 |
| တွံတေးမြို့နယ်တွင် သား အဖချင်း စကားများရာ ဖခင်ဖြစ်သူမှ သားဖြစ်သူအား ဓားဖြင့်ခုတ်၍ မိမိကိုယ်ကို ကြိုးဆွဲချသေဆုံးမှုဖြစ် - ဓါတ်ပုံ - စိတ္တသုခတွံတေး |
ရန်ကုန်တိုင်းဒေသကြီး တွံတေးမြို့နယ်၊ ရေ၀က်ချောင်းကျေးရွာတွင် ဧပြီလ ၂၂ ရက်နေ့ ည ၉ နာရီအချိန်ခန့် က တီဗီလိုင်းချိမ်းလိုက်သည့်ကိစ္စဖြင့်
သား အဖချင်း စကားများရာကနေ ဖခင်ဖြစ်သူမှ သားဖြစ်သူအား ဓားဖြင့်ခုတ်၍ မိမိကိုယ်ကို ကြိုးဆွဲချသေဆုံးမှုဖြစ်ပွားခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့ ၏ ယနေ့ သတင်းထုတ်ပြန်မှုအရ သိရပါသည်။
 |
| ဒဏ်ရာရရှိတဲ့ သားဖြစ်သူ - ဓါတ်ပုံ - စိတ္တသုခတွံတေး |
ဖြစ်စဉ်မှာ၂၂.၄.၂၀၁၈ ရက်နေ့ ည ၂၁း၀၀ နာရီအချိန်တွင် တွံတေးမြို့နယ်၊ ရေ၀က်ချောင်းကျေးရွာနေ မ-----သည် မိသားစုနှင့်အတူ နေအိမ်၌ တီဗီကြည့်နေစဉ် ခင်ပွန်းဖြစ်သူ ၀င်းနိုင်၊ (၃၇)နှစ်မှာ အရက်မူး၍ ရောက်ရှိလာပြီး တီဗီလိုင်းချိမ်းလိုက်သည့်ကိစ္စဖြင့် သားဖြစ်သူ မောင်-----နှင့် စကားများခဲ့ကြရာမှ ဖခင်ဖြစ်သူမှာ နေအိမ်အောက်သို့ဆင်း၍ မြက်ခုတ်ဓားအား ယူဆောင်ပြီး အိမ်ပေါ်သို့တက်ကာ သားဖြစ်သူအား ဓားဖြင့်ခုတ်ခဲ့သဖြင့် ဦးခေါင်းဝဲဘက်၌ ပြတ်ရှဒဏ်ရာရရှိခဲ့ကြောင်း၊ မ-----မှာ ကြောက်လန့်၍နေအိမ်မှ ဆင်းပြေးကာ အိမ်နီးနားချင်းနေအိမ်သို့သွားရောက်ခဲ့ကြောင်း၊ ယင်းနောက် နာရီဝက်ခန့်အကြာတွင် အိမ်နီးနားချင်းများနှင့်အတူ နေအိမ်သို့ပေါ်သို့ ပြန်လာစဉ် ခင်ပွန်းဖြစ်သူမှာ ပုခက်ကြိုးဖြင့် ကြိုးဆွဲချလျက် သေဆုံးနေသည်ကို တွေ့ရှိခဲ့ရကြောင်း သိရသည်။
ဒဏ်ရာရရှိသူ မောင်------အား တွံတေးဆေးရုံမှတစ်ဆင့် ရန်ကုန်ဆေးရုံကြီးသို့ လွှဲပြောင်းကာ ဆေးကုသမှုခံယူ လျက်ရှိကြောင်းနှင့် မှုခင်းဖြစ်စဉ်နှင့် ပတ်သက်၍ သက်ဆိုင်ရာရဲစခန်းတွင် အမှုဖွင့်အရေးယူ ဆောင်ရွက်လျက်ရှိကြောင်း သတင်းထုတ်ပြန်ချက်တွင် ဖော်ပြထားပါသည်။
သစ်ထူးလွင်
Reviewed by THITHTOOLWIN
on
15:46
Rating:
