ရက် ၂ဝ ခန့်ပိတ်လှောင်ပြီး အကြိမ်ကြိမ်သားမယားပြုကျင့်ကာ ရွှေဆွဲကြိုးဖြုတ်ယူထားသူအား အမှုဖွင့်

ညောင်ရမ်း မတ် ၁၃

သမီးဖြစ်သူအား ရက် ၂ဝ ခန့် ပိတ်လှောင်ပြီး အကြိမ်ကြိမ်သား မယားပြုကျင့်ကာ ရွှေဆွဲကြိုးဖြုတ် ယူထားသူအား ဖခင်ဖြစ်သူမှ ယမန်နေ့ ညနေ ၅ နာရီ ၅မိနစ်ခန့် တွင် ညောင်ရမ်း ရဲစခန်း၌ အမှုဖွင့် တိုင်ကြားခဲ့ကြောင်း သိရသည်။

ဖြစ်စဉ်မှာ ဖေဖော်ဝါရီ ၅ရက် ည၁၁နာရီခန့်တွင် ဦးxx(၅၄နှစ်) သာစည်မြို့နယ်ကွမ်းခြံလည်ကျေးရွာ နေသူနေအိမ်ခေါင်းရင်းကုတင်ပေါ် တွင်အိပ်ပျော်နေရာမှတစ်ရေးနိုး၍ ထကြည့်ရာ နေအိမ်အတွင်းအိပ်နေ သောသမီးဖြစ်သူမxxx(၁၇နှစ်)အား မတွေ့ရှိသဖြင့် လိုက်လံရှာဖွေခြင်း စုံစမ်းခြင်းများလုပ်ရာ ထူးခြားမှု မရရှိဘဲ နောက်တစ်နေ့နံနက်တွင် ကွမ်းခြံ(တ)ကျေးရွာနေသူအောင်ဖြိုး (၂၅နှစ်)မှ ဆိုင်ကယ်ဖြင့် သမီး ဖြစ်သူ မxxxxအား ခေါ်ဆောင် သွားကြောင်း ရက်၂ဝကျော်ခန့် (နေ့ရက်မမှတ်မိ)တွင် သမီးဖြစ်သူ နေအိမ်သို့ ပြန်လည်ရောက်ရှိ လာ၍မေးမြန်းရာ အောင်ဖြိုးမှ မxx၏ယခင်ခင်ပွန်း(တစ်လခန့်က ကွာရှင်းထားသူ) ဇော်မင်းမှ အရေးတကြီး ခေါ်ခိုင်းသည်ဟု လိမ်လည်ခေါ်သွားကြောင်း၊ ဇော်မင်းမှခေါ်ခိုင်းခြင်းမဟုတ်ဘဲ'' နင့်ကို ငါခိုးလာတာ''ဟုပြောပြီး ဖေဖော်ဝါရီ ၅ရက် ည၁၁နာရီ မိနစ်၅ဝခန့်တွင် ညောင်ရမ်း-လင့် စဉ်ကုန်းရွာသွားလမ်း တောလမ်း ကြားတွင် အလိုမတူဘဲသားမယား အဖြစ် တစ်ကြိမ်ပြုကျင့်ခဲ့ပြီး ပျော် ဘွယ်မြို့နယ်သို့ ခေါ်ဆောင်ကာ အမည်မသိနေအိမ်အတွင်း မxxx အား ရက်၂ဝခန့်ပိတ်လှောင်ထား၍ သားမယားအဖြစ် အကြိမ်ကြိမ် ပြုကျင့်ခဲ့ကြောင်း၊ မxxဝတ်ဆင် ထားသောဆွဲကြိုးအား ဖြုတ်ယူ ထားကြောင်း (တန်ဖိုးလေးသိန်း သုံးသောင်း)ကိုဖြစ်စဉ်နှင့်ပတ်သက်၍ တိုင်တန်းခြင်းပြုလုပ်ပါကသတ်ပစ် မည်ဟုခြိမ်းခြောက်ပြောဆိုကြောင်း၊ သမီးဖြစ်သူ၏ ပြောပြချက်အရ သိရှိရ၍ ဖခင်ဖြစ်သူက တရားလို ပြုလုပ်တိုင်ကြားခဲ့ကြောင်း မှုခင်း မှတ်တမ်းအရ သိရသည်။

အဆိုပါအမှုအား ညောင်ရမ်း ရဲကင်းစခန်းမှ (ပ)၅/၂ဝ၁၈ ရာဇ သတ်ကြီး ပုဒ်မ၃၇၆/၃၆၃ဖြင့် အမှုဖွင့်အရေးယူဆောင်ရွက်ထား ကြောင်း သိရသည်။

ဘိုဘို(မလှိုင်)
The Union Daily
https://www.facebook.com/uniondaily.net