မြန်မာနယ်နိမိတ် ကျူးကျော်မှုမှ တရုတ် ပြန် နောက်ဆုတ်ပေး

စက်တင်ဘာ ၁၉၊ ၂၀၁၈ မနက်ပိုင်း မြန်မာပြည်ဘက် ကျူးကျော်ပြီး နယ်ခြားမှတ်တိုင် ရွှေ့ပြောင်းစိုက်ထူရန် လုပ်ဆောင်လာတဲ့ တရုတ် နဲ့ Hpai Kawng ရွာသားတွေ အငြင်းပွားနေပုံ
ရှမ်းပြည်မြောက်ပိုင်း၊ ပန်းဆိုင်း (ကြူကုတ်) မြို့နယ် တရုတ်-မြန်မာ နယ်နိမိတ် မျဉ်းပေါ် တရုတ်ဘက်မှ မြန်မာပြည်ထဲသို့ ၀င်ရောက်ကျူးကျော်ပြီး ‘နယ်ခြား မှတ်တိုင်သစ်’ ရွှေ့ပြောင်း စိုက်ထူရန်ကြိုးစားခြင်းကို ရွာသားများ ကန့်ကွက် ပိတ်ဆို့မှုကြောင့် ယမန်နေ့ညနေ ပြန်ဆုတ်ပေးလိုက်သည်။

မြန်မာပြည်ထဲ မီတာ ၃၀ ခန့် ဝင်ရောက်ကျူးကျော် လာသဖြင့် Hpai Kawng (ဖိုင်ကောင်း) ရွာသားများ စုဝေးကာ သွားရောက် ငြင်းခုံ ပြောကြားရာမှာ အထက်တာဝန်ရှိသူများ နှင့် ပြန်လည် ဆွေးနွေးသွားမည် ဆိုကာ စိုက်ထူနေသော သံတိုင်များကို ပြန်လည် ဖြုတ်သိမ်းသွားကြကြောင်း ကျေးရွာအုပ်ချူပ်ရေးမှုး Slg. Lahpai Zau Hkam (ဦးလဖိုင် ဇော်ခမ်း) ပြောသည်။

“သူတို့ မနက် ၇ နာရီခန့်က စပြီး လာလုပ်ကြတယ်။ ရွာသားတွေက ၁၀ နာရီ ဝန်းကျင်လောက်မှာ သွားဝန်းရံ ပြောဆိုတော့ သူတို့ဘက်ကလည်း နှစ်ဖက် သက်ဆိုင်ရာ လူကြီးတွေနဲ့ တိုင်ပင် အုန်းမယ် ဆိုပြီး ညနေ ၅ နာရီလောက်မှာ သူတို့ ရဲ့ ဆောက်လုပ်နေတဲ့ သံတိုင် ကြိုးတွေကို အကုန် ပြန်ဖြုတ်သွားကြတယ်။”

Hpai Kawng ကျေးရွာသားများအနေဖြင့် တရုတ် နယ်ခြားမှတ်တိုင်သစ် လာစိုက်ရန် တူးထားသည့် ကျင်းကို နဂိုအတိုင်းဖြစ်အောင် မြေပြန်ဖို့ရန် စီစဉ်သော်လည်း သက်ဆိုင်ရာ မြန်မာအစိုးရဘက်မှ ခွင့် မပြုသေးသောကြောင့် အခြေအနေကို စောင့်ကြည့်နေသေးကြောင်း ပြောပါသည်။

ထိုနေရာတွင် မြန်မာ နှင့် တရုတ်နိုင်ငံ နယ်နိမိတ် ပြသာနာ ၂၀၀၈ ခုနှစ်မှ စတင်ဖြစ်ပွားခဲ့ကြောင်း ဒေသခံများ ပြောဆိုမှုအရ သိရပါသည်။

Kachinnews
http://kachinnews.com/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ