တခုတည်းသော တပ်မတော်ထားရှိရေးကို လက်ခံ

အစိုးရနဲ့ NCA-S-EAO ခေါင်းဆောင်များ သီးသန့်အစည်းအဝေး ဒုတိယနေ့ကို ၂၀၁၈ အောက်တိုဘာလ ၁၆ ရက်နေ့က နေပြည်တော်မှာကျင်းပစဉ် / Photo: Myanmar State Counsellor Office

တခုတည်းသောတပ်မတော် ထားရှိရေးကို ထိပ်သီးအစည်းအဝေး ဒုတိယနေ့ ဒီနေ့မှာ အပစ်ရပ် တိုင်းရင်းသားခေါင်းဆောင်တွေဘက်က လက်ခံလိုက်တယ်လို့ သိရပါတယ်။

ဒီနေ့ နေပြည်တော် ရွှေစံအိမ်ဟိုတယ်မှာ ကျင်းပနေတဲ့ ထိပ်သီးအစည်းအဝေး ဒုတိယနေ့မှာ တခုတည်းသော တပ်မတော် ထားရှိရေးကိစ္စကို ဆွေးနွေးရာ နိုင်ငံတကာမှာလည်း တပ်မတော်တခုတည်းသာ ရှိတဲ့အတွက် ဒီအချက်ကို လက်ခံလိုက်တာဖြစ်တယ်လို့ ပအိုဝ်းအမျိုးသား လွတ်မြောက်ရေးအဖွဲ့ PNLO ဒုတိယဥက္ကဌ ခွန်မြင့်ထွန်း က ပြောပါတယ်။ ဆက်လက်ပြီး အဲဒီကိစ္စအပြင် ပြည်ထောင်စုကနေ ခွဲမထွက်ရေးနဲ့ ကိုယ်ပိုင်ပြဌာန်းခွင့်ကိစ္စတွေ ကိုတော့ အပစ်ရပ်အဖွဲ့တွေအပြင် NCA လက်မှတ်မထိုးရသေးတဲ့ အဖွဲ့ခေါင်းဆောင်တွေနဲ့ လာမယ့် နိုဝင်ဘာလ အတွင်း တွေ့ဆုံဆွေးနွေးသွားမယ့်အကြောင်း အစိုးရနဲ့ တပ်မတော်ကို အသိပေးပြောရာမှာ အစိုးရနဲ့ တပ်မတော် ဘက်က လက်ခံတယ်လို့ သိရပါတယ်။

ဒီနေ့ထိပ်သီးအစည်းအဝေးကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခဲ့ပြီး တပ်မတော်ဘက်ကတော့ ဒုတိယကာကွယ်ရေးဦးစီးချုပ် ဒုတိယဗိုလ်ချုပ်ကြီး စိုးဝင်းပဲ တက်ရောက်ပါတယ်။ တိုင်းရင်းသားခေါင်းဆောင်တွေဘက်ကတော့ အားလုံး တက်ရောက်ခဲ့ကြပါတယ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ကတော့ ရှမ်းပြည်နယ် ညောင်ရွှေမြို့ကို ရောက်ရှိနေပြီး အင်းလေးဖောင်တော်ဦး မြတ်စွာဘုရား ပင့်ဆောင်အပူဇော်ခံပွဲနဲ့ အင်းလေးရိုးရာလှေလှော်ပြိုင်ပွဲကို တက်ရောက်နေတယ်လို့ ကာကွယ်ရေးဦးစီးချုပ်ရုံးက သတင်းထုတ်ပြန်ထားပါတယ်။

RFA Burmese
https://www.rfa.org