 |
| Photo: AP |
အိန္ဒိယဝန်ကြီးချုပ် နရန်ဒရာမိုဒီဟာ ရာထူးကနေနုတ်ထွက်ရမယ့် အခြေအနေနဲ့ ရင်ဆိုင်နေရပါတယ်။
ပြင်သစ်နိုင်ငံက ကာကွယ်ရေးပစ္စည်းထုတ်လုပ်တဲ့ ကုမ္ပဏီကနေ ရာဖေးလ်ဂျက်လေယာဉ် ၃၆ စီးဝယ်ဖို့ ၂၀၁၆ ခုနှစ်က သဘောတူစာချုပ်ချုပ်တဲ့အခါမှာ လာဘ်စားမှုရှိတယ်လို့ စွပ်စွဲခံနေရချိန်မှာ ပြင်သစ် သမ္မတဟောင်း ဖရန်ကို ဟောလန်ဒေးက ထပ်လောင်းပြောဆိုလိုက်တဲ့အတွက် အခုလိုဖြစ်လာတာပါ။
ပြင်သစ်ကုမ္ပဏီဖြစ်တဲ့ Dassault လေယာဉ်ကုမ္ပဏီက၊ အိန္ဒိယအစိုးရပိုင် HAL ဆိုတဲ့ Hindustan Aeronautics Limited နဲ့စာချုပ်မချုပ်ဘဲ အိန္ဒိယသူဌေးကြီး အနေးလ် အမ်ဘာနီရဲ့ Reliance Group နဲ့ စာချုပ်ချုပ်ခဲ့တာဖြစ်ပါတယ်။
အဲဒီ Reliance Group ကုမ္ပဏီနဲ့စာချုပ်ချုပ်ဖို့ အိန္ဒိယအစိုးရက အဆိုပြုခဲ့တာလို့ ပြင်သစ်သမ္မတဟောင်းက ထုတ်ပြောလိုက်တာဖြစ်ပါတယ်။ ဒါကြောင့် အခုကိစ္စဟာ အိန္ဒိယသတင်းစာရဲ့ စနေနေ့အတွက် မျက်နှာဖုံးသတင်းလည်း ဖြစ်သွားခဲ့ပါတယ်။
RFA Burmese
https://www.facebook.com/rfaburmese/
အိန္ဒိယဝန်ကြီးချုပ် နုတ်ထွက်ဖို့ ဖိအားပေးခံရ
Reviewed by THITHTOOLWIN
on
11:37
Rating:
Reviewed by THITHTOOLWIN
on
11:37
Rating:
