇော်မင်း(ခ)ဇော်ဟိန်း ၃၅ နှစ်မောင်းနှင်ပြီး သန်းအေး ၃၅ နှစ်လိုက်ပါလာသည့် ဆိုက်တွဲဆိုင်ကယ်အားရပ်တန့်ရှာဖွေရာ ဆိုင်ကယ်ပေါ်တွင်တင်ဆောင်လာသည့် ပီနံအိတ်အတွင်း ကျား/ မစီး ရောင်စုံဖိနပ်များနှင့်ရောနှော၍သယ်ဆောင်လာသည့် WY ပန်းရောင်စိတ်ကြွရူးသွပ် ဆေးပြား ၁ သိန်းပြား(ဒေသကာလပေါက်ဈေးတန်ဖိုးငွေကျပ် ၂ဝဝဝ သိန်း)နှင့် လက်ကိုင်ဖုန်း ၁ လုံးတွေ့ရှိသိမ်းဆည်းရ မိခဲ့ပါသည်။

ကွင်းဆက်ဖော်ထုတ်ချက်အရ ပူးပေါင်းအဖွဲ့သည် တမူးမြို့၊ မြို့မ(၁၂-က)ရပ်ကွက်နေ မဖြူ(ခ)မစန္ဒာ ၄၁ နှစ်ပိုင်ဆိုင် သည့်နေအိမ်ဂိုဒေါင်သို့သွားရောက်ရှာဖွေရာ မဖြူ(ခ)မစန္ဒာနှင့်အတူ မူးယစ်ဆေးဝါးရောင်းဝယ်သူ ထင်ခိုဟုန်း ၂၉ နှစ်နှင့် ထန်ဇငမ် ၂၈ နှစ်တို့အား တွေ့ရှိဖမ်းဆီးရမိခဲ့ပါသည်။

ဖမ်းဆီးရမိသောမူးယစ်ဆေးဝါးများနှင့်စပ်လျဉ်း၍ တမူးမြို့မရဲစခန်း မယ(ပ) ၇၆/၂၀၁၈၊ မူးယစ်ဆေးဝါးနှင့်စိတ်ကိုပြောင်း လဲစေသောဆေးဝါးများဆိုင်ရာဥပဒေပုဒ်မ ၁၉(က)/၂၁ ဖြင့်အမှုဖွင့်အရေးယူပြီး ကွင်းဆက်များဖော်ထုတ်စစ်ဆေးလျက် ရှိကြောင်းသတင်းရရှိပါသည်။

CCDAC Myanmar
https://www.facebook.com/CCDACMyanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ