နှစ်သစ်အတွက် သမ္မတအသစ်၊ အားသစ် အင်သစ် ရည်မှန်းချက် အသစ်များဖြင့် ဆောင်ရွက်ကြမည့် အချိန်ဖြစ် ဟု မန္တလေး ဝန်ကြီးချုပ်ပြော

မန္တလေးသင်္ကြန်ဖွင့်ပွဲအခမ်းအနား ၌ မန္တလေးတိုင်းဝန်ကြီးချုပ် ဒေါက်တာ ဇော်မြင့်မောင် အမှာစကားပြောကြားစဉ် (ဆင်ဟွာ)
မန္တလေး၊ ဧပြီ ၁၃ ရက် (ဆင်ဟွာ)

    ယခု ကျရောက်သော မြန်မာ့ရိုးရာနှစ်သစ်ကူး အချိန်အခါကာလသည် နှစ်သစ်အတွက် သမ္မတအသစ်၊ အားသစ် အင်သစ် ရည်မှန်းချက် အသစ်များဖြင့် နိုင်ငံသား အားလုံးက စည်းလုံး ညီညွတ်စွာ ဆောင် ရွက် ကြမည့် အချိန်အခါ ဖြစ်ကြောင်း မန္တလေးတိုင်းဒေသကြီး အစိုးရအဖွဲ့  ၀န်ကြီးချုပ် ဒေါက်တာ ဇော်မြင့်မောင်က ၁၃၇၉ ခုနှစ် မြန်မာ့ ရိုးရာ သင်္ကြန်ပွဲတော် မန္တလေးမြို့ တော် မဟာ သင်္ကြန် မဏ္ဍပ် ဖွင့်ပွဲ အခမ်းအနားတွင် ပြောကြားခဲ့သည်။

“နိုင်ငံတော်သမ္မတကြီးရဲ့ လမ်းညွှန်မှု ဖြစ်တဲ့ တရားဥပဒေ စိုးမိုးရေးနဲ့  နိုင်ငံသားတို့ရဲ့ လူမှုဘ၀ မြှင့်တင်ရေး၊ ငြိမ်းချမ်းရေး၊ အမျိုးသား ပြန်လည် သင့်မြတ်ရေး၊ ဖက်ဒရယ် ဒီမိုကရေစီ ပြည်ထောင် စုကြီး တည်ထောင်ရေးတို့ ကို နိုင်ငံတော် အစိုးရနဲ့  အတူ အဟုန်ပြင်းပြင်းဆောင်၇ွက်ကြရမယ့်  နှစ်သစ် ဖြစ်တယ်လို့ လည်း မှာကြားလိုပါတယ်” ဟုလည်း ၎င်းက ပြောကြားခဲ့သည်။

ထို့ အပြင် ၎င်းက “ မနှစ်က မန္တလေး လမ်းလျှောက် သင်္ကြန်ဟာ လူတိုင်း ပျော်ရွှင်မှု စိတ်ကျေနပ် မှုတွေ ဆောင်ကြဉ်းပေးနိုင်ခဲ့လို့ နာမည်ကြီးခဲ့ပါတယ်၊ အခြေခံ စိတ်ထားကောင်းမွန်တဲ့ နိုင်ငံတော်သူ နိုင်ငံသားတွေအနေနဲ့  မိမိတို့ မှာ ရှိနှင့်ပြီးသား မေတ္တာစိတ်၊ ကရုဏာစိတ်၊ မုဒိတာစိတ်၊ သည်းခံစိတ် တွေနဲ့ အတူ နိုင်ငံတော် ငြိမ်းချမ်းရေး ရရှိအောင် ပဋိပက္ခများ ချုပ်ငြိမ်းအောင် ၀ိုင်းဝန်း ဆေင်ရွက်ပေး ကြစေလိုပါတယ်” ဟုလည်း ပြောကြားခဲ့သည်။

နံနက် ၇း ၃၀ နာရီတွင် စတင်ခဲ့သော အဆိုပါ ဖွင့်ပွဲအခမ်းအနား၌ မန္တလေးတိုင်းဒေသကြီး အစိုးရ အဖွဲ့  ၀န်ကြီးချုပ် ဒေါက်တာ ဇော်မြင့်မောင်က အဖွင့်အမှာစကား ပြောကြားအပြီးတွင် မြို့့မိမြို့့ဖများက ဖဲကြိုးဖြတ် ဖွင့်လှစ်ပေးကာ ၀န်ကြီးးချုပ်၊ မန္တလေး မြို့့တော်ဝန်နှင့် အစိုးရအဖွဲ့ ဝင်များက ငြိမ်းချမ်းရေး မိုးပျံ ပူဖောင်းများ လွှတ်တင်ခဲ့ကြပြီး မန္တလေး မြို့ တော် စည်ပင်သာယာရေး ကော်မတီ၏ လှပျိုဖြူ ယိမ်းသမများနှင့် ကျောင်းသူကလေး ငါးရာဦးတို့ က အကများဖြင့် ကြွရောက်လာသော ပရိသတ်တို့  အား ဖြေဖျော်ခဲ့ကြသည်။

ထို့ အတူ ရှေးရိုးရာ အစဉ်အလာဖြစ်သော နှစ်သစ်ကူး အမိန့် တော် ပြန် ၀န်မင်းနှင့် မင်္ဂလာ စည်တော် အဖွဲ့ က မြို့ မ ငွေငန်းကားကြီးအပါအ၀င် သင်္ကြန်အလှကား၊ သံချပ်ကားနှင့် ကျောက်ဆည် ဆင်အက ကားများအား ဦးဆောင်ကာ ဗဟိုမဏ္ဍပ်ရှေ့ မှ ဖြတ်သန်းလျက် သရုပ်ပြခြင်း၊ သီဆိုကပြခြင်းများ ဆောင်ရွက်ခဲ့ကြသည်။

ထို့ နောက် ယမန်နှစ်က စတင်ပြီး နာမည်ရခဲ့သော မန္တလေး လမ်းလျှောက် သင်္ကြန်ကို ၂၆ လမ်း နှင့် ၇၇ လမ်းထောင့်မှ စတင် ဖွင့်လှစ်ပြီး မဟာသင်္ကြန် အကြိုနေ့ ကို စည်ကား သိုက်မြိုက်စွာ ဆင်နွဲခဲ့ကြ သည်။

(Xinhua)
http://xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ