 |
| နမ္မတူမြို့နယ်က စစ်ပွဲတွေကြောင့် လာရောက်ခိုလှုံနေကြတဲ့ စစ်ဘေးဒုက္ခသည်တွေကို ၂၀၁၈၊ သြဂုတ် ၁၄ ရက်နေ့က တွေ့ရစဉ်/ Photo: Kan Thar/ RFA |
နှစ်ဖက်တပ်ဖွဲ့တွေဟာ နီးနီးကပ်ကပ် သွားလာလှုပ်ရှားနေကြပြီး ကျေးရွာတွေ အနီးမှာ ပစ်ခတ်မှုတွေ လုပ်တာကြောင့် ကြောက်လန့် ပြီး ပြေးကြတာလို့ နမ့်ဆီးလင်း ရွာသား စိုင်းအိုက်ရီက RFA ကို ပြောပါတယ်။
သြဂုတ်လ ၃၁ ရက်နေ့  မနေ့က ညပိုင်းမှာ မန်ဆာရွာဘက်မှာ RCSS အဖွဲ့ တွေဘက်က သေနတ်ပစ်ဖောက်မှုတွေ ရှိခဲ့သလို မန်မိုင်ရွာဖက်မှာတော့ TNLA၊ SSPP ပူးပေါင်းအဖွဲ့တွေ ရှိနေတဲ့အတွက် ရွာသားတွေက ကြောက်လန့် နေကြတယ်လို့ ဒေသခံတွေကို ကူညီပေးနေသူတစ်ဦး က ပြောပါတယ်။
ဒီအခြေအနေတွေကြောင့် မန်မိုင်၊ ပန်ဟပ်၊ နောင်ငင်း စတဲ့ ကျေးရွာတွေက စစ်ပြေးဒုက္ခသည်တွေဟာ နမ္မတူ မြို့နယ်က မန်စံဘုန်းတော်ကြီးကျောင်း၊ မန်စံမြောက်ကျောင်း၊ မန်စံရွှေကြေးစည်ကျောင်းနဲ့ မိုင်းမုကျေးရွာအုပ်စုက မိုင်းမု ဘုန်းတော်ကြီးကျောင်းတွေမှာ ခိုလှုံနေရပြီး လူဦးရေ ကိုးရာဝန်းကျင် ရှိတယ်လို့ သိရပါတယ်။
ဒါ့အပြင် ပန်လုံ- သီပေါ လမ်းပေါ်က မန်လီကျောင်းမှာလည်း မန်ဆာ၊ပန်ဟပ်ရွာတွေက ထွက်ပြေးလာတဲ့ ဒုက္ခသည် နှစ်ရာကျော်ရှိပြီး နောက်ထပ် ထွက်ပြေးလာသူတွေ တိုးလာနိုင်တယ်လို့ ကူညီပေးနေသူတွေက ပြောပါတယ်။
အရင်ကဆိုရင် စစ်ဘေးကြောက်လို့ ထွက်ပြေးကြတဲ့ ရွာတွေမှာ ရွာစောင့်အနေနဲ့ အမျိုးသားတွေကို ချန်ထားလေ့ ရှိပေမယ့် အခုနောက်ပိုင်းမှာတော့ ရွာထဲကို ၀င်လာတဲ့ လက်နက်ကိုင်တွေက ကျန်နေတဲ့ သူတွေကို ဖမ်းဆီးတာ စစ်ဆေးရိုက်နှက်တာတွေရှိတဲ့အတွက် ရွာမှာ ဘယ်သူမှချန်ပြီး မနေရဲကြဘူးလို့ ရွာသားတွေက ပြောပါတယ်။
စစ်ပြေးဒုက္ခသည်တွေအတွက် ကူညီရေးအဖွဲ့တွေ လတ်တလောအချိန်အထိ မရောက်လာသေးသလို စားနပ်ရိက္ခာတွေ လိုအပ်နေတယ်လို့ သိရပါတယ်။
ရှမ်းပြည်နယ်မြောက်ပိုင်း နမ္မတူမြို့နယ်အတွင်း TNLA နဲ့ SSPP ပူးပေါင်းအဖွဲ့တွေ နဲ့ RCSS အဖွဲ့တို့ကြား စစ်ရေး တင်းမာမှုတွေ ရှိနေသလို၊ မူဆယ်မြို့ နယ် နမ့်အွမ်ရွာ၊ ကွတ်ခိုင်မြို့နယ် နမ့်ဆုံကျေးရွာတ၀ိုက်မှာ တပ်မတော်နဲ့  TNLA အဖွဲ့တွေကြား တိုက်ပွဲတွေ မကြာခဏ ဆိုသလို ဖြစ်ပွားနေပါတယ်။
RFA Burmese
https://www.rfa.org/burmese
နမ္မတူမြို့နယ်မှာ RCSS နဲ့ TNLA ပစ်ခတ်မှုတွေကြောင့် ဒေသခံတွေထွက်ပြေးနေရ
Reviewed by THITHTOOLWIN
on
22:39
Rating:
Reviewed by THITHTOOLWIN
on
22:39
Rating:
