ကေအန်ယူတပ်မဟာ ၅ တပ်ဖွဲ့ဝင်တွေ |
ကျွန်တော်တို့ သက်ဆိုင်ရာတာဝန်ရှိတဲ့ ခရိုင်ခေါင်းဆောင်တွေက တာဝန်ယူဆောင်ရွက်နေ ပါတယ်။ တကယ်လို့သူတို့အောက်ခြေမှာ ဖြေရှင်းလို့မရဘူးဆိုရင် အထက်ကို တက်လာမှာပေါ့။ အခုက အောက်ခြေမှာရှိတဲ့တပ်ပိုင်းဆိုင်ရာကိစ္စကို တပ်ပိုင်းဆိုင်ရာခေါင်းဆောင်တွေက ဆောင်ရွက်နေတယ် လို့ ကေအန်ယူဒု-ဥက္ကဋ္ဌ ပဒိုစောကွယ်ထူးဝင်း က ဘီဘီစီကို ပြောပါတယ်။
ဖာပွန်ခရိုင် ပုဇွန်မြောင်းကျေးရွာနဲ့ ကာညီနောင်ရွာအနား ကေအန်ယူတပ်မဟာ ၅ နဲ့ တပ်မတော် တပ်ဖွဲ့ဝင်တွေအကြား ပြီးခဲ့တဲ့သြဂုတ်လကုန်ပိုင်းမှာ ပစ်ခတ်တိုက်ခိုက်မှုဖြစ်ပွားခဲ့လို့ ကာညီနောင် ရွာက ရွာသား နှစ်ရာကျော်က မြိုင်ကြီးငူမြို့မှာ ထွက်ပြေးခိုလုံနေကြသလို ပုဇွန်မြောင်းက ရွားသား တွေလည်း ကတုတ်ကျင်းတွေတူးပြီး သတိနဲ့နေထိုင်ကြဖို့ ကျေးရွာလူကြီးတွေက ညွှန်ကြားထား တယ်လို့ ပုဇွန်မြောင်းဒေသခံတွေက ပြောပါတယ်။
မြိုင်ကြီးငူမြို့ |
အခုလိုကေအန်ယူအောက်ခြေတပ်ဖွဲ့နဲ့ အစိုးရတပ်တွေအကြား ထိတွေ့မှုရှိနေပေမယ့် အပစ်အခတ် ရပ်စဲရေးနဲ့ ငြိမ်းချမ်းရေးလုပ်ငန်းစဉ်ကို မထိခိုက်နိုင်ဘူးလို့ ကေအန်ယူ ဒု-ဥက္ကဋ္ဌ က ပြောပါတယ်။
တိုက်ပွဲတွေကတော့ တိုက်ပွဲကြီးတွေမဟုတ်ဘူး။ အပစ်အခတ်ရပ်စဲရေးလုပ်နေတဲ့ကာလမှာ ထိတွေ့မှုတော့ရှိနေမှာပဲ။ နားလည်မှုလွဲတဲ့အခါမှာတော့ တိုက်ပွဲတော့ဖြစ်တတ်တာပဲ။ ဒါပေမဲ့ ငြိမ်းချမ်းရေးလုပ်ငန်းစဉ်တစ်ခုလုံးကို ထိခိုက်စေတဲ့အနေအထားတော့ မရှိပါဘူး လို့ ပဒိုစောကွယ်ထူးဝင်း က ပြောပါတယ်။
မြန်မာအစိုးရတပ်ဖွဲ့တွေက ကန့်သတ်ထားတဲ့ နယ်မြေကိုကျော်လွန် သွားလာလှုပ်ရှားနေတဲ့ အတွက်ကေအန်ယူတပ်မဟာ ၅ တပ်ဖွဲ့တွေက တပ်အင်အားတွေ တိုးချဲ့ပြင်ဆင်လာတာတွေ့နေရ တော့ ပုဇွန်မြောင်းရွာ၊ ကာညီနော်ရွာနဲ့ နို့ထရွာကရွာသား တွေလည်း အခုရက်ပိုင်းမှာ သတိနဲ့သွားလာနေထိုင်နေရတယ်လို့ ဒေသခံတွေက ပြောပါတယ်။
၂၀၁၈ မတ်လအစောပိုင်းကလည်း ကရင်ပြည်နယ်ဖာပွန်ခရိုင်မှာ ကားလမ်းဖောက်ဖို့ တပ်မတော်က တပ်ရင်းတွေတိုးချဲ့လာလို့ ကေအန်ယူ တပ်မဟာ ၅ တပ်ဖွဲ့တွေနဲ့ တိုက်ပွဲဖြစ်ပွားခဲ့ပါတယ်။
BBC Burmese
https://www.bbc.com/burmese
ဖာပွန်ခရိုင်စစ်ရေးတင်းမာမှု ကေအန်ယူနဲ့ အစိုးရတပ်ဖွဲ့နှစ်ဖက် တပ်ခေါင်းဆောင်ညှိနှိုင်း
Reviewed by THITHTOOLWIN
on
20:01
Rating: