 |
| TNLA တပ်ဖွဲ့ဝင် တစ်ဦးကို တွေ့ရစဉ် / Photo: Kan Thar/ RFA |
အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန ဥက္ကဋ္ဌလည်းဖြစ် နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က တဆင့် TNLA အဖွဲ့ထံ ဆက်သွယ်အကြောင်းကြားကာ ပြန် လွှတ်ပေးဖို့အတွက် ရှမ်းတိုင်းရင်းသားများ ဒီမိုကရေစီအဖွဲ့ချုပ်က စာပေးပို့ တောင်းဆိုထားတယ်လို့ SNLD တွဲဖက်အတွင်းရေးမှူး ဦးစိုင်းလိတ်က ဒီနေ့ RFA ကို ပြောပါတယ်။
"ဒီနေ့အထိကတော့ လွှတ်မပေးသေးဘူးလို့ ကြားသိရပါတယ်ခင်ဗျ၊ TNLA အဖွဲ့အစည်းဟာ NRPC ပေါ့နော်၊ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနနဲ့ အဆက်အဆံရှိတယ်ပေါ့ဗျာ၊ အနည်းဆုံး တော့ ငြိမ်းချမ်းရေးဆွေးနွေးဖက်တွေ ဖြစ်တဲ့အတွက်ကြောင့်မို့လို့၊ NRPC လမ်းကြောင်း ကနေ သူတို့ကို ဆက်သွယ်ပြီးတော့ ကြားဝင်ဖြေရှင်းပေးဖို့ ကျနော်တို့ နိုင်ငံတော် အတိုင်ပင်ခံပုဂ္ဂိုလ်ဆီ ဦးတည်ပြီးတော့ တောင်းဆိုလိုက်တာပါခင်ဗျ"
TNLA အဖွဲ့ဟာ နန်းမိုဟွမ်ကို ပြီးခဲ့တဲ့ သြဂုတ်လ ၁၇ ရက်နေ့က ဖမ်းဆီးထိန်းသိမ်းထားတယ်ဆို တာကိုလည်း ဝန်ခံထားပြီးဖြစ်တယ်လို့ အဲဒီစာမှာ ဖော်ပြထားပါတယ်။
အစိုးရ၊ တပ်မတော်နဲ့ TNLA အဖွဲ့တို့ဟာ ငြိမ်းချမ်းရေး၊ အမျိုးသားပြန်လည်သင့်မြတ်ရေးတို့အတွက် ဆွေးနွေးဖက် တွေ ဖြစ်တဲ့အတွက် နိုင်ငံသားတစ်ဦးရဲ့ ဘဝလုံခြုံရေးနဲ့ လွတ်လပ်ခွင့်တွေကို တာဝန်ခံမှုရှိစွာနဲ့ ဆောင်ကျဉ်း ပေးစေလိုတယ်လို့ အဲဒီစာထဲမှာ ထည့်သွင်းရေးသားထားပါတယ်။
နန်းမိုဟွမ်ကို ပြန်လွှတ်ပေးဖို့အတွက် ပြီးခဲ့တဲ့ သြဂုတ်လ ၂၄ ရက်နေ့က TNLA နဲ့ SSPP အဖွဲ့ ခေါင်းဆောင်တွေ တွေ့ဆုံဆွေးနွေးခဲ့စဉ်မှာ မကြာခင်ရက်ပိုင်းအတွင်း ပြန်လွှတ်ပေးမယ်လို့ TNLA ဖက်က ကတိပေးခဲ့တယ်လို့ SSPP က ပြောကြားခဲ့ပါတယ်။
RFA Burmese
https://www.rfa.org/burmese
TNLA ဖမ်းသွားတဲ့ နန်းမိုဟွမ် ပြန်လွတ်မြောက်ဖို့ ဒေါ်အောင်ဆန်းစုကြည် ကူညီစေလို
Reviewed by THITHTOOLWIN
on
22:39
Rating:
Reviewed by THITHTOOLWIN
on
22:39
Rating:
