 |
| ကျုးဘားနိုင်ငံမှာ သမ္မတ Raul Castro နဲ့ သမ္မတသစ်အဖြစ် အမည်စာရင်းတင်သွင်းခံရတဲ့ ဒုသမ္မတ Miguel Diaz-Canel ။ |
အစိုးရခေါင်းဆောင်ပိုင်း အပြောင်းအလဲတွေ ဖြစ်လာဖို့ အချိန်အတော်ကြာ ကတည်းက မျှော်လင့်ထားကြပေမဲ့လည်း ကြီးကြီးမားမား အပြောင်းအလဲတွေ ဖြစ်မယ်လို့တော့ မျှော်လင့် မထားကြပါဘူး။ အမေရိကန် နိုင်ငံခြားရေး ၀န်ကြီးဌာန ပြောခွင့်ရ Heather Nauert ကတော့ ဒီမိုကရေစီ မဆန်တဲ့ လုပ်ငန်းစဉ်ဖြစ်တဲ့အတွက် သမ္မတ Donald Trump အစိုးရအနေနဲ့ အလွန်အမင်း စိုးရိမ်ကြောင်းလည်း ပြောဆိုခဲ့ပါတယ်။
နိုင်ငံရေး ရလဒ်တွေအတွက် နိုင်ငံသားတွေ အနေနဲ့ ပြောရေးဆိုခွင့် ရှိဖို့လိုအပ်ပေမဲ့၊ အခုလုပ်ငန်းစဉ်မှာတော့ ဒီလိုအခြေအနေတွေ မတွေ့ရတာကြောင့် ဒီမိုကရေစီကျင့်စဉ်နဲ့ မညီကြောင်းပြောဆိုခဲ့တာပါ။ အမေရိကန် အစိုးရ အနေနဲ့ ပိုမိုလွတ်လပ်ပြီး ဒီမိုကရေစီဆန်တဲ့ ကျုးဘားနိုင်ငံကို မြင်တွေ့လိုပေမဲ့၊ အလွန်အကျွံ အကောင်းမြင်လို့ မဖြစ်နိုင်ကြောင်းလည်း ပြောဆိုခဲ့ပါတယ်။
သမ္မတသစ်ဟာ ၅ နှစ်သမ္မတသက်တမ်း ၂ ကြိမ် တာဝန်ယူခဲ့ပြီးဖြစ်တဲ့ Raul Castro နေရာမှာ တာဝန်ယူရမှာပါ။ လက်ရှိသမ္မတရဲ့ အစ်ကိုဖြစ်သူ Fidel Castro ကတော့ ၁၉၅၉ ခု ကျုးဘား လက်နက်ကိုင် တော်လှန်ရေးနောက်ပိုင်း ၀န်ကြီးချုပ်နဲ့ သမ္မတတွေအဖြစ် တာဝန်ယူခဲ့ပြီး၊ ကျန်းမာရေး မကောင်းတော့တဲ့အတွက် ၂၀၀၆ ခုနှစ်မှာ နိုင်ငံခေါင်းဆောင်အဖြစ်က အနားယူခဲ့ပါတယ်။
ဗွီအိုအေ (မြန်မာပိုင်း)
https://burmese.voanews.com
ကျူးဘားသမ္မတသစ် တင်မြှောက်
Reviewed by THITHTOOLWIN
on
21:16
Rating:
Reviewed by THITHTOOLWIN
on
21:16
Rating:
