ကျောက်မဲ သဘာဝဘေးအန္တရာယ်ဆိုင်ရာ စီမံခန့်ခွဲမှု ခရိုင်ဦးစီးမှူးကို အငယ်တန်းစာရေးက ဓါးဖြင့်ထိုး၍ သေဆုံး

ရှမ်းပြည်နယ်(မြောက်ပိုင်း) ကျောက်မဲမြို့ အမှတ် (၁ )ရပ်ကွက် နယ်မြေ (၇) ရှိ သဘာဝဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနရုံးဝန်းအတွင်း ဧပြီလ (၁၈) ရက်နေ့ ညပိုင်းက သဘာဝဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ ခရိုင်ဦးစီးမှူးအား အငယ်တန်းစာရေးက ဓါးဖြင့်ထိုးသတ်မှုဖြစ်ပွားကြောင်း သိရသည်။

ခရိုင်ဦးစီးမှူးဖြစ်သူ ဦးအောင်ကျော်မိုးသည် ဧပြီလ (၁၈) ရက်နေ့ ညနေပိုင်းတွင် အရက်သောက်ပြီး နေအိမ် လိုင်းခန်းသို့ပြန်လာကာ ဇနီးဖြစ်သူနှင့်စကားများ၍ ပြန်လည်ထွက်ခွာသွားခဲ့ပြီး ခေတ္တအကြာတွင် ရုံးဝန်းအတွင်းရှိ အငယ်တန်းစာရေး သိန်းမြင့်ထွန်း၏ နေအိမ်ရှေ့တွင် ပက်လက်လန်လျက်အနေအထားဖြင့် အဆိုပါအငယ်တန်းစာရေးမှ ဖိထားလျက်ရှိနေသည်ကို မြင်တွေ့ရခြင်းဖြစ်ကြောင်း သိရသည်။

လဲကျနေသည့် ဦးအောင်ကျော်မိုး၏ ဘယ်ဖက်လက်ကောက်ဝတ်၊ ဝဲလက်ဖျံ ဝမ်းဗိုက်ယာဘက်တို့တွင် ဓါးဖြင့်ထိုးထားသည့် ဒဏ်ရာများရရှိသွားပြီး ၄င်း၏ ဇနီးဖြစ်သူက ပြည်သူ့ဆေးရုံသို့ပို့ဆောင်ပေးစဉ် သေဆုံးသွားခဲ့ခြင်းဖြစ်ကြောင်း သိရသည်။

ဓါးဖြင့်ထိုးခဲ့သည့် အငယ်တန်းစာရေး သိန်းမြင့်ထွန်းအား ကျောက်မဲမြို့မရဲစခန်းတွင် (ပ)၁၈၂/ ၂၀၁၇၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်စစ်ဆေးလျက်ရှိကြောင်း သိရသည်။

သတင်း - နေဖြိုးမြင့်
ဓါတ်ပုံ - ရဲတပ်ဖွဲ့
Tachileik News Agency
https://www.tachileik.net