အီရန်နိုင်ငံပိုင် ရဟတ်ယာဉ်တစ်စင်းအားတွေ့ရစဉ် (ဓါတ်ပုံ-အင်တာနက်) |
ပါရှန်ပင်လယ်ကွေ့တွင် ဧပြီ ၁၇ ရက် ညနေပိုင်းက အီရန် ရဟတ်ယာဉ် ပျက်ကျခဲ့ရာ အနည်းဆုံး လူ ၂ဦးသေဆုံးကြောင်း နိုင်ငံပိုင် IRNA သတင်းဌာနက ဖော်ပြခဲ့သည်။
ရဟတ်ယာဉ်ပျက်ကျမှုတွင် လေယာဉ်မှူး အသက်ရှင်ကျန်ရစ်ခဲ့ပြီး အခြားလူ ၂ဦး ပျောက်ဆုံးနေကြောင်း Bandar Lengeh မြို့ ပဋိပက္ခစီမံခန့်ခွဲရေးအကြီးအကဲ Arsaian Bahari Meimandi က IRNA သို့ပြောကြားခဲ့သည်။အဆိုပါ ရဟတ်ယာဉ်အား Falat Qarreh အီရန်ရေနံကုမ္ပဏီမှ လူနာတစ်ဦးအား ဆေးရုံသို့ ပို့ဆောင်ရန် စေလွှတ်ခဲ့ခြင်းဖြစ်ကြောင်း သိရသည်။
သို့သော ယင်းရဟတ်ယာဉ်သည် Lavan ကျွန်းမှ အီရန်ပိုင် Kish ကျွန်းသို့သွားရာ လမ်းကြောင်း တွင် ပျက်ကျခဲ့ခြင်းဖြစ်ကြောင်း သိရသည်။Meimandi က ရဟတ်ယာဉ်ပေါ်တွင် လူ ၅ဦးလိုက်ပါလာပြီး လူနာ နှင့် ယင်းလူနာအား စောင့်ရှောက်ရန်လိုက်ပါလာသော ဆရာဝန် သေဆုံးသွားကြောင်း အတည်ပြုပြီးဖြစ်သည်။၎င်းက ပျောက်ဆုံးနေသည့် လူ၂ဦးကို ကယ်ဆယ်ရန် ရှာဖွေရေးလုပ်ငန်းများ လုပ်ဆောင်လျက်ရှိကြောင်းပြောကြားခဲ့သည်။
(Xinhua)
http://www.xinhuamyanmar.com
ပါရှန်ပင်လယ်ကွေ့တွင် အီရန် ရဟတ်ယာဉ် တစ်စင်း ပျက်ကျမှုကြောင့် လူ ၂ဦးသေဆုံး
Reviewed by THITHTOOLWIN
on
17:01
Rating: