အာဖဂန်မှာ ကန်တပ်ဖွဲ့တွေ စစ်ရာဇဝတ်မှုကျူးလွန်ကြောင်း ICC စုံစမ်းလျင် ပိတ်ဆို့အရေးယူမယ်ဟု ကန်ခြိမ်းခြောက်
 |
| အမေရိကန်အမျိုးသားလုံခြုံရေးအကြံပေး John Bolton |
အမေရိကန်အမျိုးသားလုံခြုံရေးအကြံပေး John Bolton ၀ါရှင်တန်က Federalist Society မှာ ပြောကြားမယ့် မိန့်ခွန်းထဲမှာတော့ နိုင်ငံတကာရာဇတ်ဝတ်ခုံရုံးနဲ့ ပတ်သက်ပြီး ခပ်တင်းတင်း ခပ်မာမာ တုံ့ပြန်သွားဖို့ရှိနေပါတယ်။ ICCနိုင်ငံတကာရာဇ၀တ်ခုံရုံးအနေနဲ့ ICC ရဲ့ သဘောတူစာချုပ်ကို အတည်ပြုလက်မှတ်မထိုးထားတဲ့ အမေရိကန်ပြည်ထောင်စု ဒါမှမဟုတ် တခြားနိုင်ငံတွေက ပြည်သူတွေအပေါ်မှာ တရားစီရင်ပိုင်ခွင့်မရှိဘူးလို့ အဲဒီမိန့်ခွန်းမူကြမ်းထဲမှာ ပြောထားပါတယ်။
ICC ရဲ့ လုပ်ငန်းစဉ်တွေကို ၂၀၀၂ ခုနှစ်မှာ စတင်ခဲ့ပြီး၊ စစ်ရာဇ၀တ်မှုတွေ၊ လူသားမျိုးနွယ်တွေအပေါ်မှာ ကျူးလွန်တဲ့ ရာဇ၀တ်မှုတွေ နဲ့ လူမျိုးတုံးသတ်ဖြတ်မှုတွေကို စုံစမ်းစစ်ဆေးခဲ့ပြီး၊ အစိုးရတွေရဲ့ လက်အောက်ကနေ သီးခြားလွတ်လပ်စွာ နဲ့ ရာသက်ပန်ရပ်တည်သွားဖို့ ရည်ရွယ်ထားတာဖြစ်ပါတယ်။
ICC အနေနဲ့ အာဖဂန်နစ္စတန်နိုင်ငံက အမေရိကန်ရဲ့ လုပ်ရပ်တွေကို စုံစမ်းစစ်ဆေးမယ်ဆိုရင်၊ အမေရိကန်ပြည်ထောင်စုအနေနဲ့ ICC နဲ့ ပူးပေါင်းဆောင်ရွက်မှာ မဟုတ်သလို့၊ သမ္မတထရမ့်အစိုးရအနေနဲ့လည်း၊ ခရီးသွားခွင့်ပိတ်ပင်တာတွေ၊ ပိုင်ဆိုင်မှုတွေကို ထိန်းချုပ်တာတွေ၊ ဒီစုံစမ်းစစ်ဆေးမှုမှာပါဝင်ပတ်သက်တဲ့ တရားသူကြီးတွေနဲ့ တရားလိုရှေ့နေတွေကိုလည်း အမေရိကန်မှာ တရားစွဲလာနိုင်ဖွယ်ရှိတယ်လို့ John Bolton ရဲ့ မိန့်ခွန်းမူကြမ်းထဲမှာ ပြောထားပါတယ်။ အမေရိကန်စစ်တပ် နဲ့ CIA က ကျူးလွန်ခဲ့တယ်ဆိုတဲ့ ပြစ်မှုတွေနဲ့ ပတ်သက်ပြီး စုံစမ်းစစ်ဆေးဖို့ ICCရဲ့ ရှေ့နေ Fatour Bensouda က တရားရုံးရဲ့ ခွင့်ပြုမိန့်ကို မနှစ်က တောင်းခံခဲ့ပါတယ်။
ဗွီအိုအေ (မြန်မာပိုင်း)
https://burmese.voanews.com
အာဖဂန်မှာ ကန်တပ်ဖွဲ့တွေ စစ်ရာဇဝတ်မှုကျူးလွန်ကြောင်း ICC စုံစမ်းလျင် ပိတ်ဆို့အရေးယူမယ်ဟု ကန်ခြိမ်းခြောက်
Reviewed by THITHTOOLWIN
on
21:09
Rating:
Reviewed by THITHTOOLWIN
on
21:09
Rating:
